سامحيني يامصر

سامحيني يامصر انا اللي حسدتك

قولت انك بلد الامن والامان

قولت انك مش زي لبنان

وقولت كمان ان شبابك جدعان

سامحيني يامصر

قولت عليكي انك متماسكة

قولت ان اهلك يامصر مترابطة

سامحيني يامصر

قولت ان مش ممكن يكون فيكي حرب اهلية

مش ممكن ناسك يموتوا بالطريقة ديه

سامحيني يامصر

مكنتش اعرف ان عنيا حسودة

ودع أهلك

تحت شعار "ودع أهلك" والثانية "محدش بيموت ناقص عمر" والثالثة "إن لله وان اليه راجعون"
فكرت في أن أقوم بنزهه نيلية مع أصدقائي على الرغم من علمي الشديد بانه لايوجد أي مركب ولا عبارة في بلادي على درجة عالية من الجودة وربما ركوبي للمركب يودي بحياتي انا وكل من معي في لحظة وبذلك تصبح نهايتي الحياتية مأساوية بمعنى الكلمة .. وتخيلت نفسي فريسة للاسماك واهلي يبحثون عن جسماني فلم يجدوه فتصبح قصتي قضية رأي عام وتقوم من اجلي المظاهرات وترفع الشعارات وتطبع لي صورة في كافة وسائل الاعلام ويكتب بجواري "باي ذنب قتلت" وهنا يكون الشعب ادى دوره من اجل جسماني المفقود .... وياتي دور امن بلادي في توقيف الاحتجاجات ومنع المشاغبات فلايستجيب الشعب المهموم ويصيح "باي ذنب قتلت" فتنهار عليهم القنابل "مسيلة الدموع" ليتفرق المتظاهرون في هذا اليوم المهموم وينشغل الرأي العام بقضايا اخرى لينسوا جسماني المفقود
واخيرا اعزائي قررت ان لااقوم بهذه النزهة النيلية

عيد سعيد

كل سنة وانتم جميعا بخير يارب

وان شاء الله العيد السنة دي يكون كله سعادة على الجميع

وربنا يتقبل لكل الحجاج

لاتنسوني بالدعاء يوم عرفة

يامجنونة

حتى انتى ياللى اسمك قوطة

بتذلى فينا ومبسوطة

حرام عليكى يا مجنونة

خليكى عاقلة ومظبوطة

عاملنا أزمة وشبورة

وبقيتى فى السوق مشهورة

وكل يوم طالعة فى جرنال

ومنزلك كام صورة

بقى ليكى سعر وليكى قيمة

يا مفعصة وعاملة سليمة

مش بعيد بعد شوية

نشوف جنابك فى السيما

من امتى وانتى بعشرة جنيه

والناس غلابة هاتعمل ايه

بقيتى أغلى من التفاح

ومنفضة لنا وعاملة بهية

مجنونة أكتر من العادة

والحالة جاتلك بزيادة

يارب أشوفك يا طماطم من السراية واخدة شهادة

ده حتى شكلك مش هو

وبايظة خالص من جوه

رضينا وانتى معندانا

واخدة الأمور عافية وقوة

حرام عليكى خنقتينا وبأى حق تذلينا

من بعد ما دخلتى فى أزمة

الكل بقى يلعب بينا

هانشتكيكى يا قوطة لمين

من روائع شعبولا

لاتعليق

حد فاهم حاجة

وجع الفراق

الموت شئ محقق لامحاله

بخاف منه اوي

مش اني اموت

لا

بخاف ان كل اللي بحبهم يموتوا ويسبوني وحيدة

بتمني انا اموت الاول

عشان متعذبش من الفراق

عارفة ان في نعمة اسمها النسيان

بس ليه انا منستش

ليه بمثل على نفسي دايما

ليه بحاول اضحك على نفسي دايما

ليه بحاول اظهر للناس غير اللي جوايا دايما

بمثل اني قوية

بس انا مش قوية

انا ضعيفة

بجد انا ضعيفة

أم العروسة

كان يوم ذو طابع خاص ملئ بكثير من القلق والتوتر بالاضافة الى السعادة الغامرة... ملئ بالتفكير في كل ما هو صغير وكبير

.. نعم كل هذا حدث معي فكيف لا اشعر بكل هذا وانا ام العروسة التي تريد ان تري فرح ابنتها

منظم وبكامل استعدادته

اليكم الخبر التالي

تعلن شبكة الاعلام العربية "محيط" نبأ زفاف الاستاذة الصحفية بدرية طه حسين مساء السبت الموافق18-9-2010

ونتمنى لها حياة سعيدة وذرية صالحة باذن الله

انتكتي شعرت في يوم زفافك انك ابنتي واسأل الله العلي الكريم ان يسعد قلبك الابيض
ويرزقك الذرية الصالحة

وليعلم جميع القراء ان العروسة كانت مثل البسبوسة والعريس مثل الكريز وقد اكدت مصادر معزومة

ان العروسة بدورة كانت كالبدر في تمامه واشار شهود عيان الى العروسين كانا في قمة سعادتهما

فيما اشارت مصادر مفروسة الى ان جمال العروسة كان زائد على نور قاعة الزفاف مما اثر على

فاتورة الكهرباء ، مما جعل ادارة الدار تطالب العريس بدفع غرامة بسبب جمال عروسته الزائد

بينما رفض العريس دفع الغرامه مكتفيا بدفع غرامة فاتورة منزل الزوجية

مبرووووووووووووووووووووووووووك .. لولولولوووووووووووووي