Sunday, August 5, 2007

تاج البرنسيسة

واحد تاج هنا ياواد يابلية من قلوب حائرة وتاج كمان هنا من بوسي كات

وسع وسع وسع التاج جااااااااااااااااى

اسم مدونتك؟


أيامنا الحلوة



لماذا اخترته ..وماهي نيتك من وراء اختياره؟



دعوة للتفأول لا للتشأول على رأي السيد عمرو موسى




هل فكرت في إغلاق مدونتك؟ والسبب؟



بصراحة فكرت ... السبب ان جه عليا وقت دماغي فضية خالص ومش عارفة اقدم شئ جديد ومفيد وفي نفس الوقت خفيف ... مع اني عارفة انه لا يأس مع الحياة ولا حياة مع اليأس

صورتك في المدونة ورمزيتها ؟



صورة طفل قمر .. عجبتني الصورة ونزلتها عادي يعني

لماذا دخلت عالم التدوين من الاساس؟



دعوة لقتل الفراغ مع سبق الاصرار والترصد




جمله قيلت لك فى وصف مدونتك؟



امممممممممممممممم.... أسلوبك شيق يلا شدي حيلك و اعملي مجموعة قصصية اسمها ايامنا الحلوة



التعليقات بالنسبه لك ,اهميتها؟



ليها اهمية كبيرة عندي لانها هي اللي بتحسسني بايامي الحلوة

احلى بوست كتبته ...ضع اللينك , ثم اذكر لماذا؟



اممممممم.. طب ليه الاحراج ده بس بجد مش عارفة ايه احلى بوست كتبتوا
ممكن احط لينك بوست حلو ودوا خفيف شوية
الاتوبيس ... لانو حصل فعلا وكنت في غاية الخنقة بجد وبعدين لقيت نفسي بكتبوا بكل حيوية

أفضل بوست قرأته؟ وضع لينكه؟



بصراحة الخير كتيييييييييير ... في ناس بجد ما شاء الله دماغهم تحفة جدا وعجباني مووووووت

أفضل مدونة قرأتها؟

كل المدونين بيهربوا من السؤال ده عشان محدش يزعل مع اني شايفة انو مش يزعل مش معنى انك تختار مدونة من وسط مدونينك اللي بتحبهم يبقى الباقي اي كلام بقى لا طبعا
بصراحة انا بحب مدونات كتير بس اكثر اسلوب ساخر بيعجبني هو مدونة
أبو العر بي بتحدث



حد قل ادبه فى التعليق إيه رد فعلك؟



لا الحمد لله ,,,, معنديش حد قليل الادب




أسوأ مدونة؟

اي مدونة بتتكلم باسلوب خارج عن العرف والدي والاخلاق بالنسبة لي سيئة جداااااااااا واتمنى بترها من على النت

أسوأ بوست أسوأ مدون؟



اي بوست خارج عن الاخلاق والدين



هيحصل ايه لإيميلك لما تموتى ؟



هيموت معايا


اديتى الباسوورد لحد قبل كده؟



لا




كانت إيه طبيعة علاقتك بيه؟



ماقولنا لا هي صورة



اسمك ؟



ايه السؤال اللي جاي متأخر ده... اسمي شيرين

اسم مشهور ببيه وسط اصحابك؟



بين صحباتي المقريبن اسم شهرتي البرنسيسة بس محدش يقول لبابي اصلي انا صعيدية ولو حد حد خبر من البلد اهلي يجطعوني يابوووووووووووي


عمرك؟




لحد اللحظة دي 23 ولكن بكرة ان شاء الله هيبقى 24
وباب المدونة مفتوح لتقديم الهدايا


برجك ؟



اوعى وشك انا بلا فخر برج العنطظة والفشخرة بس انا مش كده واللهي
برج الاسد



دراستك؟ مجالك؟



الاعلام والصحافة



شخصيتك نوعها إيه؟



اجتماعية واحيانا انطوائية




السفر بالنسبة لك؟



تغيير جو ... الواحد بيعمل ريفريش على حياته كده بدل الملل



وقت فراغك بتعملى فيه إيه؟



بناااااااااااااااااام خخخخخخخخخخخخخ

المود بتاعك؟



مرحة وواقعية

الاكلة المفضلة؟



الله ما طولك ياروح .... ايه الاسئلة الغريبة دي بس
هتجوعونا ليه بس

انا بلا فخر مبقولش لا لاي أكل بس أكتر حاجة بنهار قدامها المسقعة ولازم يكون فيها فلفل نار


