Sunday, July 15, 2007

فرق السن


أنا قلت اروح أعصر دماغي من مية البحر وأجلكم علطول عشان نتكلم في موضوع شاغل تفكيري شوية اليومين دول وهو


ايه فرق السن المناسب اللي المفروض يكون بين الزوجين يعني الافضل ان البنت تتجوز واحد اكبر منها بخمس او عشر سنين ومعاكم كده لحد 15 سنة ولا واحد يكون قدها في السن ؟...


ونرجع نسأل السؤال بشكل أخر ايه السن المناسب للتفاهم بين الاثنين؟

بصراحة الموضوع ده كنت حاسمتو مع نفسي من زمااااااااااااااااان من ايام ثانوي كده كنت لما اشوف حد بيرتبط وبيكونوا في سن بعض بقول ايه الهبل ده انا لايمكن أبدا وعمري عمري ما ارتبط بحد في سني خالص وده لان من وجهة نظري ان البنت دماغها بتبقى اكبر من سنها يعني ولازم ترتبط بواحد اكبر يعني مايقلش عن خمس ست سنين ولو اكتر يكون احسن وده في رأي لاني احب الراجل يكون هو صاحب القرار الصائب وده مش لقلة الثقة في المرأة او تقليل من شخصها ولكن تقدروا تقولوا كده ان الرجال قوامون على النساء وانا احب اول حاجة يكون فيها الرجل قوام على زوجتوا في دماغه في تفكيروا خبرتوا

انا حبيت اناقش الموضوع ده عايزة اعرف أراء الناس هتكون ايه يعني فرق السن بين الزوجين المفروض يكون أد ايه ولو أد بعض في السن ده ممكن يكون زواج ناجح فعلا ولا الافضل انو يكون الزوج اكبر .... طب والناس اللي بتتجوز دي وبتكون الزوجة اكبر من زوجها بخمس ولا اربع سنين دول الحياة ماشية معاهم ازاي في تفاهم مابنهم فعلا مش عارفة الموضوع اصبح محير بالنسبة لي

بالرغم من كده الا اني مازلت افضل السن الاكبر للزوج

24 comments:

MaMaDo said...

فرق السن

هو يمكن يكون فرق السن مالوش تاثير اوى على العلاقه و فهم كلا منهم الاخر
انما الى مهم هو انهم يكون فهمين بعض يبقى فى تساوى او اقتراب من التساوى فى كونهم يفهمو بعض
و بعد كده ممكن يكون فرق السن عادى
بس مش يعدى الخط الاحمر
يعنى مش تروح تتجوز قد ابوها عشان يفهمها

لما كنتى بتشوفى بنات بتتجوز اصغر منها يمكن السبب فى كده انهم فهمين بعض


و بس

Anonymous said...

مامادو
$$$$$$
حلو اوي كلامك التفاهم ... بس اللي مش قادرة استوعبوا بردوا ازاي يتوافر التفاهم بين زوجة اكبر في السن من زوجها اكيد هي تفكيرها ودماغها اكبر مش عارفة ربما يكون تفسيري غلط بس انا عايزة اللي يقنعني لو كان غلط

تحياتي

سندباد said...

انا مش من مبدا ان الزوجة تكون اكبر من الزوج لكن صراحة انا شفت شخصيا حالات الزوجة فيها اكبر انما لقوة شخصية الزوج ونضوجه محستش بالفرق ده نهائيا هي المسالة تتوقف علي خبرة وقوة الشخصية لان في ناس طلعت وتحملت المسؤلية بدري اوي وشالت الهم زي ما بيقولوا والدنيا علمتهم حاجات كتير انما انا في الاخر مش عارف حاسس ان لازم يكون الزوج علي الاقل اكبر من الزوجة بخمس سنين علي الاقل والله اعلم

momken said...

