Saturday, February 16, 2008

عيد الحب


حب ايه اللي انت جاي تقول عليه انت عارف قبله معنى الحب ايه
اااه فينك ياست تيجي تشوفي الدنيا كلها حب في حب في يوم عيد الحب

عااااااا محدش قالي هابي فالنتين ولا حد جابلي وردة صفراء ولا علبة مستطيلة الاضلاع ومغلفة بالجلاد الاحمر وفيها هدية مجهولة زي اللي بشوف البنات مساكها في مترو الانفاق
ماليش دعوة اشمعنى هما وانا لا انا عايزة حد يقولي هابي فالنتين ان شاء الله يكون البواب ويجبلي حتى علبة بسكويت الشمعدان الاحمر ده هدية بس تكون مغلفة
البنات كلها ماشية في الشارع وشايله في ايدها هدايا وورد والدنيا كلها احمر في احمر تقولش الاهلي بيلعب


الغربية اني حاولت انسى مأساتي وانا في الشارع واني ماشية من غير هدية وسط البشر وروحت بيتنا وانا طالعة على السلالم بغني الدنيا ربيع والجو بديع وقفلي على كل المواضيع وقولت ولايهمني انا افتح التليفزيون بقى واتفرجلي على اي فيلم فريحي كده بس تقولوا ايه بقى المنحوس منحوس

افتح بقى التليفزيون الاقي ايييييييييييه

القنوات كلها مورهاش سيرة غير عيد الحب
الاقي اغاني كلها حب في حب _ كله كلام في الهواء قابلوني لو فلحتو_


احول القناة


حلقة عن طبخة يوم عيد الحب _ كمان هو ليه طبخة معينة اكيد كلها صلصة حمراء بردو والسلطة ورد احمر على طماطم _

احول القناة


الاقي برنامج عن تقديم الهدايا في عيد الحب _ بوكيهات ورد وبرفانات بلا وكسة_

احول القناة


برامج دينية عن اييييييه تصوروا عن عيد الحب بردوا وبيناقشوا فيها الاحتفال بالعيد ده حرام ولا حلال _ اهوه كده الكلام اديها مترحموهاش ال عيد الحب ال _

قفلت التليفزيون ولا يهمني مازال الصمود يحاوطني من كل الاتجاهات
الدنيا ربيع والجو بديع قفلي على كل المواضيع قفل قفل _ ده انا بغني_

قولت اعمل بلح الشام عشان عيد ميلاد الواد اخويا محمود هيكمل اربع سنين قولت افرحه
وجبت كتاب ابلة مش عارفة مين كده اهو كتاب حلويات كنت اشتريته بجنية من المترو وقعدت ونفذت التعليمات بيضة بيضة ولا سبت اي حاجة بس متعرفوش طلع عامل ليه كده يععععععععععععععع
فشل فشل فشل مشروع بلح الشام فشل فشل ذريع

قولت يلا هيه جات عليك ولا يهمني
قولت اعمل تورتة طيب عملتها وحطيتها في الفرن وبعديها بربع ساعة اشم ريحة في الشقة واخواتي بيجروا الحقي شوفي في ايه في المطبخ هنموت الاقي ريحة غاز بشعة وصوت طالع من الفرن شديد
يالهوي في ايه
افتحي الفرن
لا لو فتحت التورتة تبوظ
لا افتحي
مش هفتح تبوظ
تبوظ ولا نموت
نموت بس التورتة تعيش
افتحي الفرن
طيب خلاص افتحوا انتو
ياسلام عشان يفرقع في وشنا انتي اللي عملتي كده يبقى انتي اللي تفتحيه
ايه الانانية دي خلاص نفتحو مع بعض
لا لالالالا
افتحي الفرن هنموت
وبعدين قولت مبدهاش هنموت بجد
فتحنا مش عارفة في ايه بالظبط بس قفلنا الفرن وبعدين ولاعناه من جديد وطبعا كل شئ راح وانقضى

عادي ولا يهمني انا متفائلة وايامي كلها حلوة ولن ادع عيد الحب وبلح الشام والتورتة يهزمونني
حاجة اخيرة بقى : مره اثنين بيحبوا بعض فا خرجيين يوم الفالنطين فا قالتله قولى كلام يوقف قلبى
قالها ابوكى وراكى
دار يادار يادار قويللي يادار راحو فين حبايب الدار فين فين _ دي رنة موبيلي اصلها ناقصة كأبة_

38 comments:

Wish I were a Butterfly ... said...

