Wednesday, June 18, 2008

الرجل والمرأة


المرأة هي أسرة ووطن


الرجل الأمان والقوة


المرأة رقيقة وهي أنثى


الرجل عظيم وهو رجل


المرأة دفئ وحنان وسكن


الرجل أمان وقوة وعطف


المرأة صبر ممزوج بعطاء بلا توقف


الرجل حدة ممزوجة قوة وعطف بلا توقف


المرأة ليست جميلة وهي تؤدي دور الرجل


الرجل لا يبدو وسيماً وهو يؤدي دور المرأة


المرأة دمعة


الرجل أرق من تلك الدمعة ولكن خلف أسوار وقلاع وحصون


المرأة سر سعادة المنزل


الرجل سر سعادة الكون


المرأة تصون عندما لا تخون


الرجل يخون عندما لا يجد من يصون


المرأة تتحدث ليسمعها الرجل


الرجل ينصت ليسمع ما تقوله المرأة


المرأة ابتسامة


الرجل الفنان الذي يرسم تلك الابتسامة


المرأة اليد اليمنى للرجل


الرجل أصابع تلك اليد اليمنى


المرأة أقوى من الرجل بعذوبة أنوثتها


الرجل أقوى من المرأة بعنفوان رجولته


وأخيراً المرأة و الرجل عظماء وهم يؤدون دورهم بلغة التفاهم والصدق والحب .. اللغة التي لا يفهمها سواهما

23 comments:

في حب مصر said...

حلوة قوووووووووووووي التعبيرات دي يا شيرين..
الحياة ما تنفعش من غير اجتماع الرجل والمرأة.. لكنها قد تصبح جحيما.. وقد تكون جنة.. والطرفين يتحملان المسؤولية..
المرأة: حنان رقة عذوبة أنوثة ابتسامة عطف حب عاطفة
الرجل: التزام مسؤولية اخلاق رجولة كرم نبل شجاعة

اذا اجتمعت هذه الصفات في الطرفين فالنتيجة حتما هي السعادة.. ولكن هل تجتمع كل هذه الصفات؟؟؟؟؟؟؟

تحياتي يا شيري

A long distance said...

بجد بجد
كلام جميل اوي
انا الكلمات عجبتني جدا
كفايه مصداقيتها
والصفات دي
لما تتحقق في الاسره
يبقى بيت سعيد جميل

أيامنا الحلوة said...

في حب مصر
*********
عشان الصفات دي تجتمع في الطرفين لازم كل طرف يعرف واجباته نحو الطرف الاخر ويكون عندهم الرغبة فعلا في تكوين اسرة صالحة سعيدة يتخللها الود والاحترام

تحياتي

أيامنا الحلوة said...

A long distance
*****************
فعلا لو الصفات دي تحققت في الرجل والمرأة هيكونوا اسرة سعيدة جدا والاهم ان الطرفين يكون عندهم الرغبة في كده وكل واحد يعرف دوره وحقوقه وواجباته ايه ناحيه الطرف الاخر

تحياتي

ولــــــــــو said...

ياسلااااااام اية الدرر دي
بس نسيتي اهم كلام اتقال على الراجل والست
الكلام ده اتقال ف فيلم اجازة نص السنة
كان المرحوم على كاكا جوز سنية الله يرحمها كان بيقول
ان الجنس الخشن خشن
والجنس الناعم ناعم

فلسفة وجودية من الطراز الرفيع يا جماعة

تسلم ايدك بجد
عجبني اوي ان المرأة دمعة والراجل ارق منها بس ورا اسوار وقلاع

جامدة جدا

NilE_QueeN said...

حسيت بعدل كبير ف وصفك للرجل والمرأه


دى اول زياره لمدونتك وان شاء الله مش هتكون الاخيره

اتمنى تشريفك ليا

أنا حر said...

الرجل لا يكون رجل الى بوجود المرأة
والمرأة لا تكون انثى الا في وجود الرجل
تحياتي

أيامناالحلوة said...

ولو
****
صح الخشن خشن والناعم ناعم ... فلسفة من الطراز الرفيع فعلا

ربنا يكرمك ودايما منورني طبعا
تحياتي

أيامنا الحلوة said...

NilE_QueeN
***********
منوارني في اول زيارك لك لمدونتي وان شا الله دايما

وعندك حق فعلا الوصف للرجل والمراة هنا يتمتع بالعدل بينهما .... بس مش انا اللي كاتبة الوصف انا قريته باحد المواقع والوصف عجبني بشدة ونزلته عندي عشان الكل يقرأ

تحياتي

أيامنا الحلوة said...

أنا حر
**********
فعلا الرجل لايكون رجل الا بالمراة والمرأة لاتكون انثي الا بالرجل وكلاهما لايستطيع الاستغناء عن الاخر

تحياتي

Soooo said...

