Wednesday, November 24, 2010

ودع أهلك


تحت شعار "ودع أهلك" والثانية "محدش بيموت ناقص عمر" والثالثة "إن لله وان اليه راجعون"
فكرت في أن أقوم بنزهه نيلية مع أصدقائي على الرغم من علمي الشديد بانه لايوجد أي مركب ولا عبارة في بلادي على درجة عالية من الجودة وربما ركوبي للمركب يودي بحياتي انا وكل من معي في لحظة وبذلك تصبح نهايتي الحياتية مأساوية بمعنى الكلمة .. وتخيلت نفسي فريسة للاسماك واهلي يبحثون عن جسماني فلم يجدوه فتصبح قصتي قضية رأي عام وتقوم من اجلي المظاهرات وترفع الشعارات وتطبع لي صورة في كافة وسائل الاعلام ويكتب بجواري "باي ذنب قتلت" وهنا يكون الشعب ادى دوره من اجل جسماني المفقود .... وياتي دور امن بلادي في توقيف الاحتجاجات ومنع المشاغبات فلايستجيب الشعب المهموم ويصيح "باي ذنب قتلت" فتنهار عليهم القنابل "مسيلة الدموع" ليتفرق المتظاهرون في هذا اليوم المهموم وينشغل الرأي العام بقضايا اخرى لينسوا جسماني المفقود
واخيرا اعزائي قررت ان لااقوم بهذه النزهة النيلية

13 comments:

بيبو said...

كويس انك ترجعتي ياشوشو عن فكرة الرحلة لاني بصراحة مش بحب اكل سمك واكل بني ادمين وانا بحب اكل سمك اليومين دول قوي

بيتنا القديم said...

والله جدعة..!
(:
اولا الجمهور عاوزك..وحياتك مش ملكك..حياتك ملك مصر..اللي اكلتك وشربتك وفسحتك وجبتلك جيلاتي وموز ودرة مشوي وشربات ملونة الخ الخ الخ..
وابشرك ان حجم القمامة والمخلفات الصلبة والعائمة في قاع النيل جعلت من فرص نجاة الغرقى كبيرة جداً..عكس البحار والمحيطات..يكفي بس انك وانت بتغرقي كده في امان الله تلاقي شئ عايم من تحتك تقومي مكلبشة فيه عالطول..يقوم طافي بيك بعون الله..أنصحك بعد النجاة لا تنظري الي كنه هذا الشئ الذى ارتفع بك من القاع للسطح..واتركيه لحاله يغوص تارة اخرى لعله يقابل مغامرة اخرى القاها حظها العاثر في رحلة جماعية ترفيهية لزيارة قاع النيل..!
(:
دمت بعقلك..!
تحياتي

سندباد said...

ربنا يحافظ عليكي من كل شر وبعدين مش الرحلة النيلية بس هي اللي بقت خطر كل حاجة في مصر دلوقتي بقت خطر حتي وانت في رحلة علي رجلك
تحياتي الخالصة

أميرة said...

اديكي سيبتي الموت بالعبارة
عشان متغرقيش في النيل
بس روحتي المحيط
وغرقتي في النيلة

ايامنا الحلوة said...

بيبو
****
طيب هنزل اصطادلك شوية سمك عشان تاكلي وتربربي

تحياتي

ايامنا الحلوة said...

بيتنا القديم
***********
انت من الحزب المسيطر ولا ايه .. يعني ايه مصر اكلتني وشربتني وفسحتني وجبتلي جيلاتي انتخب مين انا دلوقتي

عامة ياسمسم اول ما الاقي نفسي غرقانة هبقى افتكر نصايحك الرهيبة وامسك في كوتش عجلة تحت القاع وافضل مكلبشة فيه مش هسيبه

تحياتي

ايامنا الحلوة said...

سندباد
*******
ربنا يكرمك ياسندباد عندك حق فعلا كل حاجة بقت خطر دلوقتي مش المراكب بس
ربنا يسترها

تحياتي

ايامنا الحلوة said...

اميرة
*****
تعليق بليغ ميطلعش غير من واحدة عبقرية زيك يااميرة
ارجوكي يامرمر وانتي طالعة من الغريق في نيلة المحيط ابقى خدي ايدي معاكي

تحياتي

Anonymous said...

ادي احنا كلنا للاسف غرقانين رغم اننا مركبناش مركب ..طبعا فهماااااااااااااااني



فوفا

ايامنا الحلوة said...

فوفا
****
الا فهماكي يافوفا هو انا فهماكي بعقل .. ربنا يسترها ويطلعنا من الغرق ده على خير

تحياتي

سندباد said...

كل سنة وانتي طيبة اتمني ليكي عام افضل

Wish I were a Butterfly ... said...

كنت بفتش في البوستات القديمة عندي ولما شفت اسمك حسيت إنكمن الناس اللي بجدوحشتني أوي :). أتمنى تكوني سعيدة في حياتك و أيامك كلها"حلوة". تحياتي

Anonymous said...

يعني بعد كل التصور ده مش روحتي ده انا سرحت معاكي وفي الأخر بلا جودة ربنا يسمحك ... بس علي فكرة أنا عايزة أقول حاجة علي العباة بتاعتنا بتاعة محيط يعني . أن صاحب العباة مش هرب هو مسكنا بأيده بغرقنا ويطلعنا تاني علي أخر لحظة علشان مش هيلاقي حد يستحمله زينا

داليا