سلام عليكم

أنا أول مرة أدخل البلوج دة بس بجد شدني أوي و لاقيتني قاعدة أشوف البوستات اللي قبل دة و فطست من الضحك
:)
وخصوصا على البوست بتاع الموز دة.الحمدلله مش حصلت فيّ عمرها

بجد دمك خفيف أوي وبلوجك كتكوت أوي أوي ماشاء الله

أنا يوم الفلانتياين بلا أي مقدمات و لا تحضير مسبق لقيتني بغير شكل أوضتي كلها، وطلعت كل الحاجات الروز اللي عندي و علب الهدايا و الدباديب اللي لسة ملفوفة وكدة....و بس :). قعدت أتفرج عليهم شوية وأسترجع ذكريات كل هدية منهم وخلاص
وبعدها رحت سيتي ستارز وشفت أحمر أكتر من اللي شفتيه طول اليوم أكيد

بس ولا يهمك ياجميلة...الدنيا ربيع برده

تحياتي ليكي ولبلوجك اللذيذ أوي

Ahmed Mubarak said...

شيرين..
هابي فول تايم ولاتزعلي ..
:P
كالعادة مواضيعك جميله واسلوبك لذيذ ..

انا عن نفسي مش بعترف بيوم الفالنتين ..الي بيحب حد ..اي حد حبيب اب ام اخ اخت اي حد بيحبوا السنه كلها

تحياتي ليكي
احمد مبارك

A.SAMIR said...

ان شاء الله في عيد الحب اللي جاي تلاقي حد يقول لك هابي فالانتاين
ومايكونش البواب
تحياتي

قلوب حائرة said...

ههههههههههه يعني ما انتي يا شابة شيفاني جالي صندوق احمر ولا حتى صندوق اسود مااحنا اهو زي بعض في الهواء سوى، وكل سنة وحودة طيب وعقبال اربعين سنة وبمبي بمبي بلاش احمر وفعلا اليوم ده كان ما يعلم بيه الاربنا وبتيهلي انمتي عارفة احداثه كانت عاملة ايه معانا في الشغل وانا برضه مش بحب العيد ده

البنات عاوزة ايه said...

هاي يا شيري كل عيد حب وحياتنا مليانة بالحب يارب ودايما نحب ونتحب تحياتي وسلامي لمد
ونتك وبندعوكي لزيارة مدونتنا الجديدة

هالة said...

ايه يا شيرين العسل داااااااااااااااااا
فظيعة فظيعة
بس يا بنتي كده هتدي فكرة مش أد كده للعرسان ومبتعرفش تعمل بلح الشام ولا كمان التورتة
عايزين بوست تاني يؤكد انك اشطر من أبلة نظيرة

على الطريق said...

هههههههههههه .. فعلا عندك حق الحياة في اليوم ده مش بتبقى بمبي زي سعاد حسني ما قالت دي بتبقا حمرا ..

إن شاء الله عيد الحب الجاي تسمعي هابي فالانتاين من زوجك وابقوا ساعاتها ادهنوا الشقة احمر

غراب said...

السلام عليكم و رحمة الله و بركاته

تبوظ ولا نموت
نموت بس التورتة تعيش

بوست لذيذ جدا
خفيف الظل جدا
و يوم عيد الحب دة اصلا بيكون بجد يوم مقزز و كله احمرار غريب
كأن الاهلي بيلعب علي رايك

أيامنا الحلوة said...

Wish I were a Butterfly
***********************
وعليكم السلام نورتيني بجد والحمد لله ان البوست عجبك
ياسلام على هداياكي ده انتي على كده مكنش بيفوتك فالنتين ههههههههه

ربنا يسعدك يارب ويجيلك هدايات علطووول وهابي فالنتين

تحياتي

أيامنا الحلوة said...

احمد مبارك
**********
هابي فول تايم .. برافو عليك اوعى تعترف باليوم ده ده يوم كله كوارث صدقني انا مجربه

تحياتي وربنا يكرمك وتنورني دايما في ايامي الحلوة

أيامنا الحلوة said...

احمد سمير
*******
دعواتك بقى .. عادي مش هتفرق البواب ولا غير البواب المهم حد يقولي هابي فالنتين

تحياتي

أيامنا الحلوة said...

