Tuesday, April 22, 2008

شحاته أخر موديل


ذات يوم استوقفتني امرأة ترتدي ملابس أنيقة تطلب مني أن أعطيها سبعة جنيهات من أجل الذهاب إلى محافظة أخرى ، بحجة أنها لم تعد تملك من المال شيئًا، فاقترحت عليها أن تطلب هذا المبلغ من أحد غيري لاني بحاجة إلى جنيها واحدا كي أعود لمنزلي فثارت في وجهي قائلة:" ألا تريدي أن تتصدقي من أجل مالك وصحتك"، فأقسمت لها أني لاأملك شيئا الآن ، ثم ابتسمت لها وطلبت منها حين الحصول على المال بأن تأتي لي بجزء منه، فنظرت إلي شذرا ثم تركتني، ثم وجدتها في اليوم التالي في نفس المكان وتطلب نفس المبلغ من أناس أخرى فاستوقفتها وقلت :" أنتِ لم تعودي لبيتك منذ أمس ألا تجدي أحدا يعطيكي السبعة جنيهات ، ثم نظرت إلي باستغرب جعلتني أشعر بحماقتي وقالت :" عن ماذا تتحدثي أنا لاأعرفك "، شعرت حينها أن أعراض مرض الزهايمر بدأ يتسلل إليّ مبكرا وفي لطف طلبت منها أن تبتعد عن هذا العمل وتترك مهنة التسول وأن تبحث عن وظيفة تعينها على المعيشة، وفي سخرية قالت لي " هذا أكل عيشي أرجوكي ابتعدي عني الآن".
ده موقف حصل في يوم من أيامي الحلوة

22 comments:

Ahmed Mubarak said...

ناقص يلفوا بكريدت كارد علشان يشحتوا

أيامنا الحلوة said...

Ahmed Mubarak
****************
ههههههههههه والله على رأيك ناقص يلفوا بكريدت كارد عشان يشحتوا .. عشان بس تعرف التكنولوجيا بتعمل ايه خليك اتيكيت

تحياتي

Doba said...

هو انتى يقما يتضحك عليكى وانتى بتشترى الحاجة يقما يدفعوكى فلوس بالشحاتة

بس والله شاطرة انك عملتى كده
ربنا هيثيبك على عملك ده

بس ابقى استخبى بقى يا شيرين مش كده
سلامى وتحياتى وقبلاتى
هبة

أيامنا الحلوة said...

دوبا
****
شوفتي ياهوبة انا طلعت ناصحة ازاي المرة دي ومحدش عرف ينصب عليا اللي يتسلع من بتاع الموز وبتاع الجزر يخليه مركز دي دي قيمة النصب
هههههههه

وحشتيني ياهوبة وسلامي ليوسف اووووووووي

تحياتي وسلاموووز

sendbad said...

تقريبا والله اعمل هي شكت انك طمعانة تاخدي المكان بتاعها وتنافسيها في اكل العيش
تخيلي الشحاتة بقت اكل عيش لاحول ولا قوة الا بالله
المهم انتي عاملة ايه
اسف علي التقصير
تحياتي

في حب مصر said...

السلام عليكم
ازيك يا شيري وحمد لله على السلامة
بالنسبة لموضوع الشحاته ده أنا شايف ان فيه ناس كتير واخداه كمهنة دلوقت مش بس في مصر لأ حتى هنا في الإمارات، يعني من كام شهر جت وحدة ست وحكت حكاية تقطع القلب عن جوزها اللي سابها وسافر وانها بتجمع تذكرة الطيارة علشان تروح لأهلها في سورية.. انا صعبت علي دفعت اللي اقدر عليه.. وبمن فترة صغيرة جت نفس الست ورنت جرس الباب وحكت نفس الحكاية قولتها انا فاكر انك جيتي هنا وانا دفعتلك ايه بقالك شهور ما جمعتيش تمن التذكرة.. ليه رايحة المريخ؟؟
لكن في الحقيقة فيه ناس ممكن تتحط في ظروف وتضطر تمد ايدها بس دول ختى لما يمدوا ايهم تحسي انه مجبرين بجد فلازم نساعدهم..
لكن الاهم من دول ودول الناس اللي محتاجة وكرامتها تمنعها تمد ايدها لحد، ودول بجد اللي الواحد بيكون سعيد لو قدر يساعدهم
لكن الست اللي بتتكلمي عنها دي من الفئة الاولي اللي واخدة الشحاته مهنة، يمكن عايزة تغير العربية بتاعتها ولا حاجة.. ههههه
بس انا عايز اعرف ليه سبعة جنيه تحديدا.. ليه مش عشرة مثلا.. ايه السر في السبعة دي؟؟
وبعدين مش عيب تكوني شغالة في محيط ومش معاكي سبعة جنيه في جيبك.. ولا بتداري من الحسد..ههههههه
ربنا يجعل ايامك كلها حلوة
مصري غلبان

حركات said...

