Wednesday, June 6, 2007

اطبخي زوجك


زوجك هو طبق اليوم
لتنعمي بحياة زوجية سعيدة

ضعي زوجك في قدر من الاهتمام والمراعاة وأوقدي عليه نار الحب والأشواق بس هدى النار شوية علشان مايتحرقش


واسكبي عليه من حنانك وعطفك بس خدي بالك عشان ميغرقش


ثم ملحيه بقليل من الابتسامة الدائمة وياريت تخليها خفيفة ومتكتريش... عشان ميقولش هبلة


ثم ضعي عليه شرائح من الفكاهة والمرح الخفيف وياريت متكتريش النتائج ممكن متكونش في صالحك


واوعي يدخل في المقادير شيء من الشك ممكن كده الطبخة تخرب كلها


ثم حركي المزيج بملعقة من الأعصاب الهادئة ومعلش بقى يابنتي اتحملي

بعد ذلك احكميه بغطاء من الثقة المفتوحة يعني موش الثقة العمياء خدي بالك!! ، الرجالة مش مضمونين اوي اديني قولت بقى وانتي حرة وقد اعذر من انذر
ملحوظة: الطبخة دي جتلي على الايميل فقلت لازم لازم انزلها عندي عشان الحلوين المتجوزين يطبخوها ويفرحوا ازوجهم .. والحلوين برضوا اللي مش متجوزين زي حالاتي يكتبو المقادير والطريقة في ورقة عشان لما يتجوزوا يطبخوها

24 comments:

سندباد said...

ههههههههههههههههههههههههههههههه
جميل اوي الكلام اللي ريحته حلوة ده بصراحة انا نفسي اتفتحت بس مش للاكل للحب تحياتي وتمنياتي ان كل اللي يقرا البوست ده يستفاد وربنا يجعله في ميزان حسانتك
انا صاحب اول تعليق

shahy said...

كلام جميل وربنا يقدر الواحدة وتعرف تنفذة
بس لو الراجل مااهتمش بعد كل دة
هيبقى يوم ماطلعتلوش شمس وربنا يستر

تحياتي

MaMaDo said...

اول ما قرأت العنوان قولت ده اكيد بوست ضد الرجل
و لكن لقيته محايد و كمان مؤيد له

بجد الوصف هيله و يا ريت المتزوجات تعمله و انا اضمن انه مفيش اكل هتحرق تانى

ابو العربى said...

الله الله الله كدة يبقى الجواز ليه طعم بس مش كل الناس الى تعرف تطبخ فى ناس فشله بتبوظ الطبخه
يارب ارزوقنى بزوجه طباخه

تحياتى

Eric Matt said...


ده انا انا مطبختش مراتي الاول في قدر مغلي من نار الحب والاشواق

تحياتي لك من ماناساس البلد

Anonymous said...

السلام عليكم

ههههههههههه

حلو طبق اليوم ده

بس فيه ناس نفسها مش حلو في الاكل

لا أخفي عليكي سرا
اول ما قريت عنوان البوست
افتكرتك حتقولي ازاى بيتم التقطيع والسلق والتحمير
وبالهنا والشفا
حاجة اقرب الي المرأة والساطور معلش بقي:D
انا نيتى وحشة
اعمل ايه

سلاماتي ليكي

Anonymous said...

سندباد
$$$$$$
ايه الهنا اللي انا فيه ده انت أول تعليق .. دايما كده سباق بالخير ..

اي خدمة عملتلكم بوست يرفع من روحكم المعنوية ويديكم أمل في الحياة .. ههههههه

تحياتي

Anonymous said...

شاهي
$$$$
منورة ياجميل .. انتي ابدئي بالخير واعملي اللي عليكي اطبخيه ياستي وهنشوف جوزك هيعمل ايه ولو منفعتش الطريقة دي بقى ليكي حق تعملي اي حاجة فيه عندك اكياس وسكانين كتير في المطبخ حقك بقى

تحياتي

Anonymous said...

MaMaDo
$$$$$$
فينك طولت الغيبة ..

انا برضوا اعمل بوست ضدكم ده كلام مش معقول ابدا معلش بتك على اسناني عشان ااكدلك يعني اني مش ضد الرجال !!!!!

تحياتي

Anonymous said...

ضد الظلم
$$$$$$$$
طبعا مش كل الناس اللي تعرف تطبخ بس يلا اديني بعمل ثواب فيهم وقولت على الطريقة وعليهم تظبيط المقادير .. وان شاء الله ربنا يرزقك بزوجة طباخة مش فاشلة وتبوظ الطبخة..