قلوب حائرة
**********
اه والله كان يوم صعب ابتديناه بخبر وفاة احد الزملاء في العمل وكانت الدنيا كلها حزن في الشغل
انا مرضتش اكتب في البوست كل الي حصل في اليوم ده عشان محبتش يكون في كأبة اكتر من كده

تحياتي ودعواتك بقى هابي فالنتين

أيامنا الحلوة said...

البنات عايزة ايه
*****************
نورتيني وحلوة اوي اسم مدونتك البنات عايزة ايه تفتكري ايييييه؟

هابي فالنتين
تحياتي

أيامنا الحلوة said...

هالة
*****
ايه النور ده ربنا يخليكي ليا يارافعة معنوياتي
واذا كان بلح الشام هو اللي هيطفش العرسان نعيد المحاولة مرة اخرى واغير كتاب ابلة نظيرة كله

تحياتي

أيامنا الحلوة said...

على الطريق
************
يااااااااارب دعواتك يامرمر وتحياتي لنشيدك الوطني
يااحلي اسم في الوجود مرمر
يااسم مخلوق للوجود مرمر
مرمر مرمر تعيش تعيش تعيش

هابي فالنتين

أيامنا الحلوة said...

غراب
*****
وعليكم السلام
ربنا يكرمك الحمد لله ان البوست عجبك
وعندك حق بيكون يوم مقزز ربنا يعفينا

تحياتي

mo'men mohamed said...

حبيبى ان مكانش يتذكرنى طول العام و طول الوقت يبقى مالهوش لازمة عيد الحب هذا
السلام عليكم

رئيس جمهوريه نفسى said...

كل سنه وانتى طيبه وعيد حب سعيد والحمد لله ربنا ستر فى موضوع الفرن

سكــر said...

هههههههههه
واله دمك زى العسل
دا من حقهم عرسان الاتوبيس يتهبلو
هههههه
موتينى من الضوحك والله
وبعدين يا ستى ولا تزعلى
هابى فلانتين

بعد عيد الحب اهوه

اسكتى بئه علشان انا فى اليوم دا كنت عمال اتحايل على التليفون
علشان يرن او حد يعبرنى

بس التليفون طلع رخم
ومحدش عبرنى

اه مهو العيب من التليفون
>>>>>>>>>>>>> بتلكك
ههههههههه

كل سنه وانتى طيبه ياشيرى

بجد اسلوبك جميل جدا

تقبلى تحيتى الحاره

احمد سكر

جميز said...

أولا كل سنة و انتم طيبين

ثانيا أنا مختلف مع اللى مش موافقين على عيد الحب , لإنه بمنتهى البساطة احتفالية بسيطة جدا للتجديد و التنشيط

ثالثا و رابعا و خامسا
تانى ... كل سنة و انتم طيبين

النجمة الصامدة said...

ههههههههه
والله انتي بت كفاءة ومية مية

بس أنا شايفة انك يوميها كنتي في وادي والناس في وادي تاني خاااااالص
ولا يهزك
هي دي استقلالية الشخصية

سلام يا قمر وعقبال التورتة الجاية
بس من غير انفجارات ان شاء الله

أيامنا الحلوة said...

mo'men mohamed
****************
عيد الحب ده اختراعناه عشان يكون يوم الفساد في مصر بجد مناظر في الشارع غريبة ربنا يهدينا جميعا
بس ده ميمنعش انه حاجة كويسة للازواج وتجديد الحب بينهم

تحياتي

أيامنا الحلوة said...

رئيس جمهورية نفسي
*****************
وانت طيب نورت ايامي الحلوة يامتر
والحمد لله طبعا على موضوع الفرن
تحياتي

أيامنا الحلوة said...

سكر
****
ربنا يكرمك يارب وتنورني دايما كده في ايامي الحلوة وترفع معنوياتي
وعندك حق فعلا اكيد التليفون بتتاعك السبب طبعا في ان محدش يقولك هابي فول تايم ههههههههه

تحياتي

أيامنا الحلوة said...

جميز
****
وانت طيب
اكيد تجديد طبعا بس بين الازواج تبقى احلى بكتيييييييييير من اللي بنشوفوا في الشوارع في اليوم ده ولا ايه رايك
وكل سنة وانت طيب

تحياتي

أيامنا الحلوة said...

