Friday, June 29, 2007

لست منقذي


قالتها وهي تحاول الا تطلق العنان لدموعها .. اذهب فأنا لست مليكتك وانت لست مليكي


طلبت منه الخروج من كيانها .. حتي تستجمع ما تبقى من اشلاء قلبها


كان يرجوها ان تسامحه على موقفه السلبي لعدم قدرته على اقناع أهله من الارتباط بها

كانت بالنسبة له حلما جميلا يحاول تحقيقه .. ولكنه فشل في تحقيق حلمه وحلمها


ولكنه نجح في ان يجعل له مكان بقلبها .. بل بكيانها البرئ الضعيف

ليس من شيمها ان يظلا اصدقاء .. قالتها له "أنا لااحب حساب المثلثات"..


في الماضي كان هو بالنسبة لها لايعني شئ .. ولكنه الان أصبح كل شئ


كانت في الماضي هي الفاعل .. والان أصبحت هي المفعول به


اما هو كالورقة في مهب الريح .. لايعرف يخسر من أهله ام يخسرها هي

ظنت انه سوف يكون منقذها .. ولكن القدر لم يجعله كذلك


قالها لها" أنه في موقف لايحسد عليه" أهله يهددون بمقاطعته .. وفشل في اقناعهم مرات ومرات .. فهو يشعر بالاسي .. ولايعرف بماذا تشعر هي!!


عندما علمت بموقف أهله كانت تريد ان تصرخ لماذا قابلتك؟ لماذا أحببتك؟ أنت لست لي وأنا لست لك؟ اذن فابتعد عني


قالت له.. اخرج من قلبي .. من كياني الضعيف .. موقفك سلبي ولا استطيع السماح

فأنت لست منقذي


مشكلة بتحصل كتير وهي زي ما انتو شايفنها احيانا الشاب بيوصل لمرحلة سلبية قدام اهله ومش بيعرف
يدافع عن حقوقه في اختيار شريكه حياته ياترى دي اسمها ايه سلبية ولاضعف ولا ولاء لااهله ولا ايه بالظبط

والافضل انو يسمع لاهله باعتبار تجاربهم في الحياة اكبر ولا يمشي وراء عقله وقلبه هو


وكذلك البنت تمشي وراء قلبها وعقلها في اختيار شريك حياتها ولا تخلي اهلها هما اللي يختارولها باعتبارهم اكثر خبرة


انتو ايه رأيكم
ودي مشكلة من واقع أيامنا

16 comments:

Alaa said...

يااااااااه
على فكرة أنا بقيت باستنا تدويناتك و الله

الموقف ده موقف صعب
بس عارفه حله ايه ؟
حله بسيط جدا
و قدام عينينا طول الوقت
بس بنحاول نهرب منه
لانه مش على هوانا

عارفه ايه ؟
الحل اني اسأل نفسي
ليه العلاقة دي من البداية
ربنا حرمها عليا عشان بتخليني اخد بنت الناس من ورا اهلها
اكل في ودنها بكلام حب و غزل
لحد ما تقع في غرامي
و بعد كده

الله اعلم
يمكن اتجوزك يا بنتي
و يمكن لا
اهلي بأه يحكموا
و حتى لو اتجوزها
مش معنى كده ان اللي فات ده كان صح
لانها هي خانت اهلها
و هو خان الناس اللي راح يطلبها منهم

مانتا يا أخي قدامك الطريق م الاول
عجبتك واحدة
ادخل م الباب
هو ربنا عمل الخطوبة ليه ؟

هو انتا يعني لو دخلت تخطب واحدة يبقى غصب عن اهلك هتتجوزها
افرض اكتشفت فيها خصال مش كويسة
او انكوا مش متفقين
خلاص سيبها

فترة الخطوبة هي مدخلك لو اعجبت بواحدة
روح اتعرف عليها بما يرضي الله
اعرفها
بس في الحلال

عشان متقعش في الموقف اللي كتبته البنت المحترفة شيرين دي بكلمات أقل ما يقال عنها أنها رائعة

بجد كلمات أثرت في و أشعرتني بصعوبة الموقف
اختيار موقف للكلمات
و وصف ممتاز للمعاني

تقبلي تحياتي لكي

احساس لسه حى said...

عزيزتى
طلبت منه الخروج من كيانها
للاسف المفروض انه كان قد خرج من كيانها بموقفه الضعيف اين الحب ومكانه فى قلبه بهذا الموقف
فماذا تفعل امراه وماذا يطلب رجل من امراه للدفاع عن حبها اذا كان هذا موقف رجل من حبه
فليس للحب مكان فى قلب هذا الرجل
هناك من يبحث عن الحب سنوات ولا يعثر عليه فمن يعثر عن حبه لا يتنازل عنه
بس الحب الحقيقى مش حب اهلى وزمالك
سلاااااااااااااااااام

Eric Matt said...


سلبية وضعف وجبن وخنوع

من يحب بحق يبذل الغالي والنفيس ويواجه العالم

هذا رأيي

تحياتي لك من ماناساس البلد

Anonymous said...

علاء
$$$$
سعيدة بجد انك صاحب أول تعليق يابشمهندس

تعرف كلامك اللي انت قولتوا ده بوست لوحدوا ... فعلا لو الولد والبنت فكروا كويس ليه من الاول ربنا حرم العلاقة دي اللي هي من وراء الاهل كانو عرفوا ان ربنا بيحبهم اوي وخايف عليهم وعلى مشاعرهم
لو كل واحد يدخل البيت من بابوا وكل بنت تعرف ان ثقة اهلها فيها مالهاش حدود ومينفعش تخونها كانت المشاكل اللي زي دي اتحلت

ولكن يابشمهندس القصة اللي كتبتها هي كانت بعلم اهل البنت فعلا هي مخنتهمش وهما اتعرفوا على الولد ولكنو فضل ان اهلوا يعرفوا في الاخر ويجوز ان ده خطأ طبعا منو بس اللي انا بقولوا دلوقتي ان في شباب كتير فعلا مبتعرفش تدافع عن حق اختيار شريكة الحياة

تحياتي

حسام
$$$$
لازم يخرج طبعا ياحسام ... بس فعلا احيانا بيكون الشاب بيحب واحدة بجد ومقرر انو يرتبط بها بس اهلوا لما بيعترضوا خلاص بيضعف قدامهم وكلامي مش معناه ان الشاب يقف قدام اهلوا بقى ويسيب لهم البيت والافلام دي بس في نفس الوقت مش يضحي بسهولة

تحياتي

جرووووم
$$$$$$$
هل هلالك شهر مبارك ... يادي النور انت فينك اخيرا اشتريت قلم جديد بدل اللي جف منك منور ياجروم

واتفق معك من يحب بحق يواجه العالم ويبذل الغالي والنفيس

تحياتي

Anonymous said...

"حبيبتي" أولاً: الحمد لله أنه بعد قبل فوات الأوان.


ثانياً: هذا الرجل ضعيف وسلبي لا يمكن الإعتماد عليه فيما بعد.

ثالثاًً: هذا الرجل لم يحب بعد أو حب يسمي "حب مراهقة" بمعني حب الأطفال التي بمجرد أن يلاقي صعوبة في هذا الحب يبعد فوراً.

وبعد كل ده أفتكر أن نسيانه سهل

داليا

mo'men mohamed said...

فعلا النقطة دى شائكه
ومنقدرش نحدد ليها موقف معين
لأنها بتختلف من إنسان للتانى
تبعا لشخصيته
بس احنا لو رجعنا للسنة و السيره حنلاقى أنه كان هناك رجل متزوج و كان يحب زوجته فطلب منه أبوه أن يطلقاها فذهب الى الرسول يشكوه فأمرة الرسول أن يطيع أبوه

وأنه عندما ذهب سيدنا ابراهيم عليه السلام الى ولده اسماعيل ولم يكن موجودا فسئل زوجته عن حالهما فشكت المال والضعف وقلة الحيلة فرحل وقبل أن يرحل أوصاها أن تخبر اسماعيل بأن يغير عتبة منزله فعلم أسماعيل انه يقصد أن يطلق زوجته فطلقها
وعندما ذهب ابراهيم فى المرة الثانية سأل زوجتة الثانية عن حالهما فشكرت الله و أثنت عليه فأوصاها بأن تخبر اسماعيل ان يثبت عتبة بيته

سبحان الله

السلام عليكم

ولــــــــــو said...

هو الموضوع شائك بصراحه المفروض انه لازم اول ما يحصل تعارف وميل من الجانبين يحصل تمهيد للاسره عشان مايحصلش اللي بنشوفه ف الافلام من 50 سنه ولسه برضه الناس بتعمله
ده على اساس انه ابن حلال ومش بيتسلى على الغلبانه اللي مستنيه واحد يكح عشان تدلق على طول وبعدين طالما عيلته متحفظه اوي كده ومش عايزين يهجنوا النسل الكريم من بره مايربوا ابنهم ولا كان بيلعب ببنات الناس ليه
حاجه تغيظ

الكلام نوعان :كلام فارغ وكلام مليان كلام فارغ said...

شوفي هوه موقف صعب جدا وبيحصل كتير بس الشاب اللى يعمل كده مايبقاش راجل لانه هوه اللى هايبقىالمسئول عن الاسرهع ولازم ياقي راحته في بيته بدل ما يبص بره ويظلم اللى معاه
والاهل شويه وهايتعودوا
دلوقتى البنت ما بتتجوزش غصب عنها وبيسالوها عن رايها
مابالك بالولد
؟

سندباد said...

انا متفق مع راي العزيز علاء في معظم كلامه وفي نفس الوقت احي العزيز حسام علي كلامه
تحياتي للبوست الهادف

shahy said...

شوفي يا شيري

رأي الاهل مهم جدا وغالبا بيكون صحيح بس دة مع اهل البنت بيكون اكتر
ودائما الهل بيبقوا شايفين حاجات الولد والبنت مش شايفنها لان زي ماانتي عارفة
مراية الحب عامية وطرشة وخارسة كمان

ربنا يصبرها وينسيها ويرزقها بنصيبها ويكون ابن حلال

سلام

أنا حر said...

سلبية وكل حاجة ضعيفة مش عارف لو الواحد ما اتحداش العالم كله علشان حب حياته ممكن يتحدى العالم على ايه هي اكبد ما تستهلوهش
على فكرة موضوعاتك جامده موت
تحياتي

Sally said...

فعلا موقف مكرر بس من واقع أيامنا الوحشة
الإنسان القوي هو اللي يقدر يدافع عن حقوقه
وهو نفسه الشخص اللي ممكن تحس معاه زوجته بالأمان
وهو اللي ممكن يدافع عن حقوقها ويضمن لها الاستقرار

أنا مبقولش الناس تحب من وراء أهلها لا طبعا
بس
الموقف دا مبيحصلش في بداية الجواز بس
ممكن يحصل والناس بتتفق ع المهر ع الشبكة...
وساعات كتير الولد بيبقي واخد موقف سلبي
اتحكالي ع الحكايات دي كتيييير

بس بجد بوست هادف
وبدون مبالغه أسلوبك حلو أوي

momken said...

البطله بتعتك مفروض تحمد ربنا انها اكتشف ضعف شخصيه حبيها قدام اهله
قدام شويه بعد ما يرتبطوا ويزهقوا من بعض
اهله كانوا هما الى هيختاروا اسم اولاده
ويحخددوا مواعيد خرجوا مع زوجته
نوالاكل الى مفروض ياكلوة
هذا الشخص ضعيف الشخصيه.... عزيزتى من لا يستطيع الموت من اجلك ارفضى التضحيع بلخظه من اجله


أصعب قرار...أن تتنازل عن كبرياء أمام ضرورة

أصعب لحظة...أن تنشطر الى نصفين وتجد انسانـاً يصافحك في لحظة وداع وأن تعلم أن طريق العودة مسـتحيـل


اصعب مكان...عندما تعود الى بيت جمعك يوماً مع من تحب فلا تجد فيه غير الأطلال وبقايا عمر رحل ، وذكريات لن تعود


أصعب نظرة...رجل كنت تحبيه يتسول الحب على الطرقات

أصعب الدروس...ألا نتعلم من أخطائنا

تحياتى

حواء said...

لو بيحبها اكيد حيتمسك بها وهو ماصدق جرى ورا كلام اهله يعنىوجد الشماعة اللى حيتعلق بها ويتحجج بها , مش عيب ان البنت تختار وتحب بس يبقى فى حدود فى العلاقة اما الاهل دايما بيفرضوا رأيهم عشان هما جهة ممولة والولد اوقات مش بيبقى فى يده حيلة حيجيب مصاريف الجواز منين ؟ مش قادرة اقول لها انسى عشان دى حاجة صعبة اوى وارجع اقول لو كان بيحبها بجد كان صبر على اهله وحاول معاهم كتييير .. ربنا معاها

S H A H said...

مش هقدر اقول كلام اكتر من الناس الجميلة اللي فوق دي كلها
----------------
اول مرة ازورك و لسة بقرا بقيت المدونة

سلام مؤقت

الطائر الحزين said...

السلاام عليكم

طبعا الكطريق المستقيم مفيش أحسن منه
شرع الله و الدخول من الباب

لكن اذا وصل الأمر لهذه المرحلة

فعفوا
أنت ومالك لأبيك

تحياتى