تحياتي

جروووووم
$$$$$$$
اخبارك ايه ياجروم .. ربنا يكرمك كده ياسيدي بزوجة صالحة..بتعرف تطبخ

تحياتي

mesh2dra
$$$$$$$$
وعليكم السلام.. كويس ان طبق اليوم عجبك

انتو دايما كده نيتكم وحشة الواحدة تعمل المستحيل عشان تسعد زوجها وانتو ولافايدةة فيكم ههههههههه ومفيش مانع اني اعمل بوست قريب برضوا عن تقطيع الزوج بالسكاكين والاكياس مالها المرأة والساطور اهي دي الستات ولا بلاش

تحياتي واتمنى التواصل

Anonymous said...

ليت كل الزوجات فى مهارتك (بالطبخ )

Anonymous said...

حامد
$$$$$
نتمنى ان تصبح كل الزوجات ماهرات في الطبخ قولوا اميييييييييين

تحياتي لك

Anonymous said...

ايه الحلاوه دي مش ممكن فكره ظريفه اوي اوي عزيزتي و بجد الكلمات بتحمل في داخلها الكثير من الفلسفه و لا تخلو من الظرف و ده في رأيي يحمل قمه الأقناع لما مانقولش اللي عايزينه في صيغه أمر و لكن في صيغه شبه اللي انتي كتبتيه هنا
بشكرك اوي عزيزتي علي مشاركتك لنا بالموضوع المميز ده و في انتظار المزيد دايما منك ماتتأخريش علينا بقه عشان بجد بجد بتوحشيني اوي اوي
:)))))

نقطة مية said...

اول مرة ازورك بس مدونتك اسمها شدني..و المدونة مخيبتش ظني لفيت فيها بعد اذنك و لقيتها واقعية و خفيفة دم و افكارك جديدة....
اما الطبخة بقى فأنا من الناس اللي هتكتبها
:-)
تحياتي

Anonymous said...

اجندة حمرا
$$$$$$$$$
نورتيني ياجميلة بتعليقك ... ويارب دايما كده مواضيعي تعجبك

تحياتي

نقطة مية
$$$$$$$$
اشكرك جدا على تعليقك ومرورك على ايامنا الحلوة واتمنى دوام التواصل .. واكتبي الطبخة بقى وابقي ادعيلي

تحياتي

•«ρяoιd»•™ said...

حلوه قوي الطبخه دي

يا ريت كل البنات يعرفوا يطبخوها

هههههههههههههه

تحياتي

أميرة البلطجية said...

عسولة يا شيرين..ميرسي على انك كتبتيني في مغامراتك مع المدونين..في الحلم
وعايزاكي بس تيجبيلي اسامي الحراس اللي زعلوكي دول عشان حبعتهم عند عمو البلطجي الكبير ورا الشمس
ربنا معاكي في الامتحانات يا جميل

Anonymous said...

داليا.. هههههههههههههههه حلوة أوي الطبخة ديه حتي بينه من رحتها.. ربنا يوفقنا في المطبخ يا بنتي وتطلع لسعة الحلة لإيدينا بفيدة.. "يارب يطمر فيهم"

تحياتي ليكي ولكل الطباخين

farfasha said...

حلوه اوى الطبخه دي
بس الرك برضه على النفس
انا عامله فكره جديده
ياريت تشاركيني فيها وتقوليلي رايك
بليييييييييييييييز

طهقان said...

كلام جميل


بس


اسمحيلي


اقول




مافيش فايدة

:)

سجدة said...

اوعدك ان اطبخها بس اتجوز

Anonymous said...

برويد
$$$$$$
امين ويارب ملهمتك تعرف تطبخهالك
تحياتي

أميرة البلطجية
$$$$$$$$$$$$$انتي تقصدي تعليقك ده في البوست اللي قبلو يااميرة واضح انك علقتي غلط وعلى العموم ياجميل انا يشرفني انك تكوني من ضمن احلامي

تحياتي

داليا
$$$$
ربنا ما يجيبش لسع ان شاء الله

تحياتي

فرفشة
$$$$$$
صح الرك على النفس ... ربنا يستر بقى

وهابقى ادخل عندك .. شرفتيني بتعليقك واتمنى التواصل

طهقان
$$$$$$
ياااااه انت فين ياراجل كل دي غيبة
بس احب اقولك ان الطبخة دي هتجيب فايدة خلي بس طهقانة تطبخهالك وهتنفع صدقني

تحياتي

سجدة
$$$$$
يااااااارب تتجوزي على القريب وتصبح زوجة ماهرة في الطبخ

تحياتي

Anonymous said...

حلوه قوي الطبخه دي بس خايفه ياختي بعد مااطبخهاميرداش ياكل ويطلع صايم وربنا يستر

Anonymous said...

سها
$$$$
متخفيش انتي بس اطبخي وملكيش دعوة ان شاء الله ياكلها على الفطار هههههه

تحياتي