شوفى ياشرين
موضوع السن ده شىء نسبى بمعنى كتير بيحبوا فرق السن البسيط يكون لصالح الراجل يعن الراجل اكبر
مثال النبى صلى الله عليه وسلم والسيده عائشه
وناس بتحب السن لصالح المراءه
مثال النبى صلى الله عليه وسلم والسيده خديجه

وفى ناس بتتكلم عن عدم وجود فلاق فى السن

مثال سيدنا على بن ابى طالب والسيده فاطمه الزهراء رضى الله عنهم

كل دول زيجات ناحجه
ومتفاهمه
اهم من كل ده انك وانتى بختارى متقلقيش من رائى حد ولا انتقاد حد اختارى مخ ودماغ
شوفى انتى محتاجه ايه
مخ ولا عضلات
كل شىء متوفر بس المهم اختيارك

البوست جميل
تحياتى

طهقان said...

أنا أفضل انه ماكونش في فرق
او
مايكنش في جواز اصلا

لان عقل المرأة
!!!!
ايه .؟
عقل المرأة


هي أصلا عندها عقل؟


ماعلينا

بالرفاء والبنين

احساس لسه حى said...

عزيزتى
الموضوع مش بسن ولا بتتحسب كده ده جواز يعنى ارتياح ومحبه مش هقول حب وعشق ارتياح وقبول
انتى ممكن تشوفى اتنين ويعجبك الكبير وممكن العكس ويمكن فى حكمه ان الرسول تزوج واحده اكبر منه بى15سنه يمكن علشان مفيش خجل ولا احراج ان الولد ولا البنت يتجوزوا اكبر منهم سنا بدل فى اتفاق وتوافق
سلام

Alaa said...

لسه مشلتيش النافذة بتاعة التعليقات
:(
انا شايف ان من اتنين لخمسة كويس
فرق اقل مشاكل اكتر
فرق اكتر تفاهم اقل

ده موضوع التجمع ياريت أعرف رأيك

المدوّن خانة

ولــــــــــو said...

الموضوع مش موضوع فرق سن انا شايف ان الموضوع استعداد
بمعنى ان فيه ناس كبيره ف السن ومش عندها استعداد انها تتحمل مسئوليه وعلى العكس فيه شباب صغير بس فعلا رجاله واهم من كده كمان ان يكون فيه توافق بين الاتنين مهما كان فرق السن وان كنت مش بافضل ان الفرق يزيد عن 5 سنين
والله اعلم

ابو العربى said...

فعلا لازم من فرق السن بين الزوجين عشان الخبره والتجربه وفعلا البنت عقلها بينضج قبل الولد بس ده بالنسبه لزواج الصلونات اما لو 2 نفس السن حبو بعض يبقى مفيش مشكله من الجواز
بس ولا دول مستريحين ولا دول متهنيين
مش عارف السبب منين
بس لازم فرق السن

semsem said...

البوست هايل يا شرين
بس انا شايفه ان ممكن يكون الفرق فى العمر العقلى مش العمر السنى
صحيح المراة تكبر الرجل فى العمر العقلى
بس دا مش مانع ابدل ان ممكن يكون واحد فى سنها او اصغر منها سابقها بكتير

انا بقول ان الموضوع دة بيختلف حسب الشخصيه وملوش قاعدة ثابته

أنا حر said...

الموضوع نسبي يعني انا اكتشفت ان في ولاد دماغهم أكبر من سنهم ممكن يتجوزوا بنات اكبر منهم وعلى فكرة الموضوع ده بينجح جدا
الموضوع مش موضوع سن على قد ما هو موضوع تفاهم مش مرتبط بالسن على قد ما مرتبط بنضوج فكري
تحياتي

الكلام نوعان :كلام فارغ وكلام مليان كلام فارغ said...

