Saturday, July 21, 2007

المترو مفخخ


المترو ذنبه إيه عشان يفجروه معملهمش حاجه ياناس ده مجني عليييييييييه..

المترو بتاعنا جامد مين ده اللي يفجروا لوحد منه قرب والله نكهربه... واييييييييييييييييييييييييييييييييه


ااااااه ياأيامنا الحلوة ياصغننة ياااااااااااااااااااني عمرك هيروح هدر يااااااااحبيبتي ....
معلشي ياجماعة اعذروني بعدد على نفسي اصلي منهارة شوية لاني انا واحدة من البشر الرهيب اللي بيركب مترو الانفاق في الرايحة والجاية ............ أهئ أهئ أهئ .... المترو مفخخ

ياخسارة مدونتك الحلوة وأيامك هتوحشوني ياقرائي أمانة تقرو الفاتحة كل ما تفتحوا المدونة أهئ أهئ أهئ

ده كان حالي أول ما سمعت خبر التهديد بتفجير مترو الانفاق بس اول ما سمعت اغنية شعبولا بتاعت المترو وهو نافش ريشو وبيقول باعلى صوتوا .. المترو بتاعنا جامد مين ده اللي يفجروا لوحد منه قرب والله نكهربه واييييييييييييييييييييييييييييييييه ..... عادت فيا روح الشجاعة والقوة ..... غير مجرى حياتي اااااااااااه عظيمة يامصر ..... وشعبك دايما صامد .. أي واللهي صامد

انا عارفة ليه مهددوش بتفجير منخير ابو الهول انا كنت سمعت ان منخيروا مضايقة ناس كتير يعني ملقيوش غير المترو اللي بيركبوه كل الغلابة اللي زيي ما هو انا لو من صفوة المجتمع مكنش ده كلو يجرالي كان زماني معايا العربية الربع متر بتاعتي لالالا اقصد العربية العشرة متر بتاعتني

بصراحة شعبولا كتر الف خير تواضع وركب المترو مع الغلابة عشان يقول للشعب متخفوش المترو جامد محدش هيفجروا ودعا فنانين مصر لترك سيارتهم واستقلال مترو الأنفاق لطمأنه المواطنين .... فرصة الواحد يمكن يقابل عمرو دياب ولا حتى عائشة الكيلاني في المترو

طبعا انا و
انتكتي وانتختي كل يوم بنركب مع بعض مترو الانفاق واحنا رايحين نركب شوفنا واحد لابس ملكي كده عمال يفتش الناس وهي نازلة المترو واول ما قربنا ناحيتو قالنا لحظة ياانسات ممكن تتفتشوا رحت انا بقى اول واحدة رفعت حواجبي ووقفت كده بقلب جامد ورحت فتحت الشطنة وقلتلوا حاضر يابييييييييييييه بريئة اتفضل فتشني فتش .... قام الراجل فتش بزمة.. مسبش ولا شنطة وراح قايلنا انا اسف انا مكسوف واللهي وانا بفتش الناس كده بس دي التعليمات ... مكدبش عليكم عنيا دمعت الراجل صعب عليا رحت قولتلو لالالالالا براحتكم يافندم انتو الحكومة محدش يقدر يقولكم لا وبعدين اللي بتعملوه ده في مصلحتنا ارجوك ارجوك تفتش الشعب كويس كويس اوي وميغركش انو شعب غلبنان وكده لا ده في ناس لائيمة راح قالنا احنا في خدمتكم يافندم
وركبت المترو وانا ركبي بتترعش وايدي سقعت فجأة كده قلت اااه ياشيرين لو الحظ يلعب معاكي والمترو ينفجر دلوقتي بيضالك في القفص هتموتي شهيدة يابت .... وتعدي محطة ورا محطة والاقي نفسي وصلت محطتي تحيا مصر... وتحيا الشرطة ...ال يفجرو المترو ال ... ده كلام ياناس
بس خليكم في انتظار مفاجأة اكبر من تفجير المترو اصل احنا كده لما بنحب نعمل مصيبة لازم نلهي الناس بحاجة الاول عشان المصيبة تيجي خفيفة ........... ربنا يسترها بقى دعواتكم وفي الاول والاخر الشرطة والشعب في خدمة الوطن
وتحيا مصر

15 comments:

mo'men mohamed said...

يفجرو ايه ؟
المترو
ده على جثتنا
قال يفجروه قال


والله العظيم احنا شهب هياف وتمتع برصيد عالى جدا من التفاهة وده شيىء يخلى الواحد يبكى وحسبى الله ونعم الوكيل فى كل من ساهم فى تلك التفاهة
وحسبى الله ونعم الوكيل فى كل من شارك فى إرهاب أو إرعاب إنسان ضعيف
السلام عليكم

Anonymous said...

mo'men mohamed
$$$$$$$$$$$$$$$
ايوه كده عايزة همه حسبن كويس لحسن انا هفرقع من الغيظ الناس واللهي مرعوبة بشكل فظيع منكم لله ياللي قي بالي

تحياتي

Doba said...

