Monday, April 27, 2009

تاج الصحراء



جالي تاج هدية من صديقتي المدونة العزيزة بوس بوس صاحبة مدونة الروح يااااااه بقالي كتير مجليش هدية من حد

ميرسي يا بوس بوس على التاج الغريب والعجيب ده وانا هجاوبك عليه حالالالالالالا

بم ان شعاري في الحياة خير الكلام ما قل ودل فانا هجاوب باختصار على التاج



س1) لو ماشي في الصحراء تخيل احساسك هيكون ازاي ؟متصورها ازاي؟و هتعمل ايه؟


صحراء يعني رمال وشمس وذئاب هعمل ايه بقى هحاول اهرب وراء اي جبل عشان بشرتي متتاثر من الشمس امال ايه انتي عارفة انا بخاف عليها ازاي


س2)لو ماشي في غابة احساسك هيكون ايه ؟ و هتعمل ايه لو لقيت نفسك فيها؟


ماليش في المغامرات دي بس لو حصل يعني اتمنى مشوفش قدامي أسد ولا نمر ولا تعابين


س3) لو لقيت صندوق فى الصحراء هتحاول تفتحة ولا ؟ ولو فتحتة تتخيل هايكون فية اية؟


لا مش هحاول افتحه لحسن يكون فيه قنبلة .. هو العمر بعزقة


س5)لو لقيت حصان فى الصحراء تفتكر هايكون لونة اية؟ وهتركب ولا هتسيبة وتمشى؟


يااااااااااااااه حصان فينه من زمان ده انا نفسي اركب حصان اوي وخصوصا انه هيجيلي في وقت صعيب ده انا في صحراء ياناس وياريت يكون لونه تيركواز


س6) لو لقيت سلم فى الصحراء هتعمل اية؟ هتاخدة معاك ولا هتطلع ولا هاتسيبة وتمشى ولا اية؟


ممكن استعين بيه واخدوا معايا


س7) لو لقيت ماج فى الصحراء تفتكر هايكون شكلة ازاى؟ وهتعمل بية اية؟


ممكن يكون ماج فخار بس اكيد شكله هيكون وحش ومش نظيف خالص وبالتالي انا مش هلمسه


س8) لو كنت ماشى فى الغابة ولقيت أسد هتعمل اية؟ هاتجرى ياترى؟ ولا هتهاجم ؟ ولاهاتقف مكانك ولا اية؟


لا انا ولاهجري ولا هعمل اي حاجة لاني مش هلحق انا هيغمى عليا او ممكن اموت من الخضة


س9) لو مشيت فى الغابة ولقيت بحيرة ياترى فى تخيلك هاتكون شكلها عامل ازاى؟ وهتعديها ولا ؟


ياااااااااه بحيرة في الغابة اكيد هترعب اكتر من كتر التماسيح اللي هتكون فيها


س10) لو شفت سور فى الصحراء على شرط انة مرتفع قوى وطويل قوى قوى هتعمل اية ؟ هتمشى معاة وتشوف اخرة؟ ولا هتحاول تكسرة ولا هتعمل اية؟



خير .. مش انا معايا سلم من الاول هطلع عليه بقى واكيد هشوف العالم والبشر


هيييييييييييييييييييييييييييييهها
ويبقى جيم أوفرررررررررررررررررررر

4 comments:

Anonymous said...

من المدونات الظريفة

الجملة اللي فوق دي ملهاش معنى

عموما تحياتي

Eric Matt

أيامنا الحلوة said...

غير معرروف
**********
اهلا بيك لوني مش فاهمة ايه الجملة اللي بتقول عليها

تحياتي

Wish I were a Butterfly ... said...

في الأول عجبني أوي فكرة التاج وفكرت بصراحة أسرقه
:$
بس بعدها لقيتني بفكر في حاجة تانية!! وهو إن أكتر من سؤال في التاج دة كانوا في اختبار نفسي بحبه أوي بس مكتوبين بطريقة تانية شوية
بس برده لذيذ، واجاباتك لذيذة عشان انت أصلا بنوتة لذيذة

بس عارفة؟؟عمري مااتخيلت الحصان التركواز:). بس أول ما قرأت الكلمة حسيته هيكون شكله كرتوني كدة عليه قوس قزح صغير أو حاجة:)مش مجرد حصان سهل وخلاص
وحشتني مدونتك أوي أوي

bos bos said...

حمدالله على سلامتك

بعد رحلتك فى الصحراء والغابة والأسود والنمور حمدالله على سلامتك يا جميييييييييييل

:))