بصي بقى يا ستى مش لازم رالواحده تتخطب لواحد قدها بالظبط وده بجد لانها ممكن تحس انه تافه او عيل لان علميا ان الواحده تفكيرها بيبقى اكبر من سنها فلازم هوه يبقى اكبر منها بس برضه مش بكتير
ليه؟
لانها لو اخدته اكبر منها ب 10 او 12 سنه هاتبص بعد 10 سنين انها شابه وعايزه تعيش حياتها وهوه عجز ومش قادر على حيويه الشباب
الوسط هوه احلى حاجه
ولا هوه كبير اقوله يا بابا
ولا هوه صغير اقوله يا بنى
ومش شرط برضه يكون اللى قدك دماغه تافهه انا اعرف واحد عنده 24 سنه ودماغه راجل عنده 40 سنه
تقرفي وانتى قاعده معاه وتحسيانه كبر قبل الاوان
ونفس الشيء لبنت اعرف واحده 22 سنه
وست على صغير وحامله هم كل حاجه البيت والعيال اللى هم اخوتها والشباب
شبااااااااااب
وفي الاول وفي الاخر بيكون ده النصيب والارتياح في نفس الوقت
تحياتى

klmat said...

شيرين
البوست جماله فى انه دعوه للتفكير . فى الزواج والعلاقات الأنسانيه فى رأيى المهم مدى موده كل طرف للآخر ومدى تعلقه به قد يحب شاب زميله له فى العمل شكلها يدى انها اصغر منه بكتير ولكن فى الحقيقه قد تكون اكبر وقد يتعلق بها وهى كذلك ويشعر كل طرف انه قطعه من التانى وسعاده غامره عندما يراه والهوايات والاهتمامات متقاربه هل لايتقدم لهاام يبعد لانها اكبر منه الاجابه مش كل يوم حايلاقى هذا التجاوب قد لا يجد السعاده مع الأصغر لكن لو جواز تقليدى يكون موضوع تانى
مع الدعوات لك بكل التوفيق ومدونتك جميله وانا سعدت باكتشافها تحياتى لك

Doba said...

الموضوع يتضح على حسب عقلية الرجل فالمرأة لاتحتاج الى اى شىء بعد احتواء الرجل - ولكن فاقد الشىء لا يعطيه

أولا وأخيرا طريقة التفكير والقدرة على الإحتواء الصحيح من كل طرف للآخر بالإضافة للقدرة على تحمل المسئولية وليس بفارق السن

تحياتى وسلامى --- هبة

Anonymous said...

السلام عليكم


عاوزة رأيي
أنا شايفة
انه حلو اوى
الفرق يكون
من
4-8 سنوات

بس ده اكيد مش شرط
ولكل قاعدة شواذ

Anonymous said...

من شعر أحمد فؤاد نجم


ياشعبي حبيبي ياروحي يابيبي ياحاطك في جيبي يابن الحلال

ياشعبي ياشاطر ياجابر خواطر ياساكن مقابر وصابر وعال

ياواكل سمومك يابايع هدومك ياحامل همومك وشايل جبال

ياشعبي اللي نايم وسارح وهايم وفي الفقر عايم وحاله ده حال

احبك محشش مفرفش مطنش ودايخ مدروخ واخر انسطال

احبك مكبر دماغك مخدر ممشي امورك كده باتكال

واحب اللي ينصب واحب اللي يكدب واحب اللي ينهب ويسرق تلال

واحب اللي شايف وعارف وخايف وبالع لسانه وكاتم ماقال

واحب اللي قافل عيونه المغفل واحب البهايم واحب البغال

واحب اللي راضي واحب اللي فاضي واحب اللي عايز يربي العيال

واحب اللي يائس واحب اللي بائس واحب اللي محبط وشايف محال

واحبك تسافر وتبعد تهاجر وتبعت فلوسك دولار او ريال

واحبك تطبل تهلل تهبل عشان مطش كوره وفيلم ومقال

واحبك تأيد تعضض تمجد توافق تنافق وتلحس نعال

تحضر نشادر تجمع كوادر تلمع تقمع تظبط مجال

لكن لو تفكر تخطط تقرر تشغلي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها حجيبك لايمكن اسيبك وراح تبقى عبره وتصبح مثال

حبهدل جنابك وأذل اللي جابك وحيكون عذابك ده فوق الاحتمال

وامرمط سعادتك واهزأ سيادتك واخلي كرامتك في حالة هزال

وتلبس قضيه وتصبح رزيه وباقي حياتك تعيش في انعزال

حتقبل ححبك حترفض حلبك حتطلع حتنزل حجيبلك جمااااال

Anonymous said...