على فكرة ناس كتير حقيقى بطلو يركبو المترو من كتر خوفهم - أهى برده مصلحة علشان الدنيا متبقاش زحمة برده

بس انا زيك برده متوقعة حاجة تكون قوية قوى فى مكان آخر والله أعلم طبعا

بس والله صعبانيين عليا قوى وأوقات بقول أهم طيبين ويستاهلو - يشتغلولهم شوية بدل قعدتهم على طول فى الضل وحبة منهم بيبقى قاعد يشرب شاى وحاجة ساقعة حاجة ساقعة

يلا يقما يظبطو الدنيا يقما الواحد يموت شهيد زى مقولتى وفى الحالتين مصلحة

سلالالالالالالالالالالالالالاموز
هبة

Anonymous said...

للأسف ما فيش غيره .. ما اقدرش الاقي وسيلة مواصلات مناسبة زيه .. واحنا وحظنا .. يا نوصل بيتنا يا نموت شهدا

أنتيختك : أميرة

Anonymous said...

دوبا
$$$$
تصدقي ياهوبه مجتش في دماغي المصلحة دي فعلا ان الناس ابتدت تقل ودي راحة لامثالنا عشان المترو يبقي رايق ومش زحمة كالعادة

تحياتي وان شاء الله دايما المترو رايق بس من غير تفجيرات

انتختي أميرة
%%%%%%%%%%
احبك وانت شجاعة وفاردت دراعاتك كده
ربنا يرزقنا الشهادة ياااااااااااارب

تحياتي

سندباد said...

بلد بتاعة اشاعات صحيح

ولــــــــــو said...

خليكم في انتظار مفاجأة اكبر من تفجير المترو اصل احنا كده لما بنحب نعمل مصيبة لازم نلهي الناس بحاجة الاول عشان المصيبة تيجي خفيفة ...........

كلام كبير الصراحه يدخل الكلام
كلام فلاسفه ده ولا نظام اسأل مجرب
ربنا يستر
الحمد لله الذي عافانا مما ابتلى به غيرنا

Anonymous said...

سندباد
%%%%%%
ربنا يسترها بقى ومتتطلعش اشاعات ياسندباد لحسن شكلنا هيبقى وحش اوي ... لالالا شكلنا ايه بقى ده لو حصل بجد التفجير اللي بيقولوا عليه ده مش هيبقي في شكل ولا اي حاجة خااالص

تحياتي

ولو
%%%%
كلام اسال مجرب...... وربنا يسترها

تحياتي

Eric Matt said...


اللهم احم مصر واحفظها من جميع الأشرار والشرور

ربنا يحفظنا جميعا ويكرمك انت وكل ركاب المترو

ولا تتمنوا الموت يا بنتي الا بالشهادة فعلا :)

تحياتي لك من ماناساس البلد وفاكرك يا ناسيني

مشروع انسان said...

يدعوكم موقع مدون خانه (تحت الانشاء)الى الاجتماع من اجل الاتفاق على الخطوات النهائيه لنشاء مجمع المدونين (مدون خانه)وذلك يوم السبت القادم الموافق 28 / 7 / 2007 وذلك الساعه 6 مساء يوم السبت فى مركز العربى للدرسات العنوان 23 شارع باهر زغلول من شارع المنيل

Anonymous said...

جرووووووووم
###########
يااااااااه ياجروم انت فينك مش ظاهر خالص على الساحة ليه كده ...

منور ياجرووم ... ويارب يحمي مصر وناسها من اي شر

تحياتي

امام الجبل
#########
بالتوفيق ان شاء الله

تحياتي

الكلام نوعان :كلام فارغ وكلام مليان كلام فارغ said...

يفجرواالمترو
طيب والنبي في قصر كده مالوش لازمه في القاهره طبعا عارفينه ما يفجروه باللى فيه ويبنوا بداله حاجه مفيده
طبعا انتى فاهمانى
يلا انا مش قصدي حاجه والله
ال يفجروا المترو ال

MaMaDo said...

بجد صعقت لما عرفت
و لما قريته فى الدستور
كان هاين عليا اخبط راسى فى الحيط
على ضعفنا لما يقول لنا كده
احنا هنيجى نفجر المترو

و بجد مش لاقى كلام اكتر من الى اتقال فى الدستور

أنا حر said...

محدش يقدر يفجر المترو بعد ماغناله شعبان عبد الرحيم انت اكيد بتهرجي
وبعدين هما هيفجروا المترو ليه يعني اللي عايز يتفجر في مصر حاجات كتير غير المترو ومناخير ابو الهول اللي عايز يتفجر في مصر بجد .... ولا بلاش كلام في السياسة
تحياتي

Anonymous said...

الكلام نوعان :كلام فارغ وكلام مليان كلام فارغ
%%%%%%%%%%%%%%%%%%%%%%%%%%
لا طبعا انا مش فاهمة قصر ايه ده اللي بتقولي عليه ياشيخة ... ودونا في داهية بقى ... هههههه

ربنا يسترها ويفجروا اللي بالك فيه

تحياتي

MaMaDo
%%%%%%%
مش عارفة اقولك ايه غير ... حسبنا الله ونعم الوكيل

أنا حر
%%%%%%
انا بقول كده بردوا بلاش كلام في السياسة.. خلينا جمب الحيط مع النمل

تحياتي