Wednesday, March 5, 2008

قطعة زجاج


عندما تبحث عن الامل رافضا الاستسلام لليأس الذي يحاوطك من كل الاتجاهات
وتستمر في مقولة ابتدعتها انت واتخذتها شعارا لك "ايامي حلوة" فتقولها على اقتناع بان غدا سوف يكون
احلى ويأتي الغد دون تحقيق ذلك ثم الغد ثم الغد، حينها تشعر انك تمتلك خاصية قطعة زجاج قابلة للكسر

16 comments:

في حب مصر said...

كويس يا شيري كدة قربنا من بعض في التفكير التشاؤمي، انتي مش دايما تنصحيني بان اتفائل واخلي الأيام حلوة، انتي دلوقت محتاجة غلى ينصحك علشان تتفائلي
شوفي موضوع النصايح ده انا مش بقتنع بيه يعني مثلا انتي ممكن تنصحي شخص يضحك ويتفاءل لكن لو عشتي مكانة ممكن مشاعرك تكون اكتر منه وعلى رأي المثل اللي ايده في المية مش زي اللي ايده في النار
مفيش حد بيحب يتشائم بس للأسف ساعات كتير بتتفرض عليكي حاجات ومواقف بتخليكي كدة ميالة للتشاؤم، على سبيل المثال تلاقي البنات الصغيرة اللي في الثانوي او في الجامعة متفائلين اكتر لانهم لكن مع مرور الوقت الاحلام بتاعتهم بتبدأ تصطدم بالواقع يبدأ التفاؤل يقل تدريجيا وكل ما الوقت يعدي كل ما التفاؤل بيقل، وده طبعا ينطبق على الشباب
مثال صغير للتوضيح تلاقي الشاب في الجامعة بيعيش قصص حب مع زميلاته كتير وعايش سرحان في المستقبل المشرق لكن لما يخرج ويبدأ يبقى مسؤل عن تكوين نفسه ويشتغل يبدأ تفاؤله يقل ده أصلا اذا لقى شغل، نسبة صغيرة هي اللي بتقدر تحقق اللي عايزها وتقدر تحافظ على تفاؤلها
التفاؤل حاجة جميلة جدا بس هل يا ترى الواقع اللي احنا بنعيشه يخلي حد يتفاءل، بصي حواليكي ايه بيحصل، كام شاب مش لاقي شغل، كام واحد مش قادر يفكر في الجواز علشان التكاليف العالية، الوضع في الشارع بقى عامل ايه، اخلاق الناس بقي شكلها ايه، انتي نفسك حكيتي مواقف كتير ممكن نضحك عليها زي الموز والجزر بس الحقيقة ان المواقف دي تبين ان الناس بتعمل اي حاجة دلوقت علشان الفلوس وعلشان مجرد تعيش.
على فكرة انا الحمد لله ظروفي احسن بكتير من غيري اتعينت مدير تحرير مجلة سياسية وانا عندي 25 سنة قبل ما افكر في السفر، بس انا بتكلم على الوضع العام في مصر، ساعات كتير يجيلي احساس ان البلد تتحول لفوضى وان الحرامية يطلعوا يسرقوا البيوت في عز الظهر، يبقى ازاي نتفاءل
ومع ذلك خلينا نحاول نشوف الجاني الإيجابي وان كنت بصراحة مش شايف فيه حاجة ايجابية
ربنا يتولانا برحمته
ويخلي ايامنا كلها حلوة
يارب

مصري غلبان

أيامنا الحلوة said...

في حب مصر
*********
ايه ده طب كلمتين حلوين كده يهدوا نفسيتي ده انت عقدتني اكتر حراااام عليك

تعرف انا اكتشفت انت ليه متشائم دايما عشان عرفت انك كنت مدير جريد سياسية اصلي انا كمان محررة وبشتغل السياسة بردوا فتلاقي عشان كده التشاؤم واخد حده من الاحداث اللي حوالينا يعني شايلين مشاكلنا ومشاكل العالم معانا.. نصيحة انا مش هنفذها ابعد عن السياسة عشان تتفائل

تحياتي ودعواتك وربنا يبعد عننا جميعا اليأس والتشاؤم

Ahmed Mubarak said...

شرين
ممكن الانسان يمر بموقف مش كويس
وممكن يكون متفائل اوي ويحس في لحظة ان الدنيا مش زي ما هوا عايز

حق كل انسان يحس بالضعف .. عدم التفاؤل .. دة البني أدم

بس انا مش هدي نصايح

بجد بعد الكلام الحلو في مدونتك ديه كلها انا متأكد ان نفسك حلوة وقادرة على انها ترجع لأيامها الحلوة ..

تحياتي

أيامنا الحلوة said...

أحمد مبارك
*********
ربنا يكرمك يااحمد انا على فكرة محبش الاستسلام لليأس بس الانسان بيمر بمواقف كتيرة بتخليه هينفجر ربنا يصلح لنا الحال جميعا

تحياتي

A long distance said...

لو عندك الهدف ومصمم عليه
اكيد هتنجح في يوم من الايام
لكن المهم ان الياس ماينتصرش عليك

على الطريق said...

أعلم أنك أرق من قطعة الزجاج وشفافيتك ربما تكون أكثر منها .. ولكنك يا صديقتي حتما أقوى

أتعلمين أن الزجاج له خاصية إدخال أشعة الشمس والاحتفاظ بها وعدم السماح بخروجها .. حقيقة علمية

أتمنى أن تكوني مثل الزجاج في الاحتفاظ بنور الشمس وضوء الأمل

في حب مصر said...

على فكرة انا مش قصدي والله تبقي مكتئبة بس هي فعلا الأمور والاحداث دايما بتخلي الواحد يغير رأيه مع مرور الوقت
وبعدين انا براهن على قدراتك الخارقة في التغلب على أي يأس محتمل والمحافظة على تفاؤلك ومرحك
انتي عندك حق في ان شغلنا بيخلينا نميل للتشاؤم لان كل حاجة في العالم بتمشي في اتجاه العنف والحروب والمجاعات والكوارث..إلخ
بس الخبر الجميل انك محررة سياسية يعني متفقين في مجال شغلنا وتخصصنا
ربنا يوفقك وتكوني دايما متفائلة

مصري غلبان

gogo we bas said...

عرفت لما قريت ان اسمك شرين

كل اللى قريته عنك يقول انك انسانة متفائلة ورافضة اليأس

بس البوست ده بيقول انك بدأتى تتغيرى.. او تتأثرى بلى حواليكى

كل واحد فينا عنده خاصية الزجاج.. كلنا قابليين للكسر بس كل واحد بيحاول يحافظ على نفسه.. بيحمى نفسه بأى وسيلة ممكنة


نصيحة.. حاولى تحافظى على نفسك وعلى بقايا التفاءل والامل اللى جواكى عشان قليل قوى اللى لسه عنهم امل.. خليكى منهم

وخلى ايامك دايما حلوة حتى لو مالقيتيش اللى يحليهالك
اشترى كيلو سكر وظبطى نفسك

بس بلاش تشترىة انتى ليحصل كيلو الجزر العظييييييييم ;)

احساس لسه حى said...

عزيزتى
دائما نبحث عن الامل

بعضه بيكون زائف
وبعضه بيكون حقيقى

وحتى لو مش حاسس ان ايامه حلوة اللى عيشها ومتعايش فيها ومعاها

بيحلم ببكرة يكون جميل واحلى

ما الحلم ده هو النفس اللى بيخليه يقدر يواصل دنيته

حتى لو الحلم ما اتحققش وكل حلم مش عاوز يتحقق

اكيد يوم هينحقق شئ يفرحه ويسعده يديله بعض الامل

اما اذا اصبح قطعة زجاج قابله للكسر

فذلك الامل يكون قد مات وجاء مكانه اليأس فلا داعى لليأس

وان بعد العسر يسر

اكيد بعد العسر يسر

تحياتى يا افندم

سلااااااااااااااام

أيامنا الحلوة said...

A long distance
****************
اكيد الهدف هو اللي هينتصر ولا لليأس

تحياتي

أيامنا الحلوة said...

على الطريق
**********
انتكتي اميرة فيلسوفة ياخواتي .. حقيقة علمية بردوا

ربنا يكرمك يااميرة ودائما بجانبي صديقة قوية تقويني وربنا يحلي ايامك

تحياتي

أيامنا الحلوة said...

في حب مصر
*********
كلا باتا انا لاننكن اغير مبدئي او رأيي ومصممة على عدم الاستسلام لليأس بس الواحد بيمر بمواقف كتيرة في الحياة فلازم يجيلو حبة يأس او زعل كده وبعدين يرجع تاني

ربنا يكرمك ويحلي ايامك وبعدين سياسة ايه بس وطي صوتك انت متعرفش ان اللي بيتكلم واللي بيحرر سياسة بيتعكش دلوقتي والانتخابات المحلية على الابواب يعني كله هوس هوس لحسن مصيرك هيكون مصير الاخوان

تحياتي ربنا يكرمك ويوفقك ويارب ادخلك مرة مدونتك الاقيك متفائل

أيامنا الحلوة said...

احساس لسه حي
*************
اكيد ان بعد العسر يسر وطالما مصمم على هدفك ورافض الاستسلام لليأس باذن الله هيتحقق مش مهم امتى بس على الاقل مكونش عيشت حياتي كلها في الدنيا دي مكتئب واحساس بالفشل والضياع كده الدنيا هتبقى وحشة مش حلوة خالص وادينا بنعافر معاها وبتعافر معانا وربنا يكرمنا جميعا

تحياتي ومتقلقش انا رافضة ومصممة على عدم الاستسلام لليأس

Wish I were a Butterfly ... said...

:)
صح جدا
و ساعات كتير كمان الزجاج دة بيتكسر للأسف.. و بياخد وقت على ما تعرفي تغيريه و تيجي بحاجة أقوى تتحمل الصدمات
بس عارفة إيه؟؟ كل حد فينا بيجيله لحظات ضعف، و دي المفروض يستغلها إنه يكون أقوى بعدها
أنا مش أعرفك ومش بزور البلوج بتاعك من زمان كمان.. بس أقدر أقوللك إني قرأت كتير في البلوج بتاعك عشان حسيتك شخصية جميلةأوي وحسيتك واحدة قريبة مني مش غريبة... بجد أتمنى تكوني زي الماس مش الزجاج.
كل العمليات اللي بتحصل فيه بتصقله أكتر و تخليه أقوى و أغلى
:)
متأكدة إن أيامك الحلوة هي اللي هتكسب في الآخر يا شيرين
:)
سلام عليكم

أيامنا الحلوة said...

Wish I were a Butterfly
***********************
ربنا يكرمك ومرسي على تعليقك الجميل واتمنى تزوريني دايما وتنوري ايامي الحلوة ويارب كلنا ناخد خاصية الماس كل العمليات اللي بتحصل فيه بتصقله أكتر و تخليه أقوى وأغلى ، ومعاكي في ان المشاكل موجودة في كل حتة ورانا ورانا والاستسلام ليها مش هو الحل زم نبقى اقوى من كده عشان نعرف نعيش والاهم اننا نتقرب من ربنا وان شاء الله هيفرج همنا

تحياتي

sendbad said...

مفيش مانع اننا نتشاؤم قليلا
ولكن لا نسقط في فخ التشاؤم للابد
هناك دائما بصيص من نور
ابحثي وسوف تجدي هذا البصيص
تحياتي