Sunday, August 1, 2010

مطلوب وظيفة


شغل ياولاد الحلال

باختصار مفيش قبض

باختصار القبض بالتقسيط

والقسط مش مربح

والديون كترت

يبقى ايه الحل في سمن اميرة

ولا بلاش اميرة لحسن جوزها يموتنا

الحل في البحث عن عمل جديد

فييييييييييييييييييييييييييييييين

فكرت اروح اشتغل في محل كوافير حريمي واهيص بالتبس قالولي حرام قولت محجبات ياولاد قالولي حرام بردو

فكرت اشتغل في مكتبة وابيع ادوات مدرسية قالولي وزير التربية والتعليم مبهدل الدنيا ومانع اي حاجة ليها علاقة بالدراسة تتباع بره الوزارة

فكرت اشتغل مديرة منزل واهو يبقى منصب بردو انا عمري ما وصلت في عملي الصحفي لدرجة مدير قالولي مش هتقدري دي شغلانة عايزة ناس مصحصحة ومدقدقة

فكرت اروح الم الكور من الملعب بتاع نادي الصيد قالولي ظهرك هيوجعك واحتمال يجيلك الغضروف

طيب اجيب شوية بيض واسلقهم وحبة جبنة واقعد بيهم قدام الشركة ابيعهم قالولي مش هتلاقي حد يشتري منك حاجة الناس مفلسة

اممممممممممممممممممممممممممممم اعمل ايه محدش عنده شغل

6 comments:

قلب ينبض بالحب said...

ههههههههههههه استني يا شابة اما الشتا يدخل ونعمل مشروع بليلة سخنة وبطاطا ونقف بيهم عند المدارس هنكسب لوووووووووووز ..ومنه لله الي كان السبب وحسبي الله ونعم وكيل فيك يافخررررري

MR.PRESIDENT said...

ههععععععععععععع هعععععععععع
مفيش احلي من إن الواحدة تشتغل
زوجة مثقفة
تقرا علي قد ما تقدر
وتغير حياة جوزها و اولادها باللي بتقراه
انا نفسي تكون زوجتي كدا قادر يا كريم
وعبال لما تبقي حاجة جامدة جدا في الشغل
ويكون رزقك حلال قادر يا كريم .
بالتوفيق

أميرة said...

سمنة اميرة ايه .. انتي مش بتعملي دايت .. والدايت يعني تقللي الاكل او ممكن تمنعيه خالص لحد ما تلاقي شغلانة تانية

انا ممكن اشترك معاكم في مشروع البليلة اهو بردوه صحي ومفيد

ايامنا الحلوة said...

قلب ينبض بالحب
*************
لعلمك انا فكرت في البليلة بس خوفت من بتوع البلدية
وبعدين فخري مين ده يابنتي هو بينفع فيه حاجة

تحياتي

ايامنا الحلوة said...

MR.PRESIDENT
*************
طيب وعقبال ما تشتغل في بيتها تعمل ايه ياسيادة الرئيس ارجوك الشعب عايز حل

منورني طبعا

ايامنا الحلوة said...

اميرة
*****
يااميرة اللبن رفعوا سعره دلوقتي يعني حتى مشروع البليلة هيفشل