Tuesday, February 5, 2008

ماذا تفعل لو كنت مكاني؟


ممكن تبقى قاعدة في امان الله في مواصلاتك اليومية وفجأة تلاقي حد اقتحم عليكي الطريق وطلب ايديك ياحلولي ياحلولي .. عريس يابووووووووي
طوخه بس متعورهوش يابوي

هحكي على ثلاث مواقف حصلو في ثلاث ايام من ايامي .. وطبعا زي ما انتم عارفين ايامنا ايييييييييييييييييييييييييييييييه ... حلوووووووووووة ..........
(مش اوي يعني)!!!!

العريس الاول
************
ياعيني عليه المفروض ينزل في محطته منزلش فضل قاعد لحد مانزل ورايا وكمان ركب معايا ميكروباص تاني لحد ما جه لحد مكان الشغل وكانت فضحتي بجلاجل زمايلي اللي في الشغل كلهم شافوا الاحداث

بس انتي يابس يابس يابس.......
( عادي ده على اساس انه بينادي على قطة)

لو سمحتي ياانسه لو سحمتي ارجوكي ردي عليا انا والله مقصدش اعاكسك خالص

(وانا في سباق جري وكنت على وشك اقع واتدحرج في الارض بس ربنا ستر)
وفجاة نط قدامي
وبعدين يااستاذ ميصحش كده
انا والله مش بعاكس انا بس عايز اعرف حاجة واحدة بس انتي مرتبطة
لاحول ولا قوة الا بالله
من فضلك انا عايز اجي اخطبك انا بشوفك في المواصلات كل يوم بقالي ثلاث او اربع شهور تقريبا ومعجب بيكي وشايفك بتقري قران وشكلك متدين ومحترم
طب لو سمحت بس عايزة اعدي عشان انا عندي شغل
من فضلك انا جاي المشوار ده كله وراكي واول مرة اجي هنا ( محسسني اني جبته في الصحراء )
من فضلك انا عايز رقم والدك وبس انا مش عارف اجيب عنوانك ولا اي حاجة انا اسف للطريقة دي بجد بس مش قدامي غيرها

(عريس يابوي بس اعمل ايه انا في موقف لااحسد عليه وبصراحة الراجل شكله محترم ومش بيهرج ولا بيعاكس ) تممممممممم تممممممممممممممممم اعمل ايييييييييييه ... صمدت ومرضتش اقول بردو ومشيت

المهم الراجل طلع مش بيعاكس فعلا وعرف عنواني بردو بطريقة ما واتقدم فعلا ومحصلش نصيب لاسباب امنية

عريس تاني مرة ومن نفس الاتوبيس
*********************
نزل ورايا


ياانسة لو سمحتي


بصيت كده بكل خضة وطلعت اجري طلع ورايا وركب معايا الميكروباص اللي بيوديني لحد الشغل وبعدين قعد جمبي واكل ودني من الكلام وانا رزعة وشي في الازاز بتاع الميكروباص لحد ما راسي اتلوحت
انا اسف للطريقة دي بس فعلا مش عارف اعرف عنوان حضرتك منين انا عايز اجي اخطبك انا بشوفك بقالي تقريبا ثلاث اسابيع وبعدين مش عارف اوصلك ازاي من فضلك ردي عليا انا مش اقصد اي شئ وحش خالص
وبعدين ياحضرت
مش عايز من حضرتك اي شئ غير رقم والدك بس
(يادي لنيلة ايه حكاية رقم والدك ده) .. في سري طبعا
(وطبعا الدنيا كلها بتتفرج عليا في الميكروباص)

وبعدين مينفعش كده بجد من فضلك
قال متكسفنيش لو سمحتي انا والله زيك محرج بس مفيش قدامي غير الطريقة دي
انا عايز اخطبك

تخطبني ازاي وانت متعرفنيش اصلا

انا لقيت فيكي مواصفات الزوجة اللي بتمناها ولو معندكيش مانع يكمل تعارفنا من خلال الخطوبة

والله ياحضرت مش عارفة اقول ايه

متقوليش حاجة اديني بس رقم والدك

بصراحة كنت على وشك اديله رقم الوالد بس مش عارفة لقيت نفسي بقول اني بعتذر انا محبش ارتبط بالطريقة دي

(مالها الطريقة دي خليني كده قاعده جمب امي)


يعني بترفضي

معلش انا بعتذر للمرة الثانية
زهق وبعدين قالي طيب استاذنك سلام عليكم
وعليكم السلام
*******************************************

