Sunday, September 19, 2010

أم العروسة



كان يوم ذو طابع خاص ملئ بكثير من القلق والتوتر بالاضافة الى السعادة الغامرة... ملئ بالتفكير في كل ما هو صغير وكبير

.. نعم كل هذا حدث معي فكيف لا اشعر بكل هذا وانا ام العروسة التي تريد ان تري فرح ابنتها

منظم وبكامل استعدادته
اليكم الخبر التالي


تعلن شبكة الاعلام العربية "محيط" نبأ زفاف الاستاذة الصحفية بدرية طه حسين مساء السبت الموافق18-9-2010

ونتمنى لها حياة سعيدة وذرية صالحة باذن الله
انتكتي شعرت في يوم زفافك انك ابنتي واسأل الله العلي الكريم ان يسعد قلبك الابيض
ويرزقك الذرية الصالحة

وليعلم جميع القراء ان العروسة كانت مثل البسبوسة والعريس مثل الكريز وقد اكدت مصادر معزومة

ان العروسة بدورة كانت كالبدر في تمامه واشار شهود عيان الى العروسين كانا في قمة سعادتهما

فيما اشارت مصادر مفروسة الى ان جمال العروسة كان زائد على نور قاعة الزفاف مما اثر على

فاتورة الكهرباء ، مما جعل ادارة الدار تطالب العريس بدفع غرامة بسبب جمال عروسته الزائد

بينما رفض العريس دفع الغرامه مكتفيا بدفع غرامة فاتورة منزل الزوجية


مبرووووووووووووووووووووووووووك .. لولولولوووووووووووووي

11 comments:

Anonymous said...

الف مبرووك بدرية وبارك الله لكما وبارك عليكما وجمع بينكما فى خير

samir said...

الف مبروك يا بدرية
وعقبالى كل البنات
وعقبالنا انا وانجى

س س

MR.PRESIDENT said...

بارك الله لهما وبارك عليهما وجمع بينهما في خير

بدورة ووائل said...

من بيت الزوجية بيبو تحدثكم ..ام العروسة الي تعبت معايا على الاخر في اليوم ده عارفة انك مش مصدقة نفسك من الفرحة ياغالية وعقبالك يا قلبي يارب عن قريب عاجل يااارب انتي ومحمد وعقبال سين سين وبنوته الامورة يارب وعقبال نرمو يارب قوللها اني دعتلها كتير وان شاء الله هتقر عنينا بفرحتنا بيها يارب عن قريب وحشتةني قوي وياااااارب تقبضم بقى

نرمو said...

مبروك يا بدورة يا أمورة .. وعقبال يارب ما ترجعلنا بدخلتك الطويلة علينا وما تحرمناش من جيل جديد يدخل مصر في عصر "الطوال" يارب .. ويارب يتقبل منك دعائك ليا يارب وادخل مصر في عصر القصرين

نرمو صبري
احدى ساكنات شارع الهرم

Engy said...

مبروووووووووووك يا عروسة ويا ام العروسة .
من المتحدة الي بيبو في بيت الزوجية .. ربنا يسعد ايامك يااارب وان شاءالله انتم السابقون ونحن الاحقون بقى ههههههه
ان شاء الله عقبالي انا وسين سين وتتعلمي الزغاريد عشان تيجي تقومي بالواجب هههههههههههه

أميرة said...

الف مبروك يا بدورة ، الحقيقة الحاجة شيرين مامتك تعبت معاكي قوي وعقبال ما نتعبلها في القريب العاجل يا رب

المهم شدي حيلك .. الجواز للجدعان

sendbad said...

الف مبروك ربنا يجمع بينهم في الخير وبالخير ويبعد عنهم العين ومبروك ليكي يام العروسة
تحياتي وتقديري لمرورك وكلماتك جزاكي الله خيرا

moly elmasry said...

كنت مستنية اشوف فرحتها وفستانها الابيض اللي زي قلبها يمكن علشان ضحكتها بتديني امل بس للاسف مشفتش دا الا عن طريق الصور اللي مع ام العروسة

للاسف يابدور كان في يوم فرحك في حد مهم عندي اوي كان محتاجني اكثر وانا عارفه ان حواليكي كثير بيحبوكي قلبهم ابيض زيك وفرحتك فرحتهم

ياريت تعذريني وتسامحيني
نسيت اقولك انك كنتي زي القمر دا ف الصور اكيد ف الحقيقي كنت احلي

ربنا يبارك ليكي ويفرح قلب كل البنات الطيبين بس

بدور ..اخبار بيت الزوجية خلصتي الاكل وغسلتي الهدوم والمواعين ومسحتي الشقة والسلالم " والله يازمن لا بايدينا زرعنا الشوووووووك" :))

Anonymous said...

لولولولولولولولولولييييييييي
ألف ألف مبروك يا بدورةوربنا يبارك لكم
وعقبال كل البنات ، وفعلا يا شيري كنتي بجد أم العروسة

فوفا

بيتنا القديم said...

إحم إحم...
ألف مبروك يا حاجة ام بدرية...آ..قصدي يا شرين يا ام بدرية..!
(:
عقبال بناتك التنيين...!
تحياتي