النجمة الصامدة
**************
ربنا يخليكي انتي اللي كفاءة
وفعلا انا كنت في وادي تاني مع الفرن والتورتة ههههههههه
دعواتك بقى ربنا يبعد عننا الانفجارات

تحياتي ونورتي ايامي الحلوة

جميز said...

بالعكس
حتى اللى بنشوفه فى الشوارع بيدى احساس عام بالبهجة

أيامنا الحلوة said...

جميز
****
ممكن تصدق فعلا بحس اني في الربيع من كتر الورود الحمرة اللي بتملئ الدنيا

تحياتي

3abdo me7tas said...

بقى التورته باظت
لا حول ولا قوة الا بالله
انا لو مكانك
افتح الفرن برضه
دا العمر واحد والرب واحد
محدش مستغنى عن عمرة
وكل سنه ومحمود طيب
عقبالك
ولا اقولك انتى كبرتى على الكلام ده
عقبال اولادك يا رب

أيامنا الحلوة said...

عبده محتاس
***********
اه التورتة باظت وكل شء راح وانقضى ده غير اني اتعقدت من كتاب الحلويات بتاع ابلة نظيره بس هعاود التجربة انا لاننكن اتهزم

وكل سنة وانت طيب
وكبرنا ايه ياراجل انا لسه شباب هههههه
تحياتي

سكــر said...

هههههههههه
حتى فى الرد
دمك شرباااات
هههههه
مكرر

>>>>>>>>>>>> بعاكسك

وثانكيو على مرورك من جنب بيتنا

ااقصد من جنب مدونتنا

تحياتى
احمد سنكر

همسات دافئه said...

شيرين
اول زياره بس دخلتى دماغى بصراحه مش عارفه ليه بتفكرينى بنفسى
بس انا بقى طلعت أجدع منك انا طبعا فقدت الأمل ان حد يجبلى حاجه فى اليوم الغريب ده بس ولا يهمنى روحت لمحل الورد وجبت للدفعه كلها ولنفسى معاهم دول فرحوا بيا جدا وقالولى انتى الوحيده الى بتعبرينا ياشيمو وانا كمان فرحت معاهم واتصورنا وقضناها ذى الفل
*********
بالنسبه للعرسان فى المواصلات
انا برضه حصلى الموقف دا قبل كده وبرده مش عارفه ازاى ممكن يعوز يتجوز واحده وهو بس عارف شكلها ومش هقولك كنتى اديله نمره باباكى لأنى برزع وشى فى الشباك ذيك ومش بياخدوا منة غير الصمت الرهيب ربنا يرزقك بزوج صالح يارب:)
تحياتى الشديده بشده:)
شيماء

فيزو2000 said...

واضح انك كنت تعانى من عيد المفاجأت , كم عنيت وصبرت , كل شىء حولك تحول الى اضطهادك والحمد لله انها جت لحد كده
ولكن اسال كل هذا حدث فى عيد الحب وماذا كان سيحدث اذا كان فى عيد الكره , ايه كانت القيامة قامت مش كده.

نهياوية said...

كل عيد حب وانتي طيبة ياشيري
وياست انا بقولها ليكي اهو
والسنة الجاية حد تاني ياجميل
تحياتي

أيامنا الحلوة said...

سكر
****
ربنا يكرمك يارب ومبسوطة انك متابع علطول
استمر وتوغل استمر في متابعة ايامي الحلوة

تحياتي

أيامنا الحلوة said...

همسات دافئة
***********
واله انتي بنت مجدعةطيب كنتي تجبلي حبة ورد ارميهولي على باب المدونة ياستي بدل الشحتفة اللي انا فيها دي يلا ملحوقة عيد الام قرب متنسيش بقى ها

تحياتي وصحيح بالنسبة للعرسان انتي شطورة زي في موضوع رزع وشك في الشباك ربنا يرزقك بزوج صالح
تحياتي الشديدة بشدة اوي

أيامنا الحلوة said...

فيروز2000
********
الحمد لله ربنا ستر
يالهوي عيد كره ربنا مايجيب كره ابدا ده احنا ايامنا حلوة وكله حب في حب بس نحب ونتحب صح ومنجريش وراء تقاليع وخلاص

تحياتي ويارب دايما تنوريني في اايامي الحلوة

ايامنا الحلوة said...

نهياوية
********
والله بفرح لما بلاقيكي عندي كل سنة وانتي طيبة ياجميل ربنا يكرمك يارب
تحياتي يامنوراني