الصفات اللي أخدتها من بابا؟



الحنية والواقعية



الصفات التي أخدتها من ماما ؟



الاعمال المنزلية




اكتر ست حاجات بكرهها؟



الخيانة
الكدب
التكبر
النكد
الملل
التظاهر بالتدين



اكتر ست حاجات بحبها؟




اولا الله سبحانة وتعالى ورسوله
ماما وبابا
اخواتي
اصحابي وطبعا انتو عارفين اثنين منهم انتختي وانتكتي
الصراحة
التواضع

الشغل بالنسبة لك؟



اسرتي الثانية ... وصحبتي الصالحة اللي ربنا كرمني بيهم
الشغل حياة تانية بلاقي نفسي فيه



التاج ده بقى من
بوسي كات


انت مين ؟



انا الملامييييييين ... انظر لفوق هتلاقي الاجابة ولا اقولك انت لسه هتطلع تاني انا شيرين



مين اكتر 6 اشخاص بتحبهم ؟



لا بقى اطلع لفوق المرة دي هتلاقي الاجابة


انت سعيد ؟

الحمد لله

لو اجتمعت انت وحسنى مبارك فى غرفة واحدة ؟



اصلا ايه اللي يخلي مبارك يتنازل ويتواضع ويقعد معايا في غرفة واحدة ده على اساس اني بعد الشر بعد الشر مرات ابنو ولا ايه
ما علينا لو حصل هقولوا انزل شقر على شعبك بنفسك وشوف حالتوا عاملة ازاي وياريت تطلع رحلة للاماكن العشوائية اكيد هتبقى رحلة جنان ونفسيتك هترتاح

لو معاك مليون ونص جنيه .. تعمل بيهم ايه ؟



مش عارفة بس هسأل ماما وبابا نفسهم في ايه واحققهولهم .. يعني هطلعهم حج واكيد هتصدق بجزء من الفلوس دي والباقي هجيب عربية واحاول احقق لاخواتي اللي هما عايزينه

بتحب مصر ؟

مصر دي أمي

بتحب البنات /الاولاد ؟



البنااااااااااااااات

انت مسلم ؟



الحمد لله

ليه ؟



انا بشكر ربنا واحمدوا كل يوم اني مسلمة


مين اكتر شخصية متقدرش تستغنى عنها فى حياتك ؟ وليه ؟

بابا وماما ..... لانهم هما حياتي نفسها ربنا يخليهم يارب ويحفظهم من اي شر

ايه اكتر موقف محرج اتعرضت له فى حياتك ؟ واتصرفت ازاى ؟



مرة واحدة صحبتي ركبت الميكروباص كنت انا راكبة فيه بس انا كنت راكبة قبلها وبعدين انا مكنش معايا فلوس غير اجرتي انا بس فبدفع عادي لقيتها بتحلف عليا وبتقولي واللهي ابدا دخلي فلوسك في شنطنك وكده وفعلا دخلت فلوسي في شنطتي على اساس انها هتدفعلي بقى والافلام دي .. بس لقتها دفعت لنفسها بس بعد ما حلفت عليا ولمت عليا الدنيا في الميكروباص فبقيت محتارة لانها حلفت عليا ومدفعش وهي كمان مش دفعتلي اصلا المهم لقينا السواق بعد شوية بيقول في اجرة واحد ناقصة اكتشفت انها كانت بتحسبني بدفع لها هي عشان كده حلفت عليا مدفعش لقيت البنت وشها احمر جدااااااااا لان هي كمان مش معاها فلوس تدفعلي
فقالتلي بكل خجل ادفعي انتي انا مش معايا فلوس تصوروا الموقف محرج بطريقة فظييييييييييييعة

عادي بقى دفعت ونزلت وانا بنشف عرقي والبنت كانت هتموت من الاحراج



ايه الامنية اللى بتدعى ربنا دايما انه يحققها لك ؟



حاليا اللهم بلغنا رمضان وانت راضي عنا ... اللهم ارزقني زوجا صالحا


تمرر التاج ده لمين ؟














ولكل اللي بنوروني في أيامي الحلوة

23 comments:

Doba said...

