Friday, August 7, 2009

الـ26


بعد ما اتفقت مع دكتور السنان ودفعت عربون لصناعة طقم جديد لاشناني ايون اشناني بالشين على اعتبار اني هصحى
انهرده الاقي كل سناني مخلعة

ده غير اتفاقي مع حلاق منطقتنا على صناعة باروكة لونها اسود غامق بعد ما شعري يطقطق ويبيض
بالاضافة الى نيتي لصناعة نظارة كعب كوباية انقي بيها الرز

ده غير اني استغربت اوي ان صحيت من النوم فاكرة كل ده وان مرض الزهايمر لسه مااصابنيش

هييييييييييييه اسمعوا وعوا
انا عيد ميلادي جه
بمممممممممممممممممممم بمممممممممممممممممممممم
دي متفجرات لعبة لزوم العيد ميلاد

كل سنة وانا طيبة
انا لسه سناني بالسين
وشعري مبيضتش
وذاكرتي حديد
والله اكبر الله اكبر
نظري ستة على ستة

10 comments:

أميرة said...

كل شنة وانتي بمنديل ..
يوه قصدي طيبة

وقلبك لسه طيب وأبيض
زي الشعب اللبناني
ومفيهوش من الصومال والسودان اي تأثير لوني

أقولك على سر

حد جمبك

غمضي عينك

هاتي ودنك

"بحبك يا شيري"

Anonymous said...

كل شنة وأنت طيبة وشنانك بخير وشعرك مسبوغ ونظرك ذو قوة حادة

أنت بموت فيكي يا شيرويت

بحبك في الله

داليا

قلب ينبض بالحب said...

هههههههههههه سنانك وقعت وشعرك طقطق ده كله علشان كملتي عامك السادس والعشرين أو العشرون "أحسن نهلو تضربني انا كتبت الاتنين تحسبا لاي اخطاء نحوية" ...فكرتيني بنفس اول ما تميت عامي السادس والعشرون كنت فاكرة اني هصحي الاقي التجاعيد مليت وشي واني هلاقي جلدي مكرمش وضهري منحني وجنبي عصايا اتسند عليها ..واديني تميت عامي السادي والعرشين وأنا زي قمر وانتي قمرين دول ولاعنيك ..عقبال يارب عامك 126 وانت ملية حياتي بايامك الحلوة ياشوشو وربنا يفرحني بيكي يارب يارب ويفرح قلب مامتيك بيكي وباخواتك

Anonymous said...

كل سنة وانتي طيبه يا شيرين وعقبال عيد ميلادك المائة اللي ناويه تعملي فيه حفله لعيد ميلاد ومتخفيش انا ناويه احضر ان شاء الله هااااااااااااااانت ..
وفاء

بسمه عبدالباسط said...

كل سنه وانتى طيبة يا قمر وعقبال مليووووووووووون سنه ويارب تحققى كل آحلامك قريب قووووووووووووووووى

وبعدين ليه بتفكرينى بال 26 كده ينفع بقى أنا كمان كام يوم وهحصلك وحاسة انى هصحى يومها لاقى نفسى بقيت أمنا الغولة
دول 26 سنه مش اى كلام يعنى
هههههههههههههههه

أيامنا الحلوة said...

أميرة
******
ياااااااه يامرمر اول تهنئة ميرسي ياكميل وربنا يبعد عننا دكاترة الشنان
وسوك على البوك الدهبي هههههههه دي كلمة سر محدش يعرفها غير انا وانتي طبعا

تحياتي

أيامنا الحلوة said...

داليا
******
وانا بحبك اكتر يادودو ربنا يخليكي ياقمر

تحياتي

أيامنا الحلوة said...

قلب ينبض بالحب
**************
الحمدلله يابدورتي نحن نستخدم صابون جود مورننج لتحدي التجاعيد ومعجون صابون سائل لغسيل الاشنان وصبغة حنة ام الشعر خمس خمسات لصبغة الشعيرات البيضاء

وسلملي على شباب القلب

تحياتي وكل شنة وانتي بخير ياوزة

أيامنا الحلوة said...

وفاء
****
اوعي تنسي بقى يافوقه انتي معزومة في عيد ميلادي المية هعمل بارتي فظيع

تحياتي

أيامنا الحلوة said...

بوس بوس
********
بعد الشر عليكي ياقمر ال امنا الغولة ال هيه امنا الغولة تيجي حاجة جمبنا دول 26 سنة لاراحو ولا جوم عادي بقى كل سنة وانتي طيبة مقدما كفاية انك اتولدتي في شهر مفترج زي ده انا كمان اتولدت فيه

تحياتي