Tuesday, April 27, 2010

جومانة وصلت بالسلامة



يعلن سجل مواليد شبكة الإعلام العربية "محيط" انضمام عضو جديد إلى دفاتره الا وهي سليلة الحسب والنسب الأنسة
جومانه أسامة عبدالرحيم وذلك عشية الاحتفال بعيد تحرير سيناء لتثبت للجميع أن يوم ولادتها يوم تاريخي عريق لن
ينساه أحد ، خاصة قسم الخارجي الكائن في الدور الثالث بالمهندسين وطبعا العنوان ده للي عايز يبعت أي هدية او
نقطة للمولودة الجديدة ، وبما ان هذا القسم العريق هو من تابع لحظة بلحظة وصول الأنسة جومانه التي كانت تقطن
بكرش والدتها الاستاذة أميرة محمد ذكي ، والتي قامت بصرخة واحدة يلا يابنتي بقى تعالي خليني أخلص وأخد أجازة
وأمشي من وش العيال دول اللي بيذلوني طول النهار ويقولولي ياأم كرش ، لتأتي جومانة بصرختها لتقول عايزين مني
ايه انا مرتاحة كده ويأخذها والدها باحضانه ليعلن ان يوم ولدتها يوم تاريخي واللي هيستعبط ومش هيفتكر عيد
ميلادها ويجيب لها هدية فيه يبقى ياويله

ونيجي للجد بقى تهنئة جامدة اوي اوي اوي للاستاذ الصحفي أسامة عبدالرحيم والاستاذة الصحفية أميرة محمد ذكي


لوصول الانسة جومانة يارب تتربى في عزكم ويجعلها ذريتكم الصالحة

6 comments:

قلب ينبض بالحب said...

ياهلا ياهلا بالغالية وسط الغاليين في وسط العالم الغلسين الي مش وراهم غير الرغي والتطجبن واكل الفطير والنوم على السرير ودي يابنتي موجز للبشرية الي بأذن الله هتتعملي معاهم في الايام الجاية

تهنئة من خالتو بيبو الطويلة التي تأمل شديد الأمل أن تطلعي طويلة القامة وعريضة المنكبين زيها كده علشان ماماتك يابنتي وبابتيكي يعرفوا ان الطوال اد ايه غاليييييييييين ومش اي حد بيوصل لهم وسلالام كبير من طنط بيبو وطنط شوشو وطنط نهلو وطنط نرمو وطنط انجي للحلوة القرعة جومانة

شيرين said...

قلب ينبض بالحب
**************
ليه كده بس يابيبو بترعبي البنت دي لسه جاية من عالم تاني خليها تشم نفسها الاول
عامة مش مهم بكره لما تكبر نقعد انا وانتي معاها نعقدها شوية امال ايه لازم نكون أد الصداقة ونقف جمب صحبتنا هي أم جومانة دي مش من حلوان بردو ولازم نعملوا معاها واجب هيه وبنتها نييييهههههههههههيييا

تحياتي

أميرة said...

من حضن ماما .. جومانة تحيي اهل حلوان وكمان مرة محافظة حلوان
وطنط شوشو وبيبو والجماعة الطوال قوي
والاقصر والذي يليه
وسلام كبير لشبكة محيط

شيرين said...

أميرة
*****
ياهلا بأم العروسة جومانة .... حمدلله على السلامة ويارب متكونيش بتسهري جومانة طول الليل تلاقيها مش عارفة تنام منك طبعا

تحياتي

بيتنا القديم said...

ميرسهات كتير يا اهالي الحتة...
بالحق البنت فعلاً عريضة المركبين..!
متهيألي والله أعلم تشبه خالة من خالاتها البدرويين...!

شيرين said...

بيتنا القديم
**********
ياهلا بابو جومانة ده اقل واجب يافندم تتربى في عزك انت ووالدتها
وبالنسبة لحتة ان البنت عريضة المركبين فده يزيد من قوة نظرها وقوة عضلاتها
انت عارف البدرويين بقى

تحياتي