كلاكيت عريس ثالث مرة

********************
ده بقى مكلفش نفسه ومشي ورايا لحد الشغل
جه قعد جمبي بكل عنطظة في الاتوبيس ....


سلام عليكم
عليكم السلام
ممكن اسال سؤال
اتفضل
حضرتك مرتبطة
نعم
بقولك حضرتك مرتبطة
بتسال ليه حضرتك
عايز اعرف بس
سكووووووووت
انا عايز اتعرف على حضرتك ممكن
لا والله مش ممكن
نعم
بقول لحضرتك مش ممكن
طيب
وبعدها بخمس دقايق
انا ياانسه قاصد خير..
عايز ايه يعني
دلوقتي عايز اتعرف
وانا مش بتعرف علي حد
الله ما طولك ياروح ...........عايزة انزل من الاتوبيس ده
طيب ياانسه انا كنت عايز بس اعرف عنوان بيتكم بالتفصيل
سكوووووووت
انا عايز اخطبك
سكووووووووووت
طيب ردي عليا
سكوووووووووت
وبعدين بشخطة كده .. ها هتقولي ولا ايه
( زي ما يكون بيذلي وعايز يقولي احمدي ربنا اني كلمتك اصلا هتتكلمي ولا اسحب رغبتي في الارتباط بيكي)
رديت بقى اعمل ايه اتشخط فيا وانا بحب الرجالة اللي بتشخط
ياستاذ الموقف ده مش ظريف خالص بجد
معلش انا عارف بس انتي متوترة زيادة عن اللزوم الموقف مش يستدعي كل التوتر ده
( ياسلالالالالالالالالالالالالالالالالام)

بصراحة بصراحة العريس ده شكله جنتل خالص واحسن من الاثنين اللي فاته بس بجد الموقف محرج جدااااا والطريقة دي مش بتخلي البنت تعرف تتصرف
لو سمحت بقى منفعش بجد اللي عايز يتربط بحد بيتصرف ويعرف عنوانه
المهم انه الراجل نفسه طلع قصير ونزل وسابلي الاتوبيس وطفش

انا بقى مسلمتش من التريقه بتاعت الشوباب الامور اللي كانه متابعين الفيلم العربي ده
اللي يقول هو نزل ليه مش كان حاول مرة اخرى
والتاني يقول ليه حق والله
والثالث يقول معلش هيه لحظة الفراق صعبة
وكلام بقى جميل خالص

وحلفت ما هركب الاتوبيس ده تاني مع ان دي اسهل مواصلة لشغلي وبتعب عقبال ماالاقي مواصلة تانية بس يلا محدش بياكلها بالساهل

يلا معلش هي ايامنا كده حلووووووووووووة
السؤال المهم بقى ممكن الشاب يعجب بواحدة بيشوفها في المواصلات وميعرفش عنها اي حاجة خالص ويحاول يعرف عنوانها ويتقدملها.. طيب يتقدملها على اساس ايه هو ميعرفش عنها اي حاجة خالص ؟
والسؤال الاهم ماذا تفعل لو كنت مكاني؟

59 comments:

قلوب بتغنى said...

شوفى يا ستى انما انتى
اولا تديلنا رقم الاتوبيس واسم المحطه لانه واضح انه اتوبيس بركه خالص
ثانيا يا هبله(لامؤاخذه مفيش سابق معرفه
حد يلاقى عريس فى الايام دى وميتجوزش ده البنات بتتبل على الشباب الايام دى
على فكره بهرج معاكى بس
شوفى مكنش هيجرى حاجه ابدا لو كنتى مديتى ايدك فشنطتك وكتبتى رقم التليفون بتاع بباكى على ورقه من غير اى كلمه
والله طلع قصده شريف كان بها
طلع بيهرج اهو هياخد نصيبه من ابوكى
على فكره لو حبيتى تزورى مدونتى
sbedtime.blogspot.com
ابقى قوليلى رايك

A.SAMIR said...

هو رقم والدك سري قوي كدة؟
ايه يا انسة
الناس ماغلطتش بصراحة
الراجل ما طلبش نمرتك دة طلب نمرة والدك يعني مش معقول هيعاكس والدك
بكل امانة
انتي غلطانة
بتحبكوها قوي وتيجوا تقولوا الشباب معندوش نظر
وبعدين ممكن اسالك سؤال بس ماتزعليش
هو لسة في حد بيقول لحد يا حضرت؟
طب
نهارك سعيد بقى يا اكسلانس
انا ممنون جدا
سعيدة

Soooo said...

ياااه
بقالي كتير ماجتش هنا
والله حشني كلامك وبساطتك

بصي ياستي
استحاله انه يحصل معايا اللي حصل معاكي .. ده اولا

ثانيا .. في نوعية شباب دلوقتي بقى صعب عليه الاختلاط بالبنات نتيجة لاسباب كتير .. منها مثلا انه مالوش اخوات بنات او مالوش صحاب ممكن يساعدوه في موضوع الارتباط
وهم دول اللي بيعملو زي اللي عملوه اللي اتقدمولك في الاتوبيس او في المترو او في الميكروباص


نصيحه .. اوعي تركبي توك توك بقى .. هتلاقي واحد معجب بيكي وعايز يخطبك



سلاموووووووووووز

mo'men mohamed said...

ههههههههه
والله العريس التانى ده صعبان عليا
المهم
عندى سؤال محيرنى
انتى بتقولى ان العريس الأول منزلش فى محطته اللى بينزل فيها واستنى نزل معاكى
عرفتى منين محطته بقىىىىىىىى ؟!!!!