لسلام عليكم
:::دعوة :::
يدعوكم فريق مدونة حركات
الى زيارة المدونة الاولى فى خدمات المدونين
:: حركات ::
والتى تختص بالتصميمات
الخاصة بالمدونات
وكذلك التعليم
،،:::،،

نسعد بتشريفكم لنا وانضمامكم معنا

فريق المدونة
www.harakat-86.blogspot.com

أيامنا الحلوة said...

سندباد
*******
منورني والله ياسندباد وعلى فكرة انا بدخل عندك وبكون عايزة اعلق بس مش بعرف اعلق في النظام التعليقات اللي عندك ده وكمن انت شيلت الشات عامة وجودك عندي بيسرني وربنا يسعدك يارب

تحياتي

أيامنا الحلوة said...

في حب مصر
********
حلوة اوي حكايتك مع المتسولة الشيك دي اهي دي الشحاته اللي على اصول بصحيح ....

هيه طلبت مني سبعة جنية على اساس انها ثمن المواصلات بس يعني عشان اصدق يعني وفي ناس عشان تسبك الحكاية مظبوط تقول عايزة خمسة وربع

وبعدين انت عارف اللي بيشتغلو في محيط بيحبوا يخزوا العين دايما... كان عندنا كتكوت وكبر ههههههه

تحياتي
منورني دايما طبعا

أيامنا الحلوة said...

حركات
*****
يااهلا وسهلا
شرفتونا ونورتونا
نوعدكم بالزيارة ان شاء الله

في حب مصر said...

السلام عليكم
ازيك يا شيري
كل سنة وانتي طيبة بمناسبة شم النسيم وعيد العمال وعيد تحرير سينا (الأعياد كتير عندكم اليومين دول يا بختكم)هههه

ليكي عندي تاج هدية تعالي استلميه بسرعة قبل ما يحصل انقلاب عسكري ويقتلوا الملك ويسرقوا التاج

مسلمة مصرية said...

تشتغل ايه والشحاته هاتخليها مليونيرة
اللى بيشتغلوا كلهم مش لاقيين ياكلو
تحياتى وبالتوفيق

أيامنا الحلوة said...

في حب مصر
*********
كل سنة وانت طيب وميرسي على التاج هجاوب عليه ان شاء الله قريبا جدا جدا

تحياتي

أيامنا الحلوة said...

مسلمة مصرية
*************
على رايك الشحاتة بقت مليونيرة
ربنا يهدي الجميع

تحياتي

mohamed said...

الموقف ده فكرنى بموقف حصل معايا كنت فى يوم رايح الكلية وقابلت واحد وقاللى انا عايز اروح بنها ومش عارف طبعا مدتوش ومشيت المهم رحت الكلية لقيت واحد صاحبى بيقولى معاك فلوس عشان اروح انا لقيت واحد غلبان وعايز يروح بنها وادلته كل الفلوس اللى معايا المهم ادتله اللى فيه النصيب وبعدها لقيت الراجل ده تانى بيقولى على موضوع بنها مع انى صاحبى اداله فلوس يروح بنها لكن الظاهر فلوس صاحبى متكفتش

Soooo said...

