Saturday, May 19, 2007

مدونتك خارج نطاق الخدمة


ايه شعورك لو جيت في يوم من الايام تفتح مدونتك ولاقتها فجأة خارج نطاق الخدمة .. بمعنى أصح صدر قرار جمهوري بيقولك ان الدستور يمنع حق تمليك أي مواطن لمدونة .. ومش كل من هب ودب يروح فاتح النت ويبني في مدونة وتبقى باسمه كده .. لاء زمن ابو بلاش انتهى .. احنا في العصر الشريف النظيف .. اللي كلو جمال وسرور ..

وبما أننا في عصر نزيه كده ومبارك .. الدستور قررلك ما هو آت:

* يسمح بايجار المدونات (ايجار جديد فقط .. الايجار القديم مرفوض)

*عرض ما يدور بمخك على المسؤولين قبل ما تفكر تكتبوا على المدونة اللي انت مأجرها

*قبل ما ترد على التعليقات بتاعت الناس اللي بيعبروا مدونتك .. لازم تأشيرة موافقة الاول من ملاك المدونة اللي انت مأجرها

*لابد من توقيع المسؤولين على كل بوست ينزل بالمدونة .. وذلك لاجراءات أمنية .. تحسبا لوقوع هجمات على مدونتك

*الغاء حق الملكية الفكرية بالمدونات

20 comments:

إبـراهيم ... said...

والله يا شيري
أنا فكـرت ف حاجو زيكده ، وفكرت كمان فيها ع الإيميل مثلاً ، لا سيما إن مـرة الهوتميل اعتذر ، وواحدة صاحبتي برضو مدونتها راحت ف خبر كأن لخطأ غريب !!! ، التكنولوجيا بتعرفنا كل شوية إنها عليها لا نعتمد .........

لكن حاسس ف كلامك حاجة تانية ، مممممممممم
مين قال لك إنها مش متراقبة :)

تحياااااتي ، ويارب يجعل أيامك كلها حلوة

تحيااااتي

Anonymous said...

شرين حبيبتي انا زي اختك برضه ولازم تسمعي نصيحتي ابعدي عن الشر وغنيله احسن انتي مش حمل اي حاجة من اللي هتتعمل فيكي وبعدين انا عايزاكي تحضري فرحي مش اجي انا ازورك خلي بالك من نفسك يا شيري

سماح

Anonymous said...

ابراهيم .. معايا
$$$$$$$$$$$$$$$$$
تعرف في يوم بقتح المدونة لقيت رسالة بتقولي ان في مشكلة وابقي اجرب وقت تاني.. اتخضيت .. وبقيت مضايقة ازاي راحت البوستات بتاعتي .. واحسرتاااااااااااااه.. وكان ناقص اعمل صوان عزاء على المدونة ونص ساعة كده لقتها فتحت تاني كان نقص ازغرط كأن حياتي رجعت تاني.. هههههههه ربنا يسترها بقي ويخللنا مدونتنا الحلوة

تحياتي

سماح
$$$$
متقلقيش ياسماح حتى لو بقيت في ابو زعبل يوم فرحك هحضر برضوا متقلقيش .. حتى لو كنت لابسه البدلة الحمرا ههههههههههه

تحياتي

Anonymous said...

أنتيختي سابقا ..
احم احم

انا عايزة اقول لكل السادة المشاهدين والمراقبين .. اني بريئة منها

ما اعرفهااااااااااش يا بيه

طاااااااااااااخ

خلاص خلاص .. انا هاعترف بكل حاجة ..

دي مصر أم الدنيا نفديها بعمرنا .. مش كتير عليها شوية بلوجرات ولا حتى ميلات .. نحن فدا الوطن

Anonymous said...

على الطريق
$$$$$$$$$$
مالك بس ياانتختي .. بتنكري نفسك مني ليه .. وكمان بتلبسيني تهمة .. انا جبت سيرة مصر .. مصر دي أمي .. دي لو مصر تاخد حياتي انا موافقة مش حتة مدونة لاراحت ولاجت ..
بريئة يابيييييييييييه

سندباد said...

الشر برة وبعيد تفي من بقك ياشيخة انتي هاتنقي

أُكتب بالرصاص said...

كل شيء وارد

ولكن
الان في عصر الجيل الثالث
ويمكن داخلين على الرابع

ماحدش يقدر يكمم الافواه زي زمان

اخرتوا
انه يركب بروكسي
ودا له الاف طريقة لكسره
لكن مايقدرش يقصف كيبور
او يكمم فم

اكتبي
ولا يهمك

الخوف من البوجوسبوت يعمل فينا مقلب ويخلي التدوين بفلوس او يعمل اي حركة قرعة مالهاش لازمة زي ما عمل في ناس كتير قبل كدا

تحياتي يا شيرين

Anonymous said...

سندباد
$$$$$$$
هههههه تصدق بعد ما نزلت البوست ده مباشرة لقيت المدونة لونها بقي كلو ابيض الكلام مش شايفاه يعني ادمرت هههههههه .,. قلت ايه ده انا نقيت فيها ولا ايه بس الحمد لله ربنا ستر جبت بخور وبخرتها ورجعت تاني زي الفل

تحياتي

اكتب بالرصاص
$$$$$$$$$$$$$
ها اكتب ولا يهمني .. بس على مسؤوليتك ههههههه

تحياتي اتمنى تنورني كده دايما

Anonymous said...

ايامنا الحلوه
اول زياره ليا فأتمني ماكونش ضيفه تقيله علي قلبك
بحييكي علي الموضوع الجديد من نوعه
فعلا حتبقي حدوته كبيره لو خاللوا المدونات بالأيجار و شغلانه بقه و حتي حقوق الملكيه زي ماقلتي مش حتكون ملك اللي بيكتبوا يعني كل واحد يخاللي باله من كلامه حتلغي حريه الفكر اللي هي كانت اول حاجه شدتنا للكتابه و عمل المدونات
يارب مايحصلش كده دي المدونات من اولي وسايلنا عشان نتكلم و نعبر عن رأينا
بحييكي تاني و بشكرك علي الموضوع الجميل

Anonymous said...

اجندة حمرا
$$$$$$$$$
نورتيني بجد ياقمر واتمنى تبقي معايا في ايامنا الحلوة دايما .. ويارب فعلا ميحصلش كده دي بس مجرد افكار بتدور في دماغ الواحد من اللي بيشوفوا في ايامه الحلوة ..

تحياتي ويارب اشوفك كده دايما منوراني

Anonymous said...

شوشو المدونة اصبحت بالنسبة لنا زي الموبايل والكمبيوتر الي منقدرش نستغني عنهم يعني لو موبيلك لاقدر الله كده باظ شوفي حياتك هتبقى عاملة ازاى هتحسي انك في الحياة لوحدك بالظبط لو المدونة بقت خارج نطاق الخدمة هتحسي بخنقة كده علشان في كلمة في زورقك ومش عارفة تطليعها ربنايستر وميجيش القفل من فوق اكيد انتي فاهمة دي ايه في سرك " السرفر "

MaMaDo said...

يا ستر تبقى خارج النطاق
دا انا ممكن اموت
دا انا ايام الامتحانات ببقى قاعد اشوف البوست الجديد عند ده وده واعلق عند ده وده
بس تصدقى ممكن يحصل كده
اصل احنا فى عصر جمال وسرور


دا احنا داخلين على عيشه صوده


عجبنى فكره الصوره مع الكلام حاسس انه خزعبليه

Eric Matt said...


مكانش العشم يا شيرين تنسينا كده

عموما يا ستي بسيطة جدا حنسيب عالم المدونات و نشترك في منتدى
:P

تحياتي لك من ماناساس البلد

Anonymous said...

قلوب حائرة
$$$$$$$$$$$
فعلا قت اهمية المدونة بالنسبة لينا زي الموبيل .. بس احلي حاجة اننا لحد دلوقتي مش بندفع للمدونة كروت شحن .. بس لدنيا ملهاش امان يابنتي.. ياعالم بقى الدنيا ملهاش امان ممكن ندفع لها في يوم من الايام .. ربنا يسترها

تحياتي

mamado
$$$$$$$$
لاموت ايه بس ياراجل تف من بوقك .. الايجار هيبقى بسيط متقلقش وهبقى اوصيلك المسؤولين يعملولك تخفيض .. هههه

تحياتي

thegroom
$$$$$$$$$$
أنساك ده كلام انساك ياسلام ... هو في حد يقدر ينسى مدونتك برضوا ياجرووووم ..انا بشقر عليك كل يوم بس الجهاز بتاعي رخم شوية بيفتح التعليقات بالعافية .

خلاص واحنا معاك في المنتدى لما يقفلولنا المدونات الشر بره وبعيد يعني

تحياتي

حقى اهرتل said...

انا كنت من غير الصحاب صاحب قلق
وكنت عايش ف الحياه ع المفترق
مين اللى قال انك هتقدر تنتفض
من غير ما حد يشد ايدك م الغرق

أحمد سلامــة said...

بيني وبينك برضو احسن عشان المسؤلين يلاقو اخيرا حاجه يعملوها
بدل القعده اليي طولت من غير لازوة
واهو بالمرة عينيهم تتمقق في القراية
ويمكن مثلا مثلا
الله
بقول مثلا
حد منهم يطلع بيفهم
وياخد بالة ان المركب غرقت
لا دي باشت كمان

Anonymous said...

حقي اهرتل
$$$$$$$$$
في الحقيقة والواقع انا مش فاهمة هو ده اعلان عن بيبسي ولا كوكاكولا .. اصل الكلام ملوش علاقة بالبوست بتاعي

بس نورتني وشرفتني واتمنى التكرار
تحياتي

أحمد سلامة
$$$$$$$
كلهم واخدين بالهم صدقني وعارفين كل حاجة بس عاملين نفسهم لايرون ولايسمعون ولايتكلمون

تحياتي

صاحب البوابــة said...

لن يستطيع أحد ان يمنع كلمة الحق

فسيأتي يوم

وينطق بها الأخرس !!!

تحياتي أختاة

Anonymous said...

صاحب البوابة
$$$$$$$$$$$$$
شرفتني بمرورك مدونتي.. وان شاء الله اكيد يوم ينطق الاخرس ويفتح الاعمى

تحياتي

Anonymous said...

على فكرة يا شيرين انا عملت مدونة وكتبت فيها بوست كمان وبعدين جيت افتحها لقيتها فى خبر كان من يومها نفسى اتسدت اعمل واحدة جديدة مع انى طلعت عين صديق على ما قالى خطوات انشاء مدونة انا باشكره جدا لانه من المدونين اللى لهم باع طويل فى التدوين... وعلى فكرة اول بوست كان عنكم انتم اصحاب المدونات الشباب اللى زى الفل فى كل حاجة حتى فى
مشاعركم وعقولكم
رباب