جالي تهديد بتفجير المدونة ... لالالا اقصد تهديد بعدم تعتيب باب المدونة لو مردتش على التعليقات وطبعا انا بعتذر للجميع لاني بقالي فترة مش برد ولكني متابعة لقراءة التعليقات بتاعتكم وده مش اهمال مني ولا حاجة ولكن النت والجهاز في البيت مدمرين بقالهم فترة ولحد اللحظة دي ادعولهم يخرجوا من غرفة الانعاش ... ولكني برد عليكم من مكان اخر غير مكاني عشان لقيت الناس بتزعل وانا طبعا مقدرش على زعلهم ......

تحياتي للجميع وتابعو الرد على تعليقاتكم

Anonymous said...

سندباد
$$$$$$$$
انا بقى ياسندباد بشوف العكس يعني في زوجة بتكون اكبر من زوجها وبلاقي عدم تفاهم كبير اوي بينهم ووصلت لحد الطلاق كمان بس بقول لكل قاعدة شواذ مش كلهم كده لذلك انا كمان بفضل يكون الزوج اكبر من الزوجة على الاقل خمس سنوات

تحياتي

momekn
#######
عشان تختار صح لازم نفكر صح في الشئ المناسب لينا واكيد الزيجات اللي ذكرتها ناجحة اتمنى النجاح للجميع في اختيارتهم

تحياتي

طهقان
%%%%%
مالك يارجل انت جاي تطلع طهقك علينا ولا ايه هو كل اللي بيجوز يطق زيك انت ومراتك كده الدنيا لسه بخير هههههههه

تحياتي ليك انت وطهقانة مراتك ربنا يهديكم

حسام
%%%%%
مش بالسن اه ولكل قاعدة شواذ ولكن السن بردوا شئ مهم لايستهان به من وجهة نظري وبعدين الرسول عليه الصلاة والسلاة ده حاجة متتكررش تاني دماغو غير سنو نصايحوا كانت للامة باجمعها كبير وصغير ياتري في حد زي الرسول كده في زمانا ده ما اعتقدش

تحياتي

علاء
$$$$
واللهي يابشمهندس انا مش عارفة اغير النافذة بتاعت التعليقات ابعتلي في الشات بوكس بتتغير ازاي وانا اغيرهالك والله وزي ما قلتلك قبل كده الجهل وحش ههههه
وفرق السن لما بيكون اكبر مشاكل اقل بس مش اكبر يعني تتجوز ابوها لا اقصد من خمسة لاكتر من كده ده من وجهة نظري

تحياتي

Anonymous said...

ولو
$$$$
اكيد الاستعداد ده شئ مهم ممكن يكون كبير فعلا ومعندوش استعداد انو يفتح بيت ويكون اسرة وانا معاك ان في شباب صغيرة ودماغها اكبر من سنها ولكن من وجهة نظري انهم قلة

تحياتي

ضد الظلم
$$$$$$$$
طول عمرك كلامك حكم يابو العربي واللهي
اتفق معاك في الرأي

تحياتي

semsem
########
منوراني بتعليقك اكيد في ناس زي ما انتي قولتي كده عمرهم العقلي اكبر من عمرهم السني ولكني بشوف ناس كده قلة يعني مش يججيني واحد جواز صالونات كده ويكون انا اكبر منو واقول واللهي ده ينفعني عمرو العقلي ممكن يكون اكبر عشان عمرو العقلي ينمو لازم عمرو السني يكبر كمان عشان التجارب في الحياة والدراسة وغيرو وغيرو

تحياتي

أنا حر
%%%%%%%
في طبعا ناس زي اللي انت بتقول عليهم ولكنهم قليليين لاني شوفت عكس الكلام ده قدام عنيا ... انا بتكلم في حدود الاختيار العادي الفرق اللي في السن ممكن يكون اد ايه بين الزوج والزوجة

تحياتي

Anonymous said...