من فتره كده كنت راجع من الشغل ومروح البيت لقيت شاب عادي في سني وفي هيئتي وبيتكلم صعيدي وبيقولي ان فلوسه ضاعت وهو مالوش حد هنا في القاهره وعايز اي فلوس عشان يروح .. قمت انا اديتلو اللي طلع من ذمتي ومشيت .. بعدها ببتاع اربع تيام ولا حاجه كنت برضه راجع من الشغل بس قلت اختصر واروح من طريق تاني .. لقيته بيتكلم برضه مع راجل محترم والراجل خلاص كان هيطلع فلوس يديهالو .. قمت داخل عليهم بسرعه وماسك ايد الراجل قبل مايقرب منه الفلوس وبصيت للواد وقلتله ده انت مقضيها بقى .. الراجل اللي كان هيديلو الفلوس فضل متنح الاول وبعدين وانا ماسك الواد من حزامه عشان مايجريش قلت للراجل على الحكايه .. وعينك ماتشوف الا النور
خد علقة ماياخدهاش حرامي في جامع
وفي الاخر رحنا سايبينه بعد مافتشناه ولقينا في جيبه بتاع ميتين وخمسين جنيه مثلا .. خدت الفلوس اللي كنت اديتهالو قبل كده ورحنا سايبينه وطلع يجري
من ساعتها ماشفتوش تاني

بس اغبيا قوي .. يعني بدل مانت بتشحت في نفس المكان او نفس المنطقه .. قضيها لف وشغل في اماكن تانيه




سلامووووووووووز

ضد الظلم said...

يا شرين واحنا بنى الصدقات بنديها لربنا يعنى ملناش دعوه الى طلب ده شكله ايه احنا مش هندخل فى النوايا
وياريت تسيبى معاكى فكه فى الشنطه ارباع او انصاص واى حد يسئلك اديلو وخلاص
بجد والله هتلاقى الخير بيجى من كل اتجاه
ويعنى لو شرين معهاش فلوس مين الى هيبقى معاه
وايه اخبار الشوافه اوعى تكون اتكسرت

أيامنا الحلوة said...

محمد
****
هي نفس القصة اللي حصلت معاك بتحصل مع ناس كتير ربنا يهديهم ويرزقنا جميعا بالحلال

تحياتي

أيامنا الحلوة said...

سوووووووووو
************

هههههههههههههه والله برافوا عليك خدت فلوسك تاني وكمان الراجل اتضرب ده تلاقيه حرم وسبلك المنطقة كلها وراح يقلب رزقه في مكانه تاني

بقالك كتير على فكرة مش بتيجي ياريت تنورني دايما ومتغبش تاني

تحياتي

أيامنا الحلوة said...

ضد الظلم
*********
ياابو العربي دول ناس محترفين ونصبين وبيطلبو عيني عينك مبالغ معينة عشان يطلعوا باليومية بتاعتهم انما طبعا المحتاج بيكون باين عليه على الاقل مش هيطلب مبلغ معين ويعمل مسلسلات كده

على فكرة الشوافة بتاعتي اتكسرت وكنت ناوية اعمل عليها بوست نعي بس قولت بلاش احزان انا كده مش بيعيشلي شوافات اهئ اهئ اهئ

تحياتي

ضد الظلم said...

يا بنتى انا قصدى
قال الرسول صلى الله عليه وسلم
- للسائل حق وإن جاء على فرس
صدق رسول الله صلى الله عليه وسلم
فى اختلاف على الحديث للامانه
وانا ماشى بيه بصراحه
انا جيبه من الينك ده
http://www.dorar.net/hadith.php
وليا وجهه نظر انا لما بدى صدقه بديها لله حتى الى بيطلبها بيقول لله مش ليه وبدال ربنا طلب مش ممكن نرفض
والله اعلى واعلم وانا غير جدير بالنصيحه ولا اعلم فى امور الحديث بس حبيت اوضح وجه نظرى ودوخت على الحديث
واسئلى بردو انا مش ناقص ذنوب
مش تقولى ابوالعربى قالى
انا مليش دعوه

وبالنسبه للشوافه سعتك انتى محتاجه وحده بتاعت لحام عارفاها دى اظن انها مش هتتكسر
وتحياتى

أيامنا الحلوة said...

ضد الظلم
********
اكيد كلامك صحيح وانا موافقاك عليه وفاهمة وجهة نظرك .. احنا بتدي عشان ربنا اكيد بس لو قدامك حد انت عارف انه مش محتاج وانه نصاب يبقى هنا الاولى انك تدي لمحتاج فعلا ياابو العربي دي وجهة نظري بردو والاختلاف في الرأي لايفسد للود قضية

بالنسبة للشوافة بتاعتي فانت عندك حق انا هوصي على شوافة لحام اضمن

تحياتي ياابو الرجولة والمجدعة