يلا حالن بالن بالن هنو ابو الفصاد - هيكون عيد ميلاده الليله اجمل الاعياد

ده انتى لازم لازم تتباسى من يوسف النهاردةاممممموووووووواااااا

عقبال 100 سنة بجد وكل سنة وانتى سعيدة ومبسوطة وفرحانة ودمك زى السكر يارب دايما وتعيشى فى ظل والديكى الأعزاء وبصحبة أصدقاءك الغاليين - ونظل دائما أحباء فى الله

تحياتى -- هبة

Anonymous said...

يالهوووووووووي على السكر ياناس عملالي عيد ميلادي على النت وفي مدونتي كمان ايه بس الهنا اللي انا فيه ده

واحلى هدية في يوم مفترج زي ده من يوسف حبيبي قلبي ربنا يخليهولك يااااااارب ويحفظوا

وربنا يخليكي ليا ياقمر ويحفظك انتي وزوجك وابنك يااااااااااااارب

تحياتي وقبلاتي للولد يوسف

صاحب البوابــة said...

اجابات جميلة

وكل عام وانت بخير

وعقبال مليون عام

تحياتي

Anonymous said...

صاحب البوابة
$$$$$$$$$$$$
وانت بخير

ربنا يكرمك يارب

تحياتي

Sally said...

اجباتك حلوه اوي
وكل نه وانتي طائعة ياشرين

mo'men mohamed said...

ماشى يا برنسيسة
جزاك الله كل خير
السلام عليكم

shahy said...

انتي بسيطة وجميلة قوي يا برنسيسة
وكل سنة وانتي طيبة وعقبال 84 سنة اعتقد حلوين وهايبقوا كفاية

تحياتي يا سكرة

Eric Matt said...


الحمدلله

ألف مبروك أولا وكل عام وانت بخير وعقبال مليون سنة

الحمدلله تاني اني جاوبت التاج ده قبل كده تقريبا مفيش تاج مش عدا عليا

وانا مقبرة التاجات طبعا ومش بباصي لحد

انا بقا حتم 25 قريب قوي كلها كام يوم بالظبط

بس المرة دي مختلف لأني حكون في مصر :)

تحياتي لك من ماناساس البلد

وفاكرك يا ناسيني

Anonymous said...

بالله المستعان
***********
ربنا يكرمك يارب ... وانت طيب

تحياتي

mo'men mohamed
***************
وجزاك خيرا

تحياتي


shahy
*****
انتي الاجمل .... ربنا يخليكي ياحبيبتي يارب وياستي 84 سنة كويسين وكفاية اوي

تحباتي ياقمر

جروم
****
الله يخليك ياجرووووم .... وكل سنة وانت طيب وعقبال مليون سنة ومنور مصر بجد واحلى حاجة ان عيد ميلادك بتقضيه هنا وسط ناسك وحمد لله على السلامة باجروووم

ومعلش انا عارفة اني مقصرة بس ظروف واللهي

تحياتي

truelove said...

شوشو تؤام الروح كما يحلو لي ان اناديكي طبعا التاج لم يضيف ليا عن شخصيتك الكثير وده لاني
ممكن اكلمك عنها اكتر منك وللامام ياروح قلبي ويااااااااااااارب قبل السنة الجاية اكون فرررررررررحانة بيكي انتي والبت اميرة اللي هي الانتيكة بتاعتك والانتيخة بتاعتي

اسلام رفاعى said...

عذرا للتحليق خارج السرب
من اجل رفع الظلم عن المظلومين
ادعوك للمشاركة فى حملة رفع اظلم عن طلاب الاسكندرية المختطفين
التفاصيل بمدونتى

سندباد said...

مبروك التاج
اجابات جميلة

ابو العربى said...

شرين يا رفعه معنوياتى

معلش مش هعرف اخد التاج عشان عندى كلو فى دماغى

اجاباتك غايه فى الروعه وربنا يوفقك

تحياتى

Eric Matt said...


ربنا يكرمك ويوفقك

انا عارف الظروف يا ستي ولا يهمك

عموما تحياتي لك من كايرو البلد

ولــــــــــو said...

ايه ده انا لسه ماعلقتش لغايه دلوقت
هو ايه حكايه التاجات اليومين دول كل مااخش على مدونه الاقي تاج كومبو اقعد اقرا ومش عارف اعجب بايه ولا بايه كلامك حلو اوي ودماغك جميله جدا ودمك زي العسل والموقف المحرج موقف زباله الصراحه
وطبعا اتمنى ليكي كل الخير وربنا يوفقك
اسف على التأخير

juliet said...