ما علينا نيجى لسؤالك
بصى يا ستى
انت بتقولى ان كل واحد اللى تابعك 3 - 4 أهر و التانى 3 أسابيع
طب جميل
يعنى الراجل عينه عليكى ومتابع كل تحركاتك و أخلاقك
هو مش باستطاعته انه يعرف اى حاجة تانية عنك بطريقة شرعية
مفيش اى سبيل غير الخطوبة

اما اذا كنت مكانك و جات بنت قالتلى يا حضرت خد نمرت تليفون والدى وتعالى اخطبنى
فالموضوع فيه نظر
ههههههههههههه
انا باهزر
وعلى فكرة الموضوع مش عيب ولا حرام
وحدث ذلك على عهد النبى
بس هى بس التقاليد الزبالة اللى حرمت علينا الحلال
جزاكم الله كل خير
السلام عليكم

A long distance said...

انا مش عارف
يعني التلاته اللي قعدوا يمشوا وراكي وتاعبين نفسهم
معرفوش يوصلوا لغايه ماتوصلي بيتك
ويبقوا بعد كده يشوفوا حد من اهلك ويتكلم معاهم
الطريقه اللي حصلت معاكي دي مش ظريفه خالص
وفعلا حاجه تكسف اوي اوي
واللي عملتيه صح
mrgkiller2020

أنا حر said...

برافو عليكي.... العلاقة اللي بتبدأ من أول نظرة في أول محطة بتنتهي مع أول مشكلة في أول يوم ارتباط
طريقة غريبة للارتباط بس انتي عملتي الصح بس علشان المرة الجاية لو ركبتي الاتوبيس ما تطوليش معاهم واعملي رقم تليفون بباكي على كروت اللي يكلمك اديله الكارت واشتري دماغك
تحياتي

Ahmed Mubarak said...

بصي يا بتي..انا عندي في الحته العواجيز اقصد العجوزات الغير متزوجات كتير..
ممكن تديلي رقم الاتوبيس ارميهم فيه ممكن يتجوزا ويرحمونا من رغيهم
:D

بس انا بصراحة معاكي..انا مش مقتنع بالطريقه ديه..ازاي واحد ممكن يتعرف عليكي من شكلك..انا ممكن اقتنع بجواز الصالوانات ..لكن دة لأ..
عن نفسي يا بنتي ..مستحيييييييل اتجوز بنت كدة ولو كانت نانسي عجرم محجبه وماسكه محل المصاحف
الجواز في رأيي حاجة أكبر تفاهم وتعارف ودين..هيجي دة كلوة من الاتوبيس ازاي
:)
تحياتي

وانا عايز رقم الاتوبيس ابو عراسان بتذكرة ده في ناسات كتير عايز اخلص منها

جميز said...

أنا بصراحة بقالى 6 أسابيع بمر على المدونة دى , و معجب أوى بمواضيعك

ممكن تليفون الوالد !!
:) :) :)

...............................

لو مكانك مش هثق فى إعطاء أى انسان غريب تليفون أى حد من الأقارب
المسألة سهلة بالنسبة ليكى
المشكلة مشكلته هو , على فرض إنه انسان جاد

قلوب حائرة said...

بصي يا شيرين الموضوع كله عادي وبيحصل وانتي عارفة انه يااما شوفنا الي يشله كده المهم هجي للنقطة الاساسية وهو ازاي واحد يتقدم لوحدة من الموصلات هقولهالك لعاشر مرة الانسانة بتتعرف من موقف واحد بتتعامل معاه يعني بدء من مشيها في الشارع وطريقة كلامها وقعدتها ... الخ الخ يعني الشباب معدش اهبل علشان يعرف دي انسانة محترمة وبنت ناس ولالا ...ويابنتي تعددت الطرق والموت واحد اظن فهماني

Anonymous said...

كان المفروض بدل ما يمشي وراكي لحد الشغل يشوف شغلك بيخالص أمتي ويمشي وراكي وأنت مروحة والموضع هيكون أسهل من الطريقة ديه .. بس أفكار التلاتة جات غلط ...

ولو كنت مكانك أكيد كنت هعمل زيك بالظبط .. أصلي إزاي كنت هقف وقله علي تليفون والدي موقف محرج جداً طبعاً

داليا

على الطريق said...

موقف صعب ومحرج .. يشتبه فيه الجد باللهو والخوف من الغريب بالرغبة في الارتباط من شخص جاد ..

لو كنت مكانك بصراحة يعني
مش عارفة كنت هاعمل ايه .. جايز اضرب لخمة واديله الرقم وجايز اديله وش وما اردش

مصطفى said...

يا ستي أنا شاب من الشباب اللي تعرض لموقف زي ده بس احنا بنحب بعض
بس عايز أقوللك إن الإنسان ما بيفضلش غلى حال واحد يعني لو هو فيه عيوب ممكن تتصلح ويا ما ناس اتجوزو وعاشوا سعدا وما كانوش يعرفوا بعض
كمان احذري الدخول في سلك العوانس
انا مش بهزر والله ماشي ؟!!!!!

Doba said...