الكلام نوعان: كلام فارغ وكلام مليان كلام فارغ
$$$$$$$$$$$$$$$$$$$$
منوراني ياجميل فينك من زمان اتمنى اشوفك دايما منوراني كده بتعليقاتك
بصي ياستي كلامك مظبوط فعلا الوسط حلو بس 10 او 12 سنة من وجهة نظري كويس بردوا في هيبقى عجوز اوي ولا حاجة وفعلا ممكن يكون واحد سنو صغير ودماغو دماغ واحد عندو 40 سنة ذو خبرات

وتصدقي فعلا في الاول والاخر ده نصيب والله الموفق

تحياتي

كلمات
$$$$$$
اكيد منورني ياريت تشرفنا دايما بتعليقاتك واللي انت قولتلو فعلا ممك يكون صحيح ولكنها حالة شاذة احنا بنقول اي فرق سن الافضل يعني الطبيعي ايه مع دعواتي معك للجميع بالتوفيق
وسعدت بمرورك

تحياتي

دوبا
$$$$$$
لولولوووووووي دوبا عندنا يامرحبا يامرحبا هاتو الشربات ياولاد بسرعة وفرقوا الشيكولاتة
انا معاكي ان الاستعداد لتحمل المسؤولية الاهم ولكن من وجهة نظري ان بردوا السن مهم ومينفعش منعملوش اعتبار الا لو كانت لظروف معينة او شخصية معينة فعلا عقلها اكبر من سنها

تحياتي ياقمر وياريت دايما تنوريني

مش قادرة
########
اتقف معاكي لكل قاعدة شواذ وفعلا السن اللي ذكرتيه مناسب وبالنبة لي انا ممكن اكتر عليه شوية صغننين

تحياتي

مجهول
%%%%%
الواحد قاعد لابيه ولا عليه ... ودونا في داهيه بقى ههههههههههه


تحياتي انت وشعر احمد نجم

حواء said...

موضوع هايل يا شيرين وانا رأئى ان السن مالوش دعوة خالص بالحب والزواج فى راجل اكبر من الست وعقله أصغر وفى راجل تانى اصغر وعقله اكبر .. المهم التفاهم وعلى فكرة اما يكون الراجل اصغر ده عادى المهم ان البنت تحس انه اكبر منها بالعقل ويحتويها وتحس معاه بالاحتياج والامان فى الوقت اللى ممكن واحد اكبر منها مش عارف يحسسها بالمشاعر دى .. تحياتى

عروس البحر said...

طبعا موضوع فرق السن مهم جدا و لازم يكون في فرق 5 سنوات او اكتر اقل من كده يبقي مفيش تفاهم ما بين الزوجين و لو اتجوزوا في نفس السن حتبقي الست مش محترمة لكن لو في فرق حيبقي في احترام و تفاهم وووووووو
تحياتي

Anonymous said...

موضوعك هايل بجد يا شيرين انا برضه واقع في نفس المشكلة لان اختي خلاص شبكتها الاسبوع الجاي وبجد مش عارف اعمل هيا في 3 اداب وجميلة ومتدينة وهو مؤهل متوسط واكبر منها ب 15 سنه تقريبا بس كل عائلتي بالاجماع موافقين هو متيسر الحال جدا جدا وسافر دولة عربية وحيعيشها في مكان جامد جدا مساحة بيت 200 متر الشقة بسم الله ماشاء الله ب 600 الف جنيه وهو مجهزها احسن تجهيزة عنده 2 غسالة بالكهربا و2 تلفزيون واحد بلازما كبير تقريبا 40 والتاني عادي والمطبخ امريكان ستايل قال لو عايزنى اكمل جامعة مفتوحة حكمل كله موافق وانا اللى مش عارف اخد قرار وهو متدين جدا جدا جدا وشارينا وحابب اختي جدا وهي كمان موافقة رغم ان في ناس نعرفها قالوا دا غلط عشان فرق السن مش عارف اخد قرار لغاية دلوقتى

توهة said...