انا جيت متاخره اجاباتك غايه فى الروعه والجمال
ياريت تزورى مدونتى وتقولى رايك
سلامات

Anonymous said...

قلوب حائرة
$$$$$$$$$$
ما هو ده اللي مجنني انتي عارفة عني كل حاجة ليه يابنتي التاج عملتلك ايه بس
يلا على العموم كل تاج وانتي طبية ياجميل

تحياتي

سندباد
$$$$$$
الله يبارك فيك عقبال عندك ياسندباد
تحياتي

ضد الظلم
$$$$$$$$$
بقى كده بتهرب من التاج بعد ما عملتلك داعية تسوى الوف مؤلفة
ماشي يابو العربي لن انسي لك هذا الموقف على راي محمد صبحي في مسلسل ونيس

تحياتي

جرررررم
$$$$$$$$
ربنا يكرمك يارب ياريت بقى تنزل حاجة عن اجازتك في مصر وعملت ايه فيها تحياتي لك من كايرو بردو

ولو
$$$
عندك كام ساعة تاخير مخصوم منك ..... ولا اقولك خلاص سماح المرة دي .... معلش بقى هي موجة تاجات ودايرة على الكل
وبالنسبة للموقف بتاعي فربنا ما يوريك زيو ابدا

تحياتي ومتتاخرش تاني لو سمحت المرة الي جاية فيها خصم وانا كلمتي متنزلش الارض ابدااااااااا

جوليت
$$$$$
يامرحبا يامرحبا نورتي ايامي الحلوة ويارب دايما
وهدخل عندك ان شاء الله

تحياتي

Ahmed Mubarak said...

إجاباتك دبلوماسية..بس جميلة مع ان بعضها مش واضح علشان ناس متزعلش
:)

catroz said...

كل سنه و انتى طيبه
:D

سجدة said...

هدية يوم ميلادك (:)
اى خدمة يا ستى
بس ايه الموقف الفظيع دا
موقف محرج موت الصراحة
لو شوفتى البنت دى تانى فى اى ميكروباص اركبى غيره يا ستى

احساس لسه حى said...

عزيزتى
اول شئ انتى تدعى للتفاؤل وعاوزه تقفلى مدونتك علشان دماغ فاضية تفائلى تتملى
ومقولتيش اى نوع تعليقات بتريحك لو عارضتك هتحبيها برضوا
طبعا جرئه منك تختارى افضل مدونه بس ده المفروض نكون صرحاء دائما
بس اخس مكملتيش صرحتك باسوء مدونة
ولا متحبيش الفضايح والهجوم على حد
انتم صعيده بس سموكى ازاى شرين
صعيده تيوانى بقه
كل سنه وانتى طيبه بقه
وخفى الفلفل على اد ما تقدرى
انا متصورش حد يجتمع مع حسنى مبارك ويقول الكلام اللى بتنقوله دايمن
الراجل ده ليه هييبه
على راى هنيدى
اما الفلوس محدش يعرف هتكون جايه بخيرها ولا بشرها
والموقف محرج اوى
بس كلنا بنقدر صح
تحياتى
سلام

Doba said...

يا أهالى البلوجات الكرام
طم ططم طم طم

أسمعوا وأعوووووووووووو
لقد قمنا بنشر الفصل الجديد - للقصة المجنونة والجوهرة المدفونة - كشف المستور - وعلى الحاضر أنه يعلم الغايب بحضور المدونة لقراءة القصة وكتابة التعليق - وعلى كل زاير انه ميدخلشى الا برجله اليمين ويجيبلى حاجة حلوة قوى فى ايديه

يا اهالى البلوجات الكرام
مستنياكم كلكم

تعالوووو زوروووووونا
باى باى
دوبه

Anonymous said...

أحمد مبارك
$$$$$$$$$
منورني في ايامي الحلوة بس انا جاوبت بكل صراحة

تحياتي

catroz
$$$$$$
وانت طيبة
تحياتي

سجدة
$$$$
انتي فينك يابنتي مش ظاهرة ليه على الساحة منوراني وشكرا على الهدية
والموقف عايزة اقولك ان كل ماافتكروا ببقى في نص هدومي

تحياتي

احساس لسه حي
%%%%%%%%%%%%
ايه ده كلو انت فصصت كلامي كلمة كلمة سعيدة بتعليقك ومنورني دايما

تحياتي