حلوه قوي الحاله دي
حالة تعاون فعلا
وفعلا لو كل واحد منهم عمل دوره بحب واخلاص هتبقى الحياه اخر نزاهة وصباحو نجف


----
المرأة دفئاً وحناناً وسكن

اعتقد انه الادق لغويا انها تبقى
المرأة دفئٌ وحنانٌ وسكن

لانها خبر والمرأة مبتدأ

نفس الحكايه مع
الرجل أماناً وقوة وعطف
الرجل أمانٌ وقوة وعطف


هذا والله اعلى واعلم



سلامووووووووووز

دعوة للحب said...

جمييييييييييييييييييييييلة اوى انا مش عارفة اوصف كلامك باية بس انتى وصفتى المراة صح والرجل صح

عارفة لو كل راجل فهم الصفات دى صح وكل امراءة كمان مش كان فى مشاكل ابدا

تحياتى ليكى

أيامنا الحلوة said...

سووووووووووو
***************
فعلا لو تمت حالة التعاون دي هتكون العيشة فلة وصباحو نجف على رايك
اما موضوع النحوي ففعلا عندك حق هي دفئ وحنان مش دفئا وحنانا وواجب الاعتراف بالخطأ والتصحيح فورا

منورني ياسووووووووووووو ويارب دايما

تحياتي

أيامنا الحلوة said...

دعوة للحب
*********

عندك حق لو كل طرف فهم الكلمات دي صح وعرف ايه حقوقه وايه واجباته مكنش يحصل مشاكل بالشكل ده ومعدلاته الطلاق كل يوم في العلالي

تحياتي

نهياوية said...

ياسلام ياسلام علي الحكم
ايه ياناس انا دخلت اكيد مدونة افلاطون
والله ياشيري الكلام ده حلو بس مين اللي بينفذ ولا في الحاجات دي

أيامنا الحلوة said...

نهياوية
*******
والله نتمنى انه يتنفذ ويسود الود والمحبة والاحترام بين الازواج
منوراني ياهوبة كعادتك

تحياتي

الفراغ said...

سلام عليكم
ايه الكلام الجميل ده
فكرتينى بالذى مضى
عارفه احلى كلام ايه...لو لم يوجد رجل ..لما وجدت مرأه
زوجى الله يرحمه...كان نسمة الحنان كان بئر العطاء كان شمس قلبى وضله وحب العمر كله
هو دا الرجل والمرأه
ربنا يسعد الجميع
مع تحياتى

أيامنا الحلوة said...

الفراغ
******
وعليكم السلام ربنا يكرمك منوراني في اول زيارة ليكي في أيامي الحلوة
الله على كلامك عن زوجك الله يرحمه ياريت اسمع من الكلام ده كتير لان فعلا الايام دي الناس المتزوجة بيعقدونا

تحياتي واتمنى مداومتك على زيارة ايامي الحلوة

Soooo said...

ايه ده؟؟

هو مافيش جديد ليه؟؟

لا كده ماينفعش
اتصرفي

الا قوليلي .. البقدونس ولا الجرجير اللي جبتيه .. طلع شغال ولا برضه نفس سكة الفاكهة؟؟
نرجو الافاده




سلامووووووووووز

ايامنا الحلوة said...

سوووووووو
**********
والله ياسووو السواق نايم ومش لاقيه حاجة اكتبها ربنا يسهل
تصدق البقدونس اللي اشتريته طلع حلو ومش اتنصب عليا فيه ومن هنا ورايح هغير اتجاه حياتي وهخليها سلطة يعني مش هشتري غير بقدونس وطماطم وخيار واعمل طبق سلطة يرد الروح

تحياتي يا سوووووووووووو

بــــ الخطاب ــن said...

المرأة خلقت مرأة والرجل خلق رجل وأحدهما دون الأخر كجهاز الكمبيوتر دون الشاشه.
بالحب تتحقق الأحلام وتبنى الأمال وترسو الابتسامات على الشفاه.
بالحب يكون العالم مختلف.

أيامنا الحلوة said...

بن الخطاب
********
اهلا بيك في اول زيارة لايامي الحلوة وفعلا وصفك صحيح للمرأة والرجل
وصدقت بالحب يكون العالم مختلفا
تحياتي

Wish I were a Butterfly ... said...

كلامك جميل أوي أوي
عجبني جدا خصوصا "المرأة دمعة، الرجل أرق من تلك الدمعة ولكن خلف أسوار و حصون" و إن الرجل هو الفنان الذي يرسم تلك الابتسامة التي تبتسمها المرأة

بجد روووعة ماشاء الله. حبيت كلامك أوي. فيه نوع من التوازن في الحياة لما كل واحد يقوم بدوره صح. ولو كل اتنين طبقوه في حياتهم كانت الدنيا اتغيرت كتير فعلا ياشيري

تحياتي كتير أوي :)