سيدتى شرين :)

بصى الموضوع ده فى إختلافات جامده وأراء متباينه جدا لأن لولا إخنلاف الأذواق لبارت السلع

يعنى ماينفعش تاخدى رأى حد معين وتقولى عليه هو ده الرأى السليم لأن كلها فى الاخر اراء بشريه بتختلف بإختلاف الظروف البيئيه والإجتماعيه والعقليه لكل شخص

يعنى مش صحيح ديما ان اللى قد بعض علاقتهم منهاره ولا صحيح ديما ان اللى فرق بنهم كبير محطمين والعكس صحيح فى كلا الحالتين

يعنى انا مثلا شفت عندى فى العيله فرق سن من أول سنه لحد عشر سنين

فى اللى مرتاح وفى اللى مضايق بس ليه ؟ مش السن السبب ده عشان شخصية الرجل وعقليته وتفكيره

انا مثلا زى اى بنت فى الكليه جالها شباب بغرض الإرتباط وبعد التخرج نتجوز انا رفضت مش لأنه قدى رفضت عشان شايفه الارتباط حرام وفعلا جالى زميلى بعد الكليه واتخطبنا بس رغم ان هو قدى حسيت انه كبييييير جدا مش طموح من النوع اللى حاطط فى الارض بالإضافه الناحية الأخلاقيه مش زى ماكنت عايزه بالضبط المهم يعنى عشان بغتابش حد مكانش مناسب

وبعدين ربنا وفقنى لخطيبى حاليا اكبر منى بعشر سنين الحمد الله توافق فكرى انا ماكنتش اتوقع الاقى زيه يعنى لما نتناقش بنلاقى بعض فى النص وده لأن هو انسان متفتح عقليته مرنه وحيوى

دى تجربتى ممكن تيجى واحده تقلك العكس تماما نصيحه بجد اقعدى انتى مع نفسك وإوزنى الامور
ولما يجيلك حد شوفى عقله شوفى تفكيره وبعدين بصى لسنه وحطى السن فى كفه اى كان صغير كبير والشخصية فى كفه وشوفى انهى كفه حتفوز ومن هنا كتكونى طلعت بإنسان انت مبسوطه به وتتباهى به قدام الناس ومش حيهمك حد لما يقلك انه صغير او كبير حتقوليلهم عاجبنى

وصدقى كلامى ده اناواجهت بعض صحاب لى معارضين لفرق السن وكبير عليك فى التعامل ومعرفش ايه وكانت ازمه بالنسبه لى بس لما رميت كلامهم ورا ضهرى استريحت
انا طبعا بحط حد لفرق السن من اول سنه لحد عشره او 11 ده كان رأيى من الاول حتى من قبل الخطوبه

حتة ان الست اكبر من الرجال كرأى شخصى انا مابحبهاش لأنى احب الراجل هو الأقوى والأكبر واقرب مثال لى شفته للموضوع ده واحده صحبيتى اكبر من خطيبها بأسبوعين وفى كمان بست شهور اعتقد فى الحالات دى مش مشكله قوى بس اكبر من كدخ صعب بالنسبه لى لأن طبيعى عقل المرأه بينضج اسرع من الرجل وبيجى فى سن معين يتوقف وعقل الرجل هو اللى يستمر فى الست بقى حتفضل مستنيه جوزها لحد ما ينضج ؟؟؟

والله برده عشان مايكونش رأيى مجحف ممكن موضوع زى ده ينجح والله اعلم