انا رأيى الشخصى انك تعملى كروت مطبوع عليها اسم والدك كامل وعليها العنوان ورقم التليفون او تاخدى الكروت بتاعت ابوكى

واللى يتكلم فى حاجة زى دى بطريقة مهذبة تقوليله اتفضل

واكيد هيحاول يتكلم تانى فلو اتكلم تانى هزقيه ولو اخده وشكرك وحصل حاجة كويسة يبقى كسبتى شخص محترم

على فكرة
انا مبهرجشى

لان فعلا فيه شباب بيعملوا كده فعلا وليا اتنين اصدقاء اتجوزو بالطريقة دى

وبس خلاص

تحياتى
هبة

3abdo me7tas said...

هههههههههههههه
أنا مش عارف أضحك ولا أعمل إيه
إيه يا بنتى اللى انتى كتباه ده
ده بجد حصل حقيقة يعنى ولا خيال
بس تصرفك فى كل الأحوال صح
بس انتى سألتى سؤال ان ممكن أى واحد يعجب بواحده وهى ماشية يبقى عايزة يخطبها وإزاى
دى الفكرة عشان كده انا مش عارف إيه الحل وعشان كده برضه جواز الصالونات شغال على ودنه الأيام دى
طيب الحل إيه أضربها بطوبه فى دماغها يعنى وأطلع أجرى وأبوها يعمل ضدى بلاغ فى القسم ونتعرف على بعض من النقطة دى ولا أعمل إيه
سؤال ليكى بقى يا شرين
وانتى بتكتبى البوست الجميل ده مفكرتيش ان ممكن حد من التلات شوبان الظوراف اللى كانو عايزين يخطبوكى يقرى البوست ده
انا بقول إحتمال
حاجه أخيره بقى قبل ما أقلب وأمشى
أنا عارف ان بعد البوست ده بنات كتير اوى سألتك على رقم الأتوبيس اللى انتى كنتى بتركبيه صح انا عارف انا عارف
على العموم يا ستى ربنا يكرمك يا رب بإبن الحلال ويرزقك الرزق الصالح
قولى آمين

bocycat said...

ههههههههههه والله ضحكتينى ياشيرى اللى عايز يتجوز واحدة حيعرف يوصل لها وكويس انك مش اديتى له الرقم ممكن يكون اختبار منه انك بقى حتردى وتكلميه وتدى له الرقم ويقول بقى دى باينها متعودة على كدة اللى عايزك لازم يجرى وراكى ويوصل لك مهما كنتى بعيدة وعادى الشباب اكتره دلوقت بيفضل الجواز التقليدى ماللى بيشوفوه ... سلام ياقطة

klmat said...

عزيزتى شيرين
ممكن يكون العرسان دول فعلا
نيتهم سليمه بس اختاروا طريقه
مش صح كان ممكن يراقبوامكان
عملك ويعرفوا البيت وانتى راجعه
انتى اتصرفتى صح لانك ماتعرفيش نيتهم
ايه بس باين عليكى حلوه زى اسم
مدونتك واسلوبك ولو كنتى
اديتى نمره والدك بردوا مش غلط
خللى معاكى شويه كروت احتياطى
ايه المانع انه يجى البيت
فعلا فى جوزات بتم بالطريقه دى
واحد شاف واحده فيها المواصفات الشكليه اللى بيتمناها وراقبها ولقاهامحترمه
ربنا يسعدك يارب ونفرح بكى
تحيااااااتى

أيامنا الحلوة said...

قلوب بتغني
**********
رقم الاتوبيس سري لاسباب أمنية خفية
وفعلا عندك حق الاتوبيس ده بركة ربنا يقلل بركته هههههههه
المشكلة اني مش معايا ورقة وقلم عشان احط ايدي في شنطتي واكتب الرقم المرة اللي جاية هجيب قلم فيلومسطر واعمل كده

تحياتي ونورتيني ويارب دايما

أيامنا الحلوة said...

احمد سمير
********
يامرحب يافندم منور ياباشا اتفضل يااكسلانس
بقى ياحضرت بتتريق عليا ماشي ماشي عامة منور ايامي الحلوة ويارب اشوف تعليقاتك كتير عندي
ورقم والدي سري فعلا اصلنا بنتعامل مع الموساد
عندك حق بتحبكها تصدق احنا نستاهل لقب العنوسة الشر بر وبعيد يعني

تحياتي وطبعا الاختلاف في الراي لايفسد للود قضية

أيامنا الحلوة said...

سوووووووو
**********
يااااااااه منورني والله فينك من زمان ياراجل متتاخرش بقى كتير تاني كده
اتفق معاك ان الشاب فعلا لقلة علاقاته بيلاقي صعوبة في البحث عن زوجة
ربنا يكرم الجميع
تحياتي
وموضوع التوك توك ده هبحثه يمكن الاقي فارس الاحلام

أيامنا الحلوة said...

mo'men mohamed
***************
وش محمررررررررر ... العريس الاول جه بالفعل اتقدم وطبعا قال ان دي مش المحطة بتاعته وانه جه ورايا مخصوص عشان كده انا قولت انه منزلش في محطته
يعين انا مش كنت براقبه صدقني ههههههههه

وفعلا ممكن تكون وجهة نظرك سليمة
تحياتي

أيامنا الحلوة said...

A long distance
****************
اصلي بصراحة مشواري من المحطة اللي بركب منها لحد الشغل طوووووووويل ساعتين تقريبا
انا هحاول اشتغل قريب عشان يكون المشوار اسهل من كده لاي عريس هههههههه
تحياتي اتمنى التواصل

أيامنا الحلوة said...

أنا حر
*******
فكرة هايلة حكاية الكروت دي وابقى اعلقها في شطنتي وبكده محدش ليه حجة

تحياتي ومنورني شكرا لرايك

أيامنا الحلوة said...

Ahmed Mubarak
***************
عواجيز ايه ياراجل حرام عليك ربنا يرزقهم من غير جواز اتوبيسات

على فكرة الحكاية مش حكاية جمال والدليل اني عادية جدا يعني هدفهم مكنش جمال و حاجة الحكاية بقى مش حكاية نانسي عجرم ولا هيفاء وهبي

تحياتي ويارب كل العواجيز اللي عندك تتجوز

نهياوية said...

والله العظيم عسل عسل ياشيرين ، انا بمووت من الضحك

نيجي بقي للجد ، صراحة موقف محرج اوي ، حرام عليكي اللي عمليته فيهم طب كنتي ريحتيهم ههههههههههه ، كنتي قلتي حاجة بسيطة جدا وقلتي له بدل ماتمشي ورايا وانا جاية للشغل امشي ورايا وانا راجعة وانت تعرف العنوان هههههههههه
ربنا يراب يرزقك بشخص يكون عارف العنوان او التليفون كويس

تحياتي

أيامنا الحلوة said...

جميز
****
منورني في ايامي الحلوة وتليفون الوالد في البوست الجاي ان شاء الله هههههههه

تحياتي واتمنى مداومتك على زيارة ايامي الحلوة

أيامنا الحلوة said...

قلوب حائرة
-**********
فعلا تتعدد الطرق والموت واحدا ... داخية معايا انتي انا عارفة بس تعملي ايه ربنا وقعك في صاحبة عندها الهس هس ههههههه

تحياتي واستمري في الدعاء ليا

أيامنا الحلوة said...

داليا
******
متهيالي ياداليا كده عذاب عشان يمشي ورايا لحد الشغل وبعدين يجي في معاد خروجي ويعاود المشي ورايا مرة اخرى واكيد هيكون مش ضامن انا هروح على بيتي ولا رايحة مشوار مثلا وخصوصا ان مشواري بعيد فعلا يادودو وانتي عارفة كده يعني نلتمس العذر وخليكي محضر خير ههههههههههه

تحياتي

أيامنا الحلوة said...

على الطريق
**********
يعجبني فيكي واقعيتك ... يارب يارب يااميرة تتحطي في نفس الموقف واشوفك هتعملي ايه

ايه رايك بقى في الدعوة دي هههههههههه

تحياتي ليكي ولطريقك

أيامنا الحلوة said...

مصطفي
******
ربنا يكرمك ويوفق كل الشباب والشابات
وفعلا عندك حق في موضوع الانجرار للعنوسة دي متقلقش عليا انا لسه فاضلي كام سنة كده هما مش كتير يعني عقبال موصل للقب الشر بره وبعيد هههههههه

تحياتي واتمنى تكرار زيارة ايامي الحلوة

أيامنا الحلوة said...

دوبا
****
ام يوسف الحبوبة منوراني ياقمر والمرة اللي جاية لو كان لسه في حد هيعبرني تاني ابقى اعمل بنصيحتك

تحياتي

ايامنا الحلوة said...

عبده محتاس
**********
هههههههههههههههه عجبتني اوي فكرة الضرب بالطوب دي وابوها يعمل محضر ومن هنا يجي التعارف بس افرض العروسة اتشوهت بعد الطوبة يبقى الموضوع كده مش هيكمل لا ياعم بلاش ضرب

والموضوع والله فعلا حصل حقيقي مش خيال
وبيحصل مع ناس كتير غيري كمان
وحكاية ان ممكن حد من العرسان يقرى البوست ممكن ليه لا

وموضوع ان البنات سالتني على رقم الاتوبيس فده صحيح هههههههه
اصله اتوبيس بركة بركة يعني

تحياتي ومتبقاش تتاخر على ايامي الحلوة بقى

أيامنا الحلوة said...

بوسي كات
*********
ازيك ياقطة منوراني
رايك ممكن يكون سليم فعلا ويكون اختبار بس اوعى على مين انا نجحت في الاختبارهههههههه
تحياتي

أيامنا الحلوة said...

كلمات
******
منوراني بجد ومعجبة برأيك وانا معاكي ان نيتهم سليمة بس اختارو طريقة مش صح وعامة كله نصيب
اما موضوع اني حلوة دي فلاداعي للاحراج ههههههه انا لااتمته بالعيون الخضراء ولا الشعر الاصفر ولا البياض المحمر
انا عادية جدا ملامح شرقية يعني الموضوع بالنسبة لهم مكانش حكاية جمال صارخ ولا حاجة وممكن يكون فعلا الشاب بيلاقي صعوبة في الحصول على زوجة ليه لقلة المعارف مثلا ونفس الحكاية مع البنت
وربنا يكرم الجميع

تحياتي

أيامنا الحلوة said...

نهياوية
******
لا مش ممكن مش معقول نهياوية عندي في ايامي يادي الهنا يادي النور
منوراني بجد زيارة عزيزة وغالية جدا
وربنا يكرمك انتي اللي عسل والله
ودعواتك بقى ياهوبة والمرة اللي جاية لو في حد لسه عنده نظر ونوى على حاجة زي دي هبقى اعمل بنصيحتك ياقمر

تحياتي

أنا إنسان said...

ههههههههههههههههه
هوه الاتوبيس اللي حضرتك بروحي الشغل فيه ده بيبدا منين
ههههههههههههههه
..........
انا طبعا كنت باهزر
بس بجد
البوست ده خلاني فوقت من الغم اللي انا كنت فيه النهارده
بجد رائع
................
نيجي للكلام الجد بقى
أولا...
إطلاقا ما بنفعش في الزمان ده طريقه الجواز دي
إلا اني التمس بعض العذر للعريس اللي قال انه بقاله 3 اسابيع بيشوف
حضرتك
ممكن يكون كون فكره معقوله عن طريقه الكلام...الادب...السلوك...الاصل
كده يعني
واللي استنتجته
انهم كانوا فعلا كلهم جادين
ولكني وقعت في تناقض غريب
ازاي حضرتك تحكمي على التالت انه احسنهم
وانه جنتل و...و...و
ومش عايزينهم يحكموا على حضرتك
وبعدين مش لما ياخد رقم تلفون والدك
احين ما يفضل ماشي وراكي لحد الشغل أو لحد البيت علشان يعرف العنوان
...................
تمنياتي بعريس فاضل
يراعي ربنا فيكي
ويكون بيحب حضرتك بجد
وحضرتك كمان
وياريت ما تتسرعيش بالحكم من خلال المظهر والنضاره الشمس
.....................
على فكره
المدونه شديده الروعه
ليس هذا مدح

sendbad said...

معرفش بس انا من وجهه نظري انتي صح عمر الارتباط ما يبقي كده مفيش حب من اول نظرة في حب من اول مناقشة
الاقتناع اني اقتنع بالطرف اللي قدامي من كلامه وافكاره
علي العموم دمك خفيف
تحياتي

سكــر said...

ههههههه
دا انتى مرزقه بئه
والله دمك خفيف جدا
واسلوبك اجمل وانتى بتحكى
بصى ياستى

النوع دا انا صادفته مع صديق ليا
كنا فىى مره مروحين من الشغل
وقالى تعالى معايا هنروح مشوار لغاية المحطه
محطة القطار
قلت ليه ليه
قالى تعالى بس وقعد يتحايل عليا
وانا طبعا مذهول وهو مصر مايقوليش ليه
المهم لانى بعزه قلت اروح معاه
وقعد يستعجلنى وكدا وقالى عاوزين نكون هناك قبل الساعه 3
المهم يستى رحنا هناك
وقاالى ياه كدا
ادينا اتاخرنا شويه
قلت ليه خير يا ابو على (هو اسمه حسن )
قالى تعالى بس هنتمشى شويه ع الرصيف
قلت ليه ماشى
قالى لاء مش الرصيف دا
الرصيف اللى هناك كدا
قلت ودا يفرق عن دا ايه
قالى تعالى بس
المهم رحنا الرصيف التانى وكاان مليااان مزز
هههههههه
ااقصد بنات طبعا
وقعد يبص عليهم
ولانى عارف انه مؤدب ومحترم جدا
بقيت مذهول اكتر
وكنت محرج من الموقف
كان عمال يبحلق فيهم
وقفته وقلت ليه ايه دا يا حسن
انت تعرفى انى كدا بردو
(انا طبعا مقطع السمك بس بستعبط يعنى )
وقف وقالى ايه يا احمد
انا بدور على عروسه
ههههههههه
طبعا لكى ان تتخيلى مدى الذهول اللى كنت انا فيه
يلا بئه
ولما قريت البوست بتاعك
قلت اكيد حسن واحد من دول
هههههههه
لانه كان بيدور على فتاة احلامه
خلال الاتوبيس
المترو
قدام الجامعااات
هههههه
ااقلك حاجه
حسن دلوقتى عند 38 سنه
ولسا ملقاش البنوته اللى عاوزها

تحياتى شيرين
وتقبلى مرورى
احمد سكر

ايامنا الحلوة said...

انا انسان
**********
سعيدة بمرورك على ايامي الحلوة وسعيدة اكتر ان المدونة عجبتك وانك فوقت من الغم اللي انت كنت فيه ربنا يكرمك ويبعد عننا جميعا اي غم

بص بقى الاتوبيس ده بركة بركة وربنا يديمها بركة يمكن كل الشباب والبنات اللي بيركبوه يتجوزوا ويخلصونا

وبالنسبة اني قولت على العريس الاخير جنتل فده لانه مظهره الخارجي بيقول كده بس طبعا المظهر مش كل حاجة

ويارب دعوتك تستجيب
واشكرك على مرورك واتمنة التواصل
تحياتي

أيامنا الحلوة said...

سندباد
******
الموضوع موصلش للحب خااااااالص ده مجرد واحد شاف واحدة وعجبته لتصرف ما اخلاق مثلا او شكل مممكن بس مش اكتر الحكاية موصلتش لحب اطلاقا

وفعلا الحب حاجة تانية

تحياتي

أيامنا الحلوة said...

سكر
****
ربنا يخليك ياسكر انت اللي سكر بس قولي السكر غلي ياسكر صح


هههههههههه والله قصة حسن دي موتتني من الضحك ربنا يكرمه ويرزقه بالزوجة الصالحة

نورتني بجد واتمنى مرورك دايما على ايامي الحلوة
تحياتي

صوت من مصر said...

والله مش كل الناس وحشه او كل الناس بتجرح المستقبل ممكن يبقى احلى ومتبصش وراك

صوت من مصر said...

اه انا اسف الكلام عكس نهائى يا ست الكل الاتوبيس اسمه اتوبيس العرسان ولا ايه وعموما فكرى برحتك ومتستعجليش

احساس لسه حى said...

عزيزتى

هو رقم الاتوبيس ده كام

مش علشانى علشان البنات باين عليه اتوبيس وش خير واللى بيركبة من الشبان على وش جواز وناوينها بجد

اعملى خير وحطى رقمه

شوفى الموقف اه صعب على اى بنت بس ليه حالة من الخجل وده طبيعى والمفجاءة وده مش طبيعى تتفاجئ ليه بس ما طبيعى ان اى بنت حد مش محترم يعاكسها

وطبيعى حد محترم يشوفها ويحب يرتبط بيها فلازم تستعد وتكون مستعدة تعمل اية فى وقتها

الانطباع الاول اهم حاجه والقبول لو الانطباع الاولانى مش رافضة اديله رقم بابا على طول لو مش كويس قوليله انا مرتبطة واخلصى

طبعا لو كنت مكانك متمشيش على الرجالة

بس اظن صعب على اطلب واحدة بالطريقة دى بس اظن الرجالة عموما ممكن يطلبوا انسانة بدل شكلها مقبول بالنسبالة وعجبته

واكيد هو مش هيتجوزها على طول هيعرفها اكتر

تحياتى
سلام

الربان said...

تحياتي

قصص جميلة...و لو كنت مكانك كنت غيرت الاتوبيس ههههههههه. اقصد غيرت طريقة المواصلات او طريق ذهابي الي عملي.

تمنياتي لك و للجميع بالتوفيق...

أيامنا الحلوة said...

صوت من مصر
***********
طبعا الاستعجال وحش ... اشكرك لمرورك لمدونتي واتمنى التواصل

تحياتي

أيامنا الحلوة said...

احساس لسه حي
************
رقم الاتوبيس ده سري خوفا خوفا عليه من تنظيم القاعدة ههههههه

موضوع الاستعداد في اني ممكن اتجوز بالشكل ده بصراحة مخطرش علي بالي
ومعاك في ان الانطباع الاول والقبول ليهم تاثير كبير

اشكرك لنصيحتك ومرورك الدائم على ايامي الحلوة

تحياتي

أيامنا الحلوة said...

الربان
*******
انت بتقول فيها انا فعلا غيرت الطريق ماما قالتلي غيري العتبة دي يابنتي يمكن يجيلك حد عارف التليفون والعنوان من غير ما يسالك ههههههه

تحياتي وكويس ان القصص عجبتك وتوته توته فرغت الحدودة

اتمنى تكرار زيارتك لايامي الحلوة

مصطفى said...

يا ستي أيامنا هتفضل علي طول حلوة إن شاء الله طالما انتي فيها
ومعشوقتي اللي مش قادر اصيلها
كل الحب
مصطفى

أيامنا الحلوة said...

مصطفى
*****
ربنا يكرمك ويحلي ايامك انت ومعشوقتك

تحياتي

gannah said...

موضوعك هايل وشيق جدا اتمنى نبقى اصدقاء لان لينا نفس الميول

gannah said...

اتمنى بجد صداقتك ورايك فى مدواناتى وعلى فكرة انا جديدة هنا لكن بكتب من زمان على ياهو 360

gannah said...

انا بس لى سؤال ممكن اعرف انتى ازاى بقيتى ناشرة ؟؟؟وهل الموضوع صعب ولا سهل؟

أيامنا الحلوة said...

gannah
*******
ربنا يخليكي نورتيني واتمنى دايما تنوري ايامي الحلوة وسعيدة ان البوست عجبك
ويشرفني اكيد صداقتك
موضوع النشر ده انا مش فاهمة بتتكلمي عن ايه انا منشرتش اي حاجة خالص وكل اللي بكتبه على المدونة فقط
يمكن تقصدي مدونة برايد عايزة اتجوز

تحياتي

Anonymous said...

اطلعت اليوم بمحض الصدفة على البلوجر الخاص بيكي
واعجبتك بكثير مما ورد فيه
ولكن اكثر ما لفت انتباهي هو قصص السبان الثلاث الذين تقدموا لكي في الاتوبيس
وطبعا الكلام كان غير منطقي
واسمحيلي اقول كمان انه أشبه بالأحلام
تقريبا انتي بتحلمي حد يتقدملك وترفضيه وقاعدة بتألفي قصص
لان مفيش شباب بيتقدموا لأي بنت ما يعرفوش عنها حاجة الا اذا كانوا عايزين يتسلوا
والغريب ان التلاتة محترمين .. طيب ليه رفضتيهم
معلش كل البنات بيقولوا كدة
بس انا عايز اعرف انتي اتخطبتي بقى ولا لسة لغاية دلوقت الشباب بيطاردوكي في الاتوبيسات

مصري غلبان

أيامنا الحلوة said...

مصري غلبان
***********
انت بعتلي الكلام ده على الايميل عشان كده اسمحلي انا نزلته في التعليقات بدالك لانه من حقك انك تعلق على الموضوع نفسه ومن حقي كمان انا ارد هنا في البوست اللي استفزك ومش مصدقه

بص ياسيدي سعيدة انك اهتميت وبعتلي على الايميل وياريت تتابع ايامي الحلوة علطول

وردي عليك كالتاتي:

انت عارف اول ما قريت كلامك قعد اضحك جامد اوي

يااخ مصري انا مش ملزمة اني احلف او اثبت اللي حصل بس ده واقع بيحصل ليا ولغيري كتير وحاجة مكررة جدا تقريبا اصبحت ظاهرة مع معظم البنات ولو قريت تعليقات بعض الناس هتلاقيهم بيحكوا عن تجارب اصدقاء ليهم ونفس القصة كده
وحكاية اني بألف قصص فاشكرك عليها لان الاهم ان يكون تأليفي عجبك ولو اني مش محتاجة للتأليف

وايه حكاية بيطاردوني دي هو انا هربانة من حكم اعدام

الموضوع موصلش لمطاردة انا بناقش شئ حصل وبيحصل فعلا لناس غيري كتيرة

وحكاية اني اتخطبت دلوقتي ولا لاء اظن شئ مش يهمك ولا يهم اي حد

ومرة تانية اشكرك علي مروك مدونتي واتمنى التواصل

تحياتي

في حب مصر said...

شوفي يا ستي
اولا كنت بهرج بس بجد عجبني جدا اسلوبك الخفيف في الكتابة
وبعدين لو مزعلاكي كلمة يطاردوكي بلاش نخليها يلاحقوكي
وتزعلي اصلا ليه هو حد لاقي عرسان يطاردوه دلوقت بس اوعي يكونوا طمعانين في مرتبك او يكون عندك شقة!!
وبعدين هو كام رقم الاتوبيس واسم المحطة اللي بتركبي منها علشان ابعت اصحابي لاني للأسف الشديد أنا دلوقت في دبي بشتغل هناك، كان بودي أروح بنفسي علشان أصدق؟؟؟؟؟
وبعدين انا بسأل عن خطوبتك مش علشان حاجة غير اني أعرف لسة العرسان بياخدوا على دماغهم ولا لأ.
كفاية كدة بس هو فيه سؤال محيرني:
لما هي العرسان كتير كدة والشباب كتير عايز يتجوز امال ليه بتتكلموا عن مشكلة عنوسة وأزمة سكن؟؟؟؟ ولا انتي حالة خاصة؟؟؟؟؟؟؟!!!!!!!!

مصري غلبان
http://nooralhayaa.blogspot.com/

أيامنا الحلوة said...

في حب مصر
*********
مصري غلبان منور ايامي الحلوة وحصل خير
ادي اخرة التدوين بيجيب الخناق وكنا هنروح القسم وهتبقى بهدلة ههههههههه

تحياتي ليك واتمنى دايما زيارتك للمدونة وقول رأيك بكل ديكتاتورية متقلقش من حاجة الامن مستتب

فيزو2000 said...

اولاً عايزين نعرف الاتوبيس ده نمرة كام , اللى واضح ان الاتوبيس ده مبيركبش غير العرايس والعرسان وممكن نقول عليه اتوبيس الفرح , واضح انك على اخلاق حميدة ومطمع للشباب اصحاب النوايا الحسنة , والزواج فعلاً قسمة ونصيب والانسان ربما يصادف انسان فيه القبول الربانى , والبين انك ممن لديهم القبول , ولومكانك كنت اتريث واضعهم الثلاثة فى محك الاختبار , واعرف كل شىء عنهم ويبقى لك حرية الاختيار للشخص الذى ارتحتى اليه ,وعلى العموم نحن فى انتظار راكب اخر يكون اكثر جرأة ويقتحم البيت من بابه ,دون انتظار او مراقبة او وشوشة , وعلينا ان نبارك ونحضر الفرح لنشارك اجمل فرحة .

أيامنا الحلوة said...

فيروز 2000
**********
الاتوبيس ده بركة ونمرته سرية لاسباب امنية خفية
ربنا يخليكي ويكرمك واتمنى تتابع ايامي الحلوة علطول

تحياتي