Tuesday, March 18, 2008

عمرو خالد


بالرغم من اني اعاني من ازمة لانظير لها وهي اني لسه مقبضتش لحد دلوقتي واعاني من ضائقة مالية شديد ولله يامحسنين لله حسنة قليلة تمنع بلاوي كتيرة واللي عند ربنا ميروحش يامحسن .. محسن مين ده ماعلينا

انا سعيدة سعيدة سعيدة ده مش اسمي طبعا ... بس دي حالة مريت بيها تعرفوا ليه اصلي شوفت عمرو خالد طبعا هتقولوا وايه يعني اقولكم هو كده مش عارفة ليه لما شوفت الراجل ده من جوايا فرحت .. وبعيدا عن الجدل الدائر حول الداعية عمرو خالد .. الراجل ده فعلا مثال جيد للمسلم يحتذى به .. وحقيقي التبسم في وجه اخيك صدقة الراجل ماشاء الله عليه بجد ابتسامته تشرح القلب ولما بتكلمه بتشعر كانك تعرفه ويعرفك عن قرب .

عامة مش هتكلم كتير عن عمرو خالد عشان عارفة ان هيحصل انقلاب ونقد عليه شديد بس انا بتكلم بعيدا عن أي ايجابيات او سلبيات عملها عمرو خالد .. الراجل ده ادخل الى قلبي السرور
وده حصل في يوم من أيامي الحلوة
وادعولي اقبض بقىىىىىىىىى عاااااااااااااااااااااااااااا

27 comments:

وجهة نظري said...

يا رب تقبضي، أهي دعوة حلوة أهي

أنا كمان بحب اتفرج علي عمرو خالد، أهو علي الأقل بيتكلم عن طاعة ربنا والرسول وعن أمور في أسرتنا ودنيتنا، مليش دعوة بقي هوا بيقبض كام والا بيروح كبارية بعد البرنامج، دي مشاكلة مع ربنا يحلها هوا، وعلي الأقل مبيتكلمش بفخر عن أخر فيديو كليب عملوا والا بيدافع دفاع مستميت عن أخر فيلم عملوا فيه شذوذ، وكمان عنده برامج لتنمية المجتمع شغالة فعلا وعندة برامج لمكافحة المخدرات شغالة بردة فعلا، يعني الراجل شغال مش بيقول حاعمل حاعمل وخلاص

بس دا لا يمكن يعجب المتأسلمين اللي لازم يكفروا كل اللي مش معاهم، ولازم يحسسوا الناس انهم داخلين النار يعني داخلينها

momken said...

ربنا ياستى يفرح قلبك
ويكرمك ويسعدك برؤيه صراف الخزنه وهو بيقبضك مرتبك

وابقى ابعتيلى على المدونه بعتى تلت تلاف جنيه سلف وخالى معاكى الباقى ماشى نفسك بيهم

تحياتى

على الطريق said...

صدقتي يا شيرين ، هناك خلاف بين بعض الناس حول شخص عمرو خالد لكن الحقيقة انه فعلا يدخل البهجة على نفوسنا ونرى منه النافع والمفيد للشباب والأمة

حينما زارنا في موقع العمل رأيت بقلبي أشعة التفاءل والأمل تنطلق من روحه وتتوزع على الموجودين .. ألا يستحق ذلك منا ان نشكره؟

همسات دافئه said...

ياعزيزتى
اذا طعنت من الخلف فاعلم انك فى المقدمه
اى حد ناجح لازم يطلعه فيه البدع بجد كل ما اشوف الناس بتهاجم عمرو خالد اصبر نفسى واقول دا حقد من نجاحه واصراره بجد ربنا يصبره على الهجوم دا ويزيد حب الناس ليه ويخذل كل الى بيحاول يشوه صورته
تحياتى
شيماء:)
وربنا يفك ازمتك يارب:)

في حب مصر said...

الاستاذة المبجلة شيرين
عايز بس اعرف الأول هو ليه انتي مقبضتيش لغاية دلوقت مرتبك ده أنا كنت لسة بفكر أطلب منك سلفة قد 100 الف دولار كدة وأردهم بعدين حين ميسرة؟؟؟؟؟؟؟؟؟؟؟؟؟؟؟؟؟
بالمناسبة انتي شغالة فين، يعني حكومة ولا قطاع خاص، أصل مش معقولة تكون الحكومة اتفقرت قوي كدة؟؟؟؟

عامة ربنا يفك ضيقتك وتقبضي يا رب وتشبرقي نفسك كدة كويس بالفلوس.

بالنسبة لسعادتك علشان شوفتي عمرو خالد فدي حاجة طبيعية لان كل المشهورين كدة الناس بتفرح لما تشوفهم مش عارف ليه، ومين عارف لما تتشهري انتي بعدين الناس تفرح لما يشوفوكي ويشاورو عليكي في الشارع

Wish I were a Butterfly ... said...

ههههه

يااارب تقبضي
على فكرة إحنا في الهوا سوا :) أصلي قبضت مرتب شهر 2 بس شهر 1 لسة
:)
ربنا يسعدك يا شيري دايما يارب
و عايزة أقوللك إنه بعيدا عن كل الجدل و الحاجات دي برده... أنا برده لما شفت أستاذ عمرو خالد جالي نفس الشعور دة، و أيوة هو حد زي أي حد تاني، بس الحقيقة إنه يحتذى بيه فعلا في التبسم و الروح الطيبة اللي بينشرها حواليه على الناس كلها مش عارفة إزاي
:)
بجد دة فعلا اللي حسيته ماشاء الله عليه، و كان نفسي من يومها أقول للناس كلها ياجدعاااان
تبسمك في وجه أخيك "صدقة". مش هتخسروا حاجة
أنا كمان شفته مرة واحدة في حياتي في العقيقة بتاعة ابنه الأخير
تحياتي

أيامنا الحلوة said...

وجهة نظري
**********
يادي النور يادي الهنا منوراني في اول زيارة لايامي الحلوة واتمنى التكرار

والله كلامك دخل دماغي اوي تعليق في الجون .... ربنا يكرمك يارب وشكرا على دعوة القبض اظاهر اتقبلت وفعلا قبضت

تحياتي

أيامنا الحلوة said...

momken
*******
صراف الخزنة قلبك ابيض هي فين الخزنة دي اصلا .... بس تصدق الدعوة اتقبلت وقبضت بس مشوفتش الخزنة ولا الصراف
ومن عنيا هبعتلك خمسة الاف بدل ثلاثة بس العملة هتكون بالشلن

تحياتي

أيامنا الحلوة said...

علي الطريق
***********
اميرة لبوست بتاع عمرو خالد اللي عندي حلو اوي بجد عجبني بجد وفعلا هو من الناس اللي لما تشوفهم بيدخل البهجة على نفوسنا وربنا يكرمه ويكرمنا جميعا .

تحياتي وياريت تقومي بقى من جمبي هو في الشغل والمدونات كمان

أيامنا الحلوة said...

همسات دافئة
***********
شيماء عندك حق فعلا اذا طعنت من الخلف فاعلم انك فى المقدمه
وربنا يتقبل دعائك ويستمر عمرو خالد في نجاحه واعانة الشباب على التدين والاصلاحي الاخلاقي

تحياتي

أيامنا الحلوة said...

في حب مصر
********
كنت عايز تستلف مني 100 الف دولار... لا بسيطة... استني مني حوالة بقى .. دعواتك بس عشان اعرف احوشهولك بس طبعا هيوصولك بالعملة الصعبة اللي هي الشلن

ياسيدي انا بشتغل في قطاع خاص متخفش على الحكومة الحكومة دي شديدة وعفية متتفقرش ابداااااا.

بص انا مش فرحت لانه مشهور .. بقى وتحيا التليفزيون وانا شوفت حد بيطلع في الفضائيات لاطبعا طب ما الواحد بيشوف ناس مشهورين كتير واكيد انت ادرى بطبيعة عملنا بكده والدنيا عادي يعني .. بس انا بتكلم عن عمرو خالد خاصة انه فعلا شخصية تحثك على التفاؤل وبالرغم من كل الانتقادات اللي بيعاني منها الا انه متماسك ومصمم على تحقيق اهدافه .. اتمنى قصدي يكون وصلك .. وطبعا كالعادة منور ايامي الحلوة ويارب دايما وعلى فكرة البوست الاخير بتاعك ده عجبني فعلا وربنا يديمها عليك نعمة والغم يبعد عن مدونتك
تحياتي

أيامنا لحلوة said...

Wish I were a Butterfly
*************************
هههههههه تصدقي انا شاكة فيكي شكلك بتشتغلي في المكان اللي بشتغل فيه ربنا يرزقك ويرزنا وتقبضي انا البوست ده حلو عليا نزلته من هنا وهاتك يادعوات من المحسنين وهوب ورحت قبضت

ربنا يكرمك يارب وتنوريني دايما وفعلا التسبم في وجه اخيك صدقة وربنا يجعلجك متصدقة دايما على الناس

تحياتي

sendbad said...

بغض النظر من اختلاف وجهات النظر اللي ممكن تبقي علي البوست انما ربنا يسعدك كمان وكمان
تحياتي

أيامنا الحلوة said...

سندباد
*******
شكرا لدعوتك وربنا يكرمك ياسندباد وياسيدي الاختلاف في الرأي لايفسد للود قضية

تحياتي

ضد الظلم said...

محتاجه فلوس ومتقوليش لابوالعربى زعلتينى فعلا انا كمان رغم اى انتقاد او اى سلبيات عملها عمرو خالد انا بحبه اختلف معاه اه بس بحبه ونفسى انا كمان اشوفه
وممكن اشوفلك شغلانه معايا وتقبضى ونعمل حكومه ظل وامسكك وزيره الاطفال ومتابعه البيعين لانك جديره بده واكتر وحده اتنصب عليها من البيعين
الموز والجزر وما خفى كان اعظم

تحياتى

shabfa2re said...

الله يعينه ويعيننا يارب
ويرزقنا الاخلاص جميعا
:)

أنا إنسان said...

يارب تقبضي بقى
اللهم امين
...............
اما عن عمرو خالد
فانا مش عارف
ماهو كل بني ادم لازم يبقى فيه ايجابيات وسلبيات
فيها ايه يعني لما نشكر في الراجل
كفايه الحمله الرائعه بتاعة حمايه
هوه فعلا قدر يغيير ناس كتير
وربنا يجزيه خير يارب

أيامنا الحلوة said...

ضد الظلم
*********
شايلك للعوزة ياابو العربي اول ما اعلن افلاسي هتلاقيني واقفة على باب مدونتك بتسول
تصدق حلوة حكومة الظل دي وانا موافقة بمنصب وزيرة الاطفال على الاقل الاقي حد العب معاه بس بلاش متابعة البياعيين لحسن عندي حساسية منهم

تحياتي

أيامنا الحلوة said...

شاب فقري
********
ياااااااااه نت فينك من زمان منور ايامي الحلوة
وربنا يعينه ويعنا جميعا

تحياتي ومتغبش علينا تاني بقى ونورنا دايما بتعليقك

أيامنا الحلوة said...

انا انسان
**********
ربنا يخليك على دعوتك الحلوة عامة الدعوة استجابت الحمد لله
وبالنسبة لحملة حماية بجد بجد بدعي من كل قلبي الحملة دي تحقق اهدافها لانها فعلا متميزة وربنا يكرم كل من شارك فيها ويجعلها في ميزان حسناته

تحياتي

ولــــــــــو said...

بغض النظر عن الموضوع
اهم حاجة انك انبستطي
بعد كده كله يهون
عقبال ماتفرحي بالقبض
المرتب اقصد
ايه اللي جاب سيرة الحكومة

خالص تحياتي

احساس لكل النساء said...

عزيزتى

صدفينى فى ناس كتيرة زى عمرو خالد

واكيد هو انسان بيغلط كتير زى اى انسان

لاكن دايمن نقيس اى انسان بخيره وشره

واظن الاستاذ عمرو خالد

افاد الاسلام كتير

وناس كتير اتغيرت بسببه

وده اظن يمحى اى خطأ ارتكبه

ربنال يغفر له ولينا جميعا

تحياتى

سلام

جميز said...

عمرو خالد شخصية جميلة جدا و ليها تأثير أجمل على كل اللى بيحيطوا بيه , و متنسوش حملات الخير اللى ليها تأثير فعال جدا على ناس كتير , سواء اللى بيقوموا بالحملة أو اللى بستفيدوا منها

تحياتى

أيامنا الحلوة said...

ولو
****
منورني شغلك خدك من عالم التدوين ربنا يكرمك ويوفقك ياصديقي العزيز

تحياتي

أيامنا الحلوة said...

احساس لكل الناس
***************
معاك تماما في كلامك عن عمرو خالد وكل انسان بيغلط اكيد وفعلا عمرو خالد فاد ناس كتيرة وربنا يجعلوا في ميزان حسناته

تحياتي

أيامنا الحلوة said...

جميز
****
ياسلام اهوه ده الكلام ولا بلاش
ربنا يكرمك ويجعل كل الخير اللي بيعملوا عمرو خالد في ميزان حسناته

تحياتي

أُكتب بالرصاص said...

بغض النظر عن اتفاقنا او اختلافنا مع عمرو خالد
بس المسالة الاهم دلوقت
هو موضوع الراتب



يا رب تقبض يا تاتاح