Saturday, May 12, 2007

هو أنا مالي؟


كل اللي حواليا اجمعوا على حاجة واحدة فيا ... وهي ان مزاجي مش ولابد الايام ديه..



الكل بيسألني مالي ؟



وانا بسأل نفسي برضوا مالي؟



كل اصدقائي بيقولوا أني مش طبيعية الفترة دي ودايما نرفزززززززززز .... حتى سها صحبتي بتكلمني على الماسنجر وبيني وبينها ستائر النت .. وبكلمها عادي زي كل مرة لقيتها بتقولي انتي زعلانة من حاجة !!!!! فيكي حاجة متغيرة!


طب هو انا مالي؟


انا مش حاسة نفسي فيا حاجة، وفعلا انا مش مضايقة من حاجة .. بس من كتر ما الناس بتسأل حسيت اني فعلا فيا حاجة غلط!!!!!


بيقولوا اني عصبية!


بيقولوا اني حزينة!!


وكمان بيقولوا اني مفترية!!!


دول بيأكدوا اني نكدية الايام ديه !!!!


أكونش اتحسدت ياولاد !! بس ياحسرة هتحسد على ايه !!!!


مع اني بحصن نفسي كل يوم واقول اذكار الصباح والمساء .. ولاأكونش انا نجمي خفيف ومحسودة وانا معرفش!!


أهئ أهئ .. طب وبعدين حد يقولي أنا مالي ؟؟؟؟؟؟؟؟؟

11 comments:

إبـراهيم ... معـايــا said...

حلوة نجمي خفيف ومحسود دي ..........
.
.
كثيير قوووي اللي حوالينا بيفرضوا علينا حالة معينة ، قد نكون إحنا فيها ، أو لا نكون ، ساعتها أنا برد عليهم ( أما كده !!) ..... لكن الناس اللي قريبه مننا هيا اللي بتحس بينا بجد ..........

.
.
ساعتها لما بتقول لنا : مالك ؟ بنفضفض لهم على طوووول ، ونقول كل حاجة

.................

تحيااااااااتي ع البوست الجميل البسيط ده

sendbad said...

المهم انتي حاسة بايه اللي يمشي ورا كلام الناس هايتعب

شيرين-أيامنا الحلوة said...

ابراهيم.. معايا
################
ساعات الانسان بيكون مش حاسس ان مودوا مش مظبوط بس الناس بتخليه ياخد بالوا .. شرفتني بمرورك جدا اتمني التكرار .. تحياتي

سندباد
######
انا في الاول مكنتش حاسة بحاجة بس بعد ما لقيت الكل بيقولي اني حزينة بجد حسيت اني حزينة .. عارف ده اسموا ايحاء
تحياتي ... شرفتني بمرورك اتمني التكرار

على الطريق said...

حبيبتي الأنتيخ شيرين .. نفسيا العلماء يقولون ان هذا الوضع يكون بسبب تراكمات لمشاكل من الممكن أن تكون صغيرة لكننا لم نحلها ، فمع الوقت يصبح هناك ضيق نفسي لا نعرف له سبب بالتحديد .. ؟؟ فهمتي حضرتك حاجة

فلابد أن يصفي كل منا نفسه كل يوم ويجددها .. يسامح من أخطأ في حقه أو ياخذ منه الحق ..

أعلم أنك انك طيبة وتسامحين لكن في بعض الأوقات "كوتشي أميجو" المتشبث بعقلك يتحكم في انفعالاتك ..

وفي النهاية انتي صديقتي وقدري "اهئ اهئ اهئ "

طهقان said...

فترة وهاتعدي

يمكن محسودة

بس هايحسكدوكي على ايه
؟

زي الناس اللي بتحسدني اني متجوز

يادهوتي

الهي يخيبو خبتي

:)

قلوب حائرة said...

مش عارفة يا شوشو هو باين كده والشر برة وبعيد انه مرض بيتنقل وشكلك كده يا اميرة يا بنت الامرة شميتي من الست العصبية اللي طول النهار تتنرفز دي اللي اسمها ام جاكي منها لله وربنا يقومها بالسلامة

شيرين -أيامنا الحلوة said...

على الطريق
$$$$$$$$$$
انتكتي اميرة منكن تحليلك ده يكون صح .. وهحاول ارمي كوتشي اميجوا من دماغي واجيب واحد من باتا متقلقيش

طهقان
$$$$$$
يارب كل الناس يخيبو خيبتك ويتجوزوا

قلوب حائرة
$$$$$$$$$$
ربنا يقوم الاخت ام جاكي بالسلامة كلها شهر ونخلص منها ومش هتشوفي وشها غير بعد سنة اجازة وضع ..

تحياتي

Anonymous said...

انتي ياشرين ياحببتي مفيش حاجه بتحوء معاكي حسد ايه وبتاع ايه

شيرين-أيامنا الحلوة said...

مجهولة
$$$$$$
هو الكلام ده اللي جايبني لوراء .. على العموم كان عندنا كتكوت وكبر.. هههه

تامر حسين said...

من غير زعل بس انتو غاويين نكد
تحياتي

شيرين-أيامنا الحلوة said...

تامر حسين
$$$$$$$$$
الله يسامحك .. اهئ اهئ عااااااا..

بس على العموم انا دلوقتي بقيت زي الفل

تحياتي