Thursday, May 22, 2008

طلب عاجل لجامعة الدماغ العربية


أصابتني حالة من الهلع والارق نتيجة للاحداث اليومية التي اشاهدها واتابعها .. وربما يرجع السبب ايضا الى ارتفاع الاسعار وخصوصا المواصلات اللي خلتني بفكر جديا اخدها جري من حلوان للمهندسين وقريبا من حلوان للمقطم ............ مش عارفة أنام ياناس اعمل ايه بس انا كده ممكن يجرالي حاجة كل شوية احلم باللبنانيين وشوية بالاخوان المسلمين وحبة بالفلسطينيين خلالالالالالالالاص مش قادرة كده انا ممكن ابقى ضحية للنشرات الاخبارية
طب اعمل ايه عشان اعرف انام كويس ومش تجيلي كوابيس شوروا عليا أكيد انا معمولي عمل وحد رماه البحر عشان ميتفكش مممممممم

أنا ممكن أجيب سحلية تكون لسه مطلقة جديد ولونها مقلم وأعدي عليها ... ولا أجيب خنفسة وبيضة فرخة تكون بيضاها يوم السبت وأدقهم على بعض وأعدي عليهم بردوا .... حلول مقنعة بردوا ايه رايكم !!!!

بس لا بلاش الواحد مش يعمل حجات كده من نفسه لحسن العمل يتقلب ضدي
انا استعين بالناس اللي بتفهم في الحجات دي هيه مفيش غيرها لجنة الوساطة العربية هي اللي تحللي المشكلة دي وتفكلي العمل ... وعلى غرار لبنان أطالب اللجنة العربية بحل مشكلتي "من فضلك يالجنة عايزة أنام كويس زي بقية الناس"

وقريبا هرفع طلب عاجل لجامعة الدماغ العربية بس تفتكروا اللجنة هتفكلي العمل اللي معمولي زي ما فكت العمل اللي كان معمول للبنان وتم التصالح بين الفرقاء اللبنانيين وأخيرا هينتخبوا رئيس للجمهورية ممممممممممممم! !!! عامة .. هجرب وأشوف

16 comments:

Anonymous said...

إيه رأيك تطالبي بمبادرة عربية أو وساطة تركية .. أقولك اشتكي الهيومان رايتس ووتش

في حب مصر said...

ازيك يا شيري
انا قلبي كان حاسس من ساعة حكاية الجزر ان انتي معمولك عمل؟؟؟؟؟؟؟
والعمل باين عليه معمول على رجل نملة سودة صغيرة متعلقة في خيوط عنكبوت موجود في مغارة صغيرة في جبل وسط مجموعة جبال في قلب الصحراء الكبرى في أفريقيا؟؟؟؟؟؟؟؟
وعلشان العمل يتفك لازم تعملي اللي أقولك عليه: تنزلي تجمعي مليون نملة من نفس النوع وتحطيهم في مكان آمن لغاية لما النمل كله يبيض، وتاخدي بيض النمل تسلوقيه في ميه مع بيضة تمساح وتحطي عليهم شوية كفيار، وبعد ما تخلصي تاخدي المية اللي سلقتي فيها الحاجات دي وترشيها على طرف الصحراء الكبرى عند الحدود بين تشاد والسودان، بس ابقي خلي بالك من قوات الجنجاويد؟؟ وبعدها انشاء الله هتخفي وترجي زي ما كنتي واحسن وبدل ما تحلمي بلبنان وحماس والقاعدة هتحلمي بنانسي عجرم وهيفا وعبد الحليم؟

بالنسبة بقى لموضوع اللجنة العربية فأنا ما انصحكيش بيه، لانه هيخلي العمل اللي معمولك أعمال، ومحدش عارف العمل اللي جاي هيتعمل فين؟؟؟؟؟؟؟؟؟؟؟؟؟؟؟؟؟؟؟

لو بقى شايفة ان الحل ده صعب شوية، هاتيلي خروفين ومعزة صغيرة واستنيني في المطار وانا أحللك العمل؟؟؟ هههههههههههه

تقبلي مروري
ملحوظة يا ريت نحافظ على التعتيم الإعلامي

Anonymous said...

على الطريق
**********
بلاش الوساطة التركية دي اديكي شايفة لسه موالها طويل بس حلوة فكرة اشتكي الهيومان رايتس ووتش .. تسلم دماغك

تحياتي يااميرتي

Anonymous said...

في حب مصر
*********
هههههههههههههههههههه حلوة اوي اوي الحل اللي انت قولته ده مفيش غيروا هو اللي هيفكلي العمل .. ولو متفكش امري لله اجيبلك الخروفين والمعزة واستناك في المطار وتفكهولي انت

مرورك نتقبله دائما لانك بتنور المدونة .. وعلم وينفذ يافندم التعتيم الاعلامي سيظل للابد

تحياتي

في حب مصر said...

ازيك يا جميل
يا ترى ايه سبب الانسحاب المفاجئ ده

هو فيه خطأ مني ولا حاجة؟؟؟؟

Anonymous said...

في حب مصر
********
لاانسحاب ولا حاجة ربنا مايجيب انسحاب انا حية ارزق

تحياتي

سندباد said...

ولسه ياما هانشوف
لنا الله
بس حلوة الدماغ العربية
دي وما ادراكي ما الدماغ العربية

ابو العربى said...

انا كنت هناك وبعدين ايه كانت هيا بردو هناك وكانت بتنفض عشان الناس الى جايه وشوفت العمل بتاعك محطوط تحت كرسى من 25 سنه
عرفتى فين
وجامعه القلل العربيه مش هتعملك حاجه ابعدى عنهم احسن

اه انا رديت وشرحت وجهه نظرى فى موضوع شحاته اخر موديل
تحياتى
ابوالعربى

نهياوية said...

واللد ايما بقول عليكي عسل
جميل يافندم جميل

ادم المصرى said...

ههههههههههههههههههههههههههههههههههههه

ايه الحكايه عمتا لا تعليق واتمنى منك المزيد ويايريت اتشرف بيكى فى مدونتى استفيد اكتر من تعليقاتك معى

ولــــــــــو said...

بصي انا عاتب عليكي
هل هناك دماغ عربية علشان يبقى ليها جامعة

انا مش اعرف غير دماغ عربية واحدة بس

كانت دماغ عربية فولكس بيتلز
بس دماغ دماغ يعني

Anonymous said...

سندباد
*******
منورني ياملك الرومانسية ... وعاشت الدماغ العربية

تحياتي

Anonymous said...

ضد الظلم
*********
ابو الرجولة والله بجد .... تسلم عينك اللي جابتلي التايهة وكويس انك قولتلي على مكان العمل اللي معمولي من قبل ما اتولد ... لا أخ بصحيح ميتعوضش

وبالنسبة للقل العربية ربنا قادر على كسرها ويوعدنا بقلل جديدة حلوة كده وبنت حلال

تحياتي

Anonymous said...

نهياوية
*********
ده انتي اللي عسل وسكر حاسبي بقى النمل هيملى المدونة

وحشاني كتييييير ياهوبة محيط يناديكي

تحياتي

Anonymous said...

ادم المصري
**********
الحكاية بعيد عنك مقندلة خالص

منورني لاول مرة في ايامي الحلوة واتمنى مرورك الدائم وهزورك في القريب العاجل

تحياتي

Anonymous said...

ولو
*****
منوررررررررررررررنننننننننننننني ياصديقي العزيز اللي بتغيب كتير .... ومعاك حق والله في اللي قولته ليست هناك دماغ عربية عشان يكون ليها جامعة يلا ربنا